សារលិខិតជូនពរ​ លោកជំទាវបណ្ឌិត​ ពេជ​ ចន្ទមុន្នី​ ហ៊ុន​ ម៉ាណែត​ អនុប្រធានអចិន្ត្រៃយ៍កាកបាទក្រហមកម្ពុជា​ អគ្គស្នងការនៃសមាគមកាយឫទ្ធិនារីកម្ពុជា​ និងជាអនុប្រធានសមាគមគ្រូពេទ្យស្ម័គ្រចិត្តយុវជនសម្តេចតេជោ​ __ សភានិយាយភាសាបារាំងរៀបចំសន្និសីទសភា ស្តីពី «កិច្ចសហប្រតិបត្តិការហ្វ្រង់កូហ្វូន ក្នុងវិស័យកសិកម្មប្រកបដោយចីរភាព សុវត្ថិភាពចំណីអាហារ និងការប្រយុទ្ធប្រឆាំងនឹងបម្រែបម្រួលអាកាសធាតុ» __ គណៈកម្មការទី៩នៃរដ្ឋសភា អញ្ជើញចុះសិក្សាឈ្វេងយល់ពីវឌ្ឍនភាពការងាររបស់កំពង់ផែស្វយ័តខេត្តព្រះសីហនុ __ គណៈកម្មការទី៩នៃរដ្ឋសភា អញ្ជើញចុះសិក្សាស្វែងយល់ពីវឌ្ឍនភាពការងារនៅតំបន់សេដ្ឋកិច្ចពិសេសខេត្តព្រះសីហនុ __ តំណាងរាស្ត្រមណ្ឌលខេត្តប៉ៃលិនអញ្ជើញពិនិត្យមើលវឌ្ឍនភាពការសាងសង់ស្តូបអនុស្សាវរីយ៍នយោបាយឈ្នះ ឈ្នះ __ គណៈកម្មការជំនាញរដ្ឋសភា វាយតម្លៃខ្ពស់ការរីកចម្រើនវិស័យទេសចរណ៍នៅក្នុងខេត្តកំពង់ចាម __ គណៈកម្មការទី៧​ នៃរដ្ឋសភា អញ្ជើញចុះទស្សនកិច្ចនៅប្រាសាទនគរបាជ័យ​ និងរមណីយដ្ឋានភ្នំប្រុសភ្នំស្រី​ __ អគ្គលេខាធិការដ្ឋានរដ្ឋសភាកំពុងពន្លឿនការងារសភាឌីជីថល __ ឯកឧត្ដមបណ្ឌិត ហ៊ឺ វីរៈ អញ្ជើញជួបសំណេះសំណាល និងសួរសុខទុក្ខប្រជាពលរដ្ឋនៅស្រុកកំពង់លែង ខេត្តកំពង់ឆ្នាំង __ តំណាងរាស្ត្រមណ្ឌលខេត្តពោធិ៍សាត់ អញ្ជើញចុះជួបសំណេះសំណាលជាមួយប្រជាពលរដ្ឋនៅស្រុកក្រគរ និងស្រុកក្រវាញ៕

Home » គណៈកម្មការទី៧ » សកម្មភាព » អាជ្ញាធរខេត្តព្រះវិហារជម្រាបជូនគណៈប្រតិភូរដ្ឋសភាពីភាពរីកចម្រើនរបស់ខេត្តព្រះវិហារ ពិសេសលើវិស័យទេសចរណ៍ និងវិស័យអប់រំ
អាជ្ញាធរខេត្តព្រះវិហារជម្រាបជូនគណៈប្រតិភូរដ្ឋសភាពីភាពរីកចម្រើនរបស់ខេត្តព្រះវិហារ ពិសេសលើវិស័យទេសចរណ៍ និងវិស័យអប់រំ
Prepaired By: NA1472 ​ Date: (3/19/2019 9:00:28 PM )

នៅក្នុងឱកាសទទួលស្វាគមន៍គណៈប្រតិភូរដ្ឋសភា ដឹកនាំដោយ ឯកឧត្តម ហ៊ុន ម៉ានី ប្រធានគណ:កម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍នៃរដ្ឋសភា នៅព្រឹកថ្ងៃទី១៣ ខែមីនា ឆ្នាំ២០១៩ នៅសាលាខេត្តព្រះវិហារ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តព្រះវិហារ បានមានប្រសាសន៍ថា ខេត្តព្រះវិហារគឺជាគោលដៅទេសចរណ៍វប្បធម៌ប្រវត្តិសាស្ត្រ និងធម្មជាតិមួយ ដ៏សំខាន់ ដែលមានកន្លែងទស្សនាកំសាន្តចំនួន១៧កន្លែង ដូចជាប្រាសាទវិហារ ប្រាសាទកោះកេរ ប្រាសាទព្រះខ័ន កំពង់ស្វាយ ទឹកធ្លាក់ព្រះនិមិ្មត ទឹកធ្លាក់តេជោបុស្សស្បូវ ទឹកធ្លាក់ភ្នំត្បែង និងសហគមន៍ត្មាតប៉ើយជាដើម។ ឯកឧត្ដមមានប្រសាសន៍បន្តថា នៅក្នុងឆ្នាំ២០១៨ ខេត្តបានទទួលភ្ញៀវ ទេសចរណ៍៤៣១.១០៩នាក់ ប្រៀបធៀបទៅនឹងរយៈពេលដូចគ្នាក្នុងឆ្នាំ២០១៧ មានការកើនឡើង ៣,៦២% ក្នុងនោះភ្ញៀវទេសចរណ៍ជាតិ ៣៧៣.៦១៤នាក់ ភ្ញៀវទេសចរណ៍អន្តរជាតិចំនួន ៥៧.៤៩៥នាក់។

ចំពោះវិស័យអប់រំវិញ ឯកឧត្ដមអភិបាលខេត្តមានប្រសាសន៍ឲ្យដឹងថា នៅក្នុងខេត្តព្រះវិហារ មានអគារសិក្សាគ្រប់កំរិតចំនួន៣៧៩កន្លែង ស្មើនឹង ១.៩២៩បន្ទប់។ រីឯលទ្ធផលប្រឡងមធ្យមសិក្សាទុតិយភូមិក្នុងឆ្នាំសិក្សា២០១៧-២០១៨ មានបេក្ខជនសរុប ១.៣៣៣នាក់ បានប្រឡងជាប់ ចំនួន១.១៦៥នាក់។

ដោយឡែកវិស័យផ្សេងៗទៀត អាជ្ញាធរខេត្តក៏ដូចជាមន្ទីរជំនាញពាក់ព័ន្ធ បានខិតខំប្រឹងប្រែងអនុវត្តទៅតាមគោលនយោបាយ និងយុទ្ធសាស្ត្រ ចតុកោណដំណាក់កាលទី៤របស់រាជរដ្ឋាភិបាលទទួលបាននូវប្រសិទ្ធភាពខ្ពស់ ដើម្បីឆ្លើយតបទៅនឹងតំរូវការចាំបាច់របស់ប្រជាពលរដ្ឋ។

ក្រោយពីបានស្តាប់របាយការណ៍របស់អាជ្ញាធរខេត្តក៏ដូចជាលោក លោកស្រី ជាប្រធានមន្ទីរជំនាញពាក់ព័ន្ធរួចមក ឯកឧត្តម ហ៊ុន ម៉ានី បានថ្លែង កោតសរសើរនឹងវាយតំលៃខ្ពស់ចំពោះការខិតខំប្រឹងប្រែងរបស់អាជ្ញាធរខេត្ត និងមន្ទីរជំនាញពាក់ព័ន្ធទាំងអស់ ដែលបានខិតខំប្រឹងប្រែងយកចិត្ត ទុកដាក់បំពេញការងារ និងអនុវត្តតាមគោលនយោបាយយុទ្ធសាស្ត្រចតុកោណរបស់រាជរដ្ឋាភិបាល។ ទន្ទឹមនឹងភាពជោគជ័យនេះ ឯកឧត្តម ហ៊ុន ម៉ានី ក៏បានស្នើអាជ្ញាធរខេត្ត និងមន្ទីរជំនាញពាក់ព័ន្ធ ត្រូវខិតខំបន្ថែមទៀតក្នុងការបំរើសេវាជូនប្រជាពលរដ្ឋឲ្យបានល្អប្រសើរ។

ឯកឧត្តមក៏បានមានប្រសាសន៍កោតសរសើរចំពោះការខិតខំប្រឹងប្រែងរបស់កងកម្លាំងប្រដាប់អាវុធ ក្នុងការការពារនូវបូរណភាពទឹកដី និងរក្សាសុខ សន្តិភាពជូនប្រជាពលរដ្ឋបានយ៉ាងល្អ នៅតាមខ្សែបន្ទាត់ព្រំដែន។

នៅវេលារសៀលថ្ងៃដដែលនេះដែរ គណ:ប្រតិភូដែលដឹកនាំដោយ ឯកឧត្តម ហ៊ុន ម៉ានី ប្រធានគណ:កម្មការទី៧នៃរដ្ឋសភា ក៏បានអញ្ជើញ ទស្សនកិច្ច និងជួបសំណេះសំណាលជាមួយលោកគ្រូ អ្នកគ្រូ សិស្សានុសិស្ស នៅអនុវិទ្យាល័យត្បែងមានជ័យផងដែរ។

អត្ថបទ និងរូបភាព ដោយនាយកដ្ឋានព័ត៌មាន