លោកជំទាវ ខេង សំវ៉ាដា អនុប្រធានគណៈកម្មការទី៧នៃរដ្ឋសភា និងជាប្រធានបណ្ដាញស្ត្រីសភានៃក្រុមសភាជាតិកម្ពុជាAPF នៅវេលារសៀល ថ្ងៃទី២០ ខែវិច្ឆិកា ឆ្នាំ២០២៥ នៅមជ្ឈមណ្ឌល សន្និបាតគីហ្កាលី នៅប្រទេសរវ៉ាន់ដា បានអញ្ជើញចូលរួមជាមួយឯកឧត្ដម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីក្រសួងការបរទេស និងសហប្រតិបត្តិការអន្តរជាតិ ក្នុងពិធីបិទសន្និសីទថ្នាក់រដ្ឋមន្ត្រីហ្វ្រង់កូហ្វូនីលើកទី៤៦។

ក្នុងឱកាសនោះ ក៍មានការពិធីផ្ទេរតំណែង ប្រធានអង្គប្រជុំនៃ សន្និសីទថ្នាក់រដ្ឋមន្ត្រីហ្វ្រង់កូហ្វូនី លើកទី៤៧ ជូនព្រះរាជាណាចក្រកម្ពុជា ដែលនឹងធ្វើជាម្ចាស់ផ្ទះរៀបចំកិច្ចកំពូលហ្វ្រង់កូហ្វូនី លើកទី២០ នៅក្នុងខែវិចិ្ឆកា ឆ្នាំ២០២៥ នៅខេត្តសៀមរាប ផងដែរ៕