នាព្រឹកថ្ងៃទី២១ ខែតុលា ឆ្នាំ២០២៤ ឯកឧត្តមបណ្ឌិត សម តារា អនុប្រធានគណៈកម្មការទី១នៃរដ្ឋសភា និងជាតំណាងរាស្ត្រមណ្ឌលខេត្តស្វាយរៀង ព្រមទាំងមានការចូលរួមពីថ្នាក់ខេត្ត ថ្នាក់ស្រុក ថ្នាក់ឃុំ និងថ្នាក់ភូមិ បានអញ្ជើញជួបសំណេះសំណាល និងសាកសួរសុខទុក្ខប្រជាកសិករចិញ្ចឹមត្រី ១គ្រួសារ និងចាស់ជរាចំនួន៤គ្រួសារ នៅភូមិបន្លាស្អិត ឃុំច្រេស ស្រុកចន្ទ្រា ខេត្តស្វាយរៀង ដែលពួកគាត់កំពុងជួបប្រទះការលំបាក និងការខ្វះខាតក្នុងជីវភាពប្រចាំថ្ងៃ។ ទន្ទឹមនឹងនេះ ប្រជាកសិករទាំងអស់មានសេចក្តីរំភើបរីករាយ ដោយបានឃើញវត្តមានថ្នាក់ដឹកនាំគ្រប់លំដាប់ថ្នាក់ បានយកចិត្តទុកដាក់ និងជួយសម្រួលការលំបាកខ្វះខាតរបស់ពួកគាត់ដែលកំពុងត្រូវការចាំបាច់ ។

ក្នុងឱកាសនោះ ឯកឧត្តមបណ្ឌិត បានឧបត្ថម្ភថវិកាជូនកសិករ ចាស់ជរា និងក្រុមការងារសរុបថវិកាទាំងអស់ចំនួន ៣,២០០,០០០ រៀលផងដែរ ៕