ភ្នំពេញ៖ លោកបណ្ឌិត ឈាង វណ្ណារិទ្ធ ប្រធានក្រុមទីប្រឹក្សារដ្ឋសភា បានចែករំលែក ការយល់ដឹងរបស់លោក ក្នុងកិច្ចប្រជុំពិភាក្សាស្តីពី តួនាទីរបស់សហគមន៍ចិន នៅទូទាំងពិភពលោកនៅក្នុងកិច្ចប្រជុំកំពូលសេដ្ឋកិច្ច និងបច្ចេកវិទ្យារបស់ចិន (GCET)ជាសកលដែលរៀបចំដោយរាជរដ្ឋាភិបាលកម្ពុជានៅថ្ងៃទី ២៦ ខែវិច្ឆិកា ឆ្នាំ២០២៤ នៅសណ្ឋាគារ Sofitel។ លោកបានលើកឡើងពីតួនាទីដ៏សំខាន់របស់សហគមន៍ចិននៅទូទាំងពិភពលោកក្នុងភាពជាសហគ្រិន និងនវានុវត្តន៍ ដែលជាកត្តាជំរុញការអភិវឌ្ឍសេដ្ឋកិច្ចសង្គម ហើយលោកក៏បានសង្កត់ធ្ងន់លើតម្រូវការ សម្រាប់ការវិនិយោគកាន់តែច្រើន នៅក្នុងសមាហរណកម្មសង្គម ការតភ្ជាប់សេដ្ឋកិច្ច និងការនវានុវត្តន៍នៅក្នុងចំណោមសហគមន៍ចិននៅទូទាំងពិភពលោក និងជាមួយសហគមន៍មូលដ្ឋានផងដែរ។

លោកក៏បានកត់សម្គាល់ផងដែរអំពី សក្តានុពលដ៏សំខាន់ក្នុងការពង្រឹងទំនាក់ទំនងរវាងប្រទេសចិន និងអាស៊ីអាគ្នេយ៍ តាមរយៈទំនាក់ទំនងវប្បធម៌ និងសេដ្ឋកិច្ចរបស់សហគមន៍ចិននៅទូទាំងពិភពលោកផងដែរ។