គណៈប្រតិភូគណៈកម្មការអង្កេត បោសសំអាត និងប្រឆាំងអំពើពុករលួយ នៃរដ្ឋសភាកម្ពុជា បានអញ្ជើញទៅបំពេញទស្សនកិច្ច សិក្សាស្វែងយល់ ពីវិស័យការងារ ដែលជាការទទួលបន្ទុក របស់គណៈកម្មការ ពិសេសកិច្ចការប្រឆំាងអំពើពុករលួយ នៅប្រទេសម៉ាឡេស៊ី ពីថ្ងៃទី២២ ដល់ថ្ងៃទី២៥ ខែមករា ឆ្នាំ២០១៧ ។
មុនការចេញដំណើរនៅអាកាសយានដ្ឋានអន្តរជាតិភ្នំពេញ ឯកឧត្តម ហូរ វ៉ាន់ ប្រធានគណៈប្រតិភូ និងជាប្រធានគណៈកម្មការអង្កេត បោសសំអាត និង ប្រឆំាងអំពើពុករលួយនៃរដ្ឋសភា បានមានប្រសាសន៍ឲ្យដឹងថា ដំណើរបំពេញបេសកកម្ម នៅក្រៅប្រទេសនាពេលនេះ គឺដើម្បីដកស្រង់ បទ ពិសោធន៍ និងធ្វើការស្រាវជ្រាវពីការប្រយុទ្ធប្រឆាំង អំពើពុករលួយរបស់ប្រទេសម៉ាឡេស៊ី។ ជាពិសេសគណៈប្រតិភូនឹង សិក្សាពីការអនុវត្តច្បាប់ ប្រឆំាង អំពើពុករលួយ នៅក្នុងប្រទេសម៉ាឡេស៊ីនេះ រវាងស្ថាប័ននីតិប្បញ្ញត្តិ និងនីតិប្រតិបត្តិ ៕
អត្ថបទនិងរូបភាពដោយនាយកដ្ឋានព័ត៌មាន
