Home » ព័ត៌មាន » ព័ត៌មានប្រចាំថ្ងៃ » ឯកឧត្តម វ៉ាន់ ដារ៉ា សំណេះសំណាល និងចែកអំណោយជូនប្រជាពលរដ្ឋមានជីវភាពខ្វះខាត នៅខេត្តកំពត

ឯកឧត្តម វ៉ាន់ ដារ៉ា សំណេះសំណាល និងចែកអំណោយជូនប្រជាពលរដ្ឋមានជីវភាពខ្វះខាត នៅខេត្តកំពត Prepaired By: NARA1472 ​ Date: (9/6/2026 3:40:21 AM ) ខេត្តកំពត៖ ឯកឧត្តម វ៉ាន់ ដារ៉ា តំណាងរាស្ត្រមណ្ឌលខេត្តកំពត និងជាសមាជិកគណៈកម្មការទី៣ នៃរដ្ឋសភា នាថ្ងៃទី៥ ខែកញ្ញា ឆ្នាំ២០២៦ បានអញ្ជើញចុះជួបសំណេះសំណាល សួរសុខទុក្ខ និងស្វែងយល់ពីស្ថានភាពជីវភាពរស់នៅរបស់ប្រជាពលរដ្ឋដែលមានជីវភាពខ្វះខាតចំនួន១៤ គ្រួសារ នៅឃុំបានៀវ ស្រុកឈូក ខេត្តកំពត។ ក្នុងឱកាសនោះ ឯកឧត្តមបាននាំយកអំណោយមនុស្សធម៌ជាស្បៀង សម្ភារ និងថវិកា ចែកជូនប្រជាពលរដ្ឋទាំង ១៤គ្រួសារ ដើម្បីចូលរួមសម្រាលការលំបាក និងជួយដល់ជីវភាពរស់នៅប្រចាំថ្ងៃ។ អំណោយសប្បុរសធម៌នេះ រួមមាន អង្ករ មី ទឹកត្រី ទឹកស៊ីអ៊ីវ ប៊ីចេង ត្រីខ អំបិល ក្រមា សារុង និងថវិកាមួយចំនួន។ ជាមួយគ្នានេះ ឯកឧត្តមក៏បានឧបត្ថម្ភថវិកាចំនួន ៥០ម៉ឺនរៀល ដល់សាលាបឋមសិក្សាឧត្តមសេរីរដ្ឋ ដើម្បីចូលរួមគាំទ្រដល់ការងារអប់រំ និងការអភិវឌ្ឍសាលារៀននៅមូលដ្ឋាន។ ការចុះជួបសំណេះសំណាល និងផ្តល់អំណោយមនុស្សធម៌នេះ បានបង្ហាញពីការយកចិត្តទុកដាក់ ចំពោះសុខទុក្ខនិងជីវភាព រស់នៅរបស់ប្រជាពលរដ្ឋ ព្រមទាំងជាការចូលរួមលើកកម្ពស់ស្មារតី ចែករំលែក និងជួយគ្នាទៅវិញទៅមកក្នុងសង្គម៕