ឯកឧត្តម តាក វណ្ណថា តំណាងរាស្ត្រមណ្ឌលខេត្តព្រះសីហនុ និងលោកជំទាវ បានអញ្ជេីញជាអធិបតីក្នុងពិធីបើកបវេសនកាលឆ្នាំសិក្សាថ្មី២០២៤-២០២៥ និងផ្តល់រង្វាន់លើកទឹកចិត្តដល់សិស្សពូកែ នៅសាលាបឋមសិក្សាហ៊ុន សែន ក្រុងព្រះសីហនុ កាលពីថ្ងៃទី១ ខែវិច្ឆិកា ឆ្នាំ២០២៤។
បន្ទាប់ពីបានស្តាប់របាយការណ៍អំពីស្ថានភាពទូទៅរបស់លោកនាយកសាលា ឯកឧត្តម តាក វណ្ណថា បានអានសារលិខិតសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ថ្លែងក្នុងឱកាសបេីកបវេសនកាលឆ្នាំសិក្សា២០២៤-២០២៥ និងបានមានមតិសំណេះសំណាលក្នុងអង្គពិធី ព្រមទាំងផ្តល់អំណោយជូនលោកគ្រូ អ្នកគ្រូ ដែលចូលនិវត្តន៍ ចំនួន៤នាក់ ក្នុងម្នាក់ៗទទួលបានសម្លៀកបំពាក់១កំប្លេ និងថវិកាចំនួន១០ម៉ឹនរៀល។
ក្នុងឱកាសនោះ ឯកឧត្តម ក៏បានចែកលិខិតសសើរ និងរង្វាន់ជ័យលាភីចំនួន១៧៨នាក់ ពីថ្នាក់ទី១ ដល់ ថ្នាក់ទី៦ ចាប់ពីចំណាត់ថ្នាក់លេខ១ដល់លេខ៥ រួមមាន៖
១-សិស្សលេខ១ សៀវភៅ៥ក្បាល ប៊ិច២ដើម បន្ទាត់១ ខ្មៅ១ និងប័ណ្ណសរសើរ១។
២-សិស្សលេខ២ សៀវភៅ៤ក្បាល ប៊ិច២ដើម បន្ទាត់១ដើម ខ្មៅដៃ១ និងប័ណ្ណសរសើរ១។
៣-សិស្សលេខ៣ សៀវភៅ៤ក្បាល ប៊ិច២ដើម បន្ទាត់១ដើម និងប័ណ្ណសរសើរ១។
៤-សិស្សលេខ៤ និងលេខ៥ សៀវភៅ៤ក្បាល ប៊ិច២ បន្ទាត់១ និងប័ណ្ណសរសើរ១ដូចគ្នា។
ដោយឡែកសិស្សក្រុមរបាំ ចំនួន ៥នាក់ ម្នាក់ៗទទួលបានថវិកាចំនួន៥០,០០០រៀល។
ពិធីនេះមានការអញ្ជេីញចូលរួមពីឯកឧត្តម លោកជំទាវ ឧកញ៉ា លោក លោកស្រី ដែលជាសប្បុរសជន មាតាបិតា និងអាណាព្យាបាលសិស្សានុសិស្សផងដែរ៕
