សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំគណៈកម្មាធិការអចិន្រ្តៃយ៍នៃរដ្ឋសភា ថ្ងៃអង្គារ ទី២ ខែមិថុនា ឆ្នាំ២០២០__ គណៈកម្មាធិការអចិន្ត្រៃយ៍រដ្ឋសភាកំណត់យកថ្ងៃទី៤ ខែមិថុនា ឆ្នាំ២០២០ បន្តសម័យប្រជុំរដ្ឋសភាលើកទី៤ នីតិកាលទី៦__ សារលិខិតរំលែកទុក្ខរបស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា ជូន លោកជំទាវ ង្វៀនធី គីមងិន ប្រធានរដ្ឋសភា នៃសាធារណរដ្ឋសង្គមនិយមវៀតណាម ចំពោះមរណភាពរបស់ ឯកឧត្តម វ៉ូ ម៉ៅ__ សម្តេចអគ្គមហាពញាចក្រី ហេង សំរិន ជំរុញឯកអគ្គរាជទូតកម្ពុជា ប្រចំាប្រទេសនានា តម្កល់ផលប្រយោជន៍ជាតិជាធំ ពង្រីកកិច្ចសហប្រតិបត្តិការជាមួយប្រទេសជាមិត្ត__ សេចក្តីព្រាងច្បាប់ពីរ ទាក់ទងការប្រឆំាងការសម្អាតប្រាក់ត្រូវបានគណៈកម្មការជំនាញរដ្ឋសភា និងតំណាងរាជរដ្ឋាភិបាល បញ្ចប់ការពិនិត្យសិក្សា__ គណៈកម្មការទី៣នៃរដ្ឋសភា ប្រជុំពិនិត្យលើរបាយការណ៍បូកសរុបលទ្ធផលការងាររបស់ក្រសួងស្ថាប័ន ក្នុងសមត្ថកិច្ចរបស់ខ្លួន__ គណៈកម្មការជំនាញរដ្ឋសភា គំាទ្រសេចក្តីព្រាងច្បាប់ស្តីពីការអនុម័តយល់ព្រមឱ្យព្រះរាជាណាចក្រកម្ពុជា ចូលជាភាគីនៃអនុសញ្ញាទីក្រុងប៊ែន ស្តីពីកិច្ចការពារស្នាដៃអក្សរសាស្រ្ត និងសិល្បៈឆ្នាំ១៨៨៦ និង...__ គណៈកម្មការជំនាញរដ្ឋសភា ប្រជុំជាមួយតំណាងរាជរដ្ឋាភិបាលពិនិត្យសេចក្តីព្រាងច្បាប់ ស្តីពីការជួយគ្នាទៅវិញទៅមកផ្នែកច្បាប់ ក្នុងវិស័យព្រហ្មទណ្ឌ__ គណៈកម្មការរដ្ឋសភាពិនិត្យសេចក្តីព្រាងច្បាប់២ ទាក់ទងនឹងការប្រឆាំងហិរញ្ញប្បទាន ការរីកសាយភាយអាវុធមហាប្រល័យ និងការប្រឆាំងការសម្អាតប្រាក់ និងហិរញ្ញប្បទានភេរវកម្ម__ ឯកឧត្តម ឈាង វុន ចុះផ្សព្វផ្សាយ និងក្រើនរំលឹកប្រជាពលរដ្ឋ ឲ្យបន្តប្រុងប្រយ័ត្ន និងការពារខ្លួនពីវីរុសកូវីដ COVID-19__ អគ្គលេខាធិការដ្ឋានរដ្ឋសភា គោរពជូនពរ សម្ដេចចក្រី ហេង សំរិន ក្នុងឱកាសចម្រើនជន្មាយុ គម្រប់៨៦ ឈានចូល៨៧ឆ្នាំ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » សភាកម្ពុជាដាក់ចេញផែនការការងារ ក្នុងការត្រៀមរៀបចំកិច្ចប្រជុំ ASEP លើកទី១១ នៅចុងឆ្នាំ២០២០
សភាកម្ពុជាដាក់ចេញផែនការការងារ ក្នុងការត្រៀមរៀបចំកិច្ចប្រជុំ ASEP លើកទី១១ នៅចុងឆ្នាំ២០២០
រៀបរៀងដោយ ៖​ NA1472 ​ នៅថ្ងៃទី (10/23/2019 6:16:04 AM )

លេខាធិការដ្ឋានជាតិ ASEP ដែលជាសេនាធិការសភាកម្ពុជា ក្នុងការត្រៀមរៀបចំកិច្ចប្រជុំភាពជាដៃគូសភាអាស៊ី-អឺរ៉ុប លើកទី១១(ASEP-11) បានប្រជុំដាក់ផែនការការងារដែលត្រូវអនុវត្ត ដើម្បីឱ្យការរៀបចំកិច្ចប្រជុំភាពជាដៃគូសភាអាស៊ី-អឺរ៉ុប លើកទី១១ (ASEP-11) ដែល សភានៃព្រះរាជាណាចក្រកម្ពុជា គ្រោងធ្វើជាម្ចាស់ផ្ទះ នាចុងឆ្នាំ២០២០ ខាងមុខ ទទួលបានជោគជ័យ។

កិច្ចប្រជុំនេះ ធ្វើឡើងនៅវិមានរដ្ឋសភា នារសៀលថ្ងៃទី២២ ខែតុលា ឆ្នាំ២០១៩ ក្រោមអធិបតីភាព ឯកឧត្តម ឡេង ប៉េងឡុង អគ្គលេខាធិការរដ្ឋសភា និងជាប្រធានលេខាធិការដ្ឋានជាតិ ASEP ដោយមានការចូលរួមពី មន្ត្រីជំនាញអគ្គលេខាធិការដ្ឋានរដ្ឋសភា ព្រឹទ្ធសភា ព្រមទាំងភាគីពាក់ព័ន្ធដទៃទៀត។

ឯកឧត្តម ឡេង ប៉េងឡុង បានលើកឡើងពីការងារមួយចំនួន ដែលត្រូវផ្តើមអនុវត្តចាប់ពីពេលនេះទៅ ដូចជា ការធ្វើសេចក្តីព្រាងកម្មវិធី រូបសញ្ញាកិច្ចប្រជុំ ពិសេសត្រូវ បង្កើតប្រតិទិនការងារ ដែលជាត្រីវិស័យ ត្រូវអនុវត្ត។ ឯកឧត្តមប្រធានលេខាធិការដ្ឋាន បានស្នើដល់មន្រ្តី ទាំងអស់ ត្រូវយកចិត្តទុកដាក់ អនុវត្តភារកិច្ចការងាររបស់ខ្លួនបន្ថែមទៀត។

ឯកឧត្តម ឡេង ប៉េងឡុង បានលើកឡេីងថា ការងារសំខាន់ចំពោះមុខ គឺក្រុមការងារ ឯកសារ និងខ្លឹមសារ។ ឯកឧត្តម ស្នើសុំក្រុមការងារ នេះ ធ្វើការស្រាវជ្រាវ អោយបានគ្រប់ជ្រុងជ្រោយ។ ជាមួយគ្នានេះ ឯកឧត្តមបានទទូចសុំឲ្យមន្រ្តីបច្ចេកទេស និងរដ្ឋបាលទំាងអស់ យកចិត្តទុកដាក់លើភារកិច្ចរបស់ខ្លួន ដើម្បីធ្វើឲ្យកិច្ចប្រជុំភាពជាដៃគូសភាអាស៊ី-អឺរ៉ុប លើកទី១១ ទទួលបានជោគជ័យ ដូចកិច្ចប្រជុំ មហាសន្និបាត ឬវេទិកាសភានានា ដែលសភាកម្ពុជាធ្លាប់ធ្វើជាម្ចាស់ផ្ទះនាពេលកន្លងមក។

សូមជម្រាបថា សភាកម្ពុជាទទួលធ្វើជាម្ចាស់ផ្ទះនៃកិច្ចប្រជុំភាពជាដៃគូសភាអាស៊ី-អឺរ៉ុប លើកទី១១ នៅក្នុងឆ្នាំ២០២០នេះ ស្របពេល ដែលរាជរដ្ឋាភិបាលកម្ពុជាទទួលធ្វើជាម្ចាស់ផ្ទះ កិច្ចប្រជុំកំពូលអាស៊ី-អឺរ៉ុប លើកទី១៣ នៅក្នុងឆ្នាំ២០២០នោះដែរ។

កិច្ចប្រជុំភាពជាដៃគូសភាអាស៊ី-អឺរ៉ុប(ASEP) មានឈ្មោះជាភាសាអង់គ្លេស “Asia-Europe Parliamentary Partnership Meeting”។ ASEP គឺជាផ្នែកមួយរបស់ ASEM ដែលរដ្ឋាភិបាលប្រទេសជាម្ចាស់ផ្ទះរៀបចំកិច្ចប្រជុំនេះ។ កិច្ចប្រជុំភាពជាដៃគូសភាអាស៊ី-អឺរ៉ុប (ASEP) ជាវេទិកាសភាមួយ សម្រាប់ទំនាក់ទំនង ការផ្លាស់ប្តូរបទពិសោធន៍នឹងគ្នា ជាពិសេសពង្រឹងវិស័យការទូតសភា ក្នុងចំណោមសភា ទាំងឡាយក្នុងតំបន់ និងពិភពលោក ដើម្បីលើកកម្ពស់ការយោគយល់គ្នាទៅវិញទៅមកក្នុងចំណោមប្រជាជន និងបណ្តាប្រទេសនានា ក្នុងតំបន់អាស៊ី និងអឺរ៉ុប។ ASEPរៀបចំឡើងក៏ដើម្បីបង្កើនទំនាក់ទំនងរវាងសភាតំបន់អាស៊ី និងអឺរ៉ុប និងASEM ដើម្បីផ្តល់វិភាគទាន យ៉ាងសកម្មរបស់សភាក្នុងដំណើរASEM ជាពិសេសដល់កិច្ចប្រជុំកំពូលនានារបស់ ASEM៕

អត្ថបទ និងរូបភាព ដោយនាយកដ្ឋានព័ត៌មាន