រដ្ឋសភាកម្ពុជាចេញញត្តិថ្កោលទោសដាច់អហង្ការ ចំពោះទង្វើខុសច្បាប់របស់ក្រុមឧទ្ទាមក្រៅប្រទេស__ អគ្គលេខាធិការដ្ឋានរដ្ឋសភា ចេញសេចក្តីប្រកាសព័ត៌មានផ្លូវការស្តីពីលទ្ធផលសម័យប្រជុំរដ្ឋសភាលើកទី៦ នីតិកាលទី៧ នៅថ្ងៃចន្ទ ទី២១ ខែកញ្ញាឆ្នាំ២០២៦ នេះ__ រាជរដ្ឋាភិបាលប្តេជ្ញាចិត្តខ្ពស់ បញ្ចប់ការចុះបញ្ជីដីធ្លី និងផ្តល់ប័ណ្ណកម្មសិទ្ធិជូនប្រជាពលរដ្ឋឱ្យបាន ១០០% ក្នុងនីតិកាលទី៧ នៃរដ្ឋសភា__ រដ្ឋសភាទទួលយកសេចក្ដីព្រាងច្បាប់ចំនួន៤ ដែលជាសំណើរបស់រាជរដ្ឋាភិបាល មកពិនិត្យ សិក្សា__ ឯកឧត្តមបណ្ឌិត ឈាង វណ្ណារិទ្ធ ចែករំលែកគន្លឹះសំខាន់ៗ ក្នុងការកសាងនវានុវត្តន៍ស្ថាប័ន ដល់ក្រុមការងារ ហ៊្គូប៊ីក គ្រុប__ អគ្គលេខាធិការដ្ឋានរដ្ឋសភា រៀបចំសិក្ខាសាលាប្រមូលធាតុចូលដើម្បីបន្តជំរុញជោគជ័យលើការកែទម្រង់ការគ្រប់គ្រងហិរញ្ញវត្ថុ និងរដ្ឋបាលសាធារណៈ សំដៅលើកកម្ពស់អភិបាលកិច្ច និងប្រសិទ្ធភាពការងារស្ថាប័ន__ អគ្គលេខាធិការដ្ឋានរដ្ឋសភា ជំរុញការងារកែទម្រង់រដ្ឋបាលសាធារណៈ ដើម្បីបង្កើនប្រសិទ្ធភាពបម្រើការងារជូនតំណាងរាស្ត្រ ដើម្បីផលប្រយោជន៍ប្រជាជន__ រដ្ឋសភានឹងបន្តសម័យប្រជុំពេញអង្គ នៅថ្ងៃទី២១កញ្ញា ដើម្បីសម្រេចសុពលភាពតំណាងរាស្ត្រថ្មី ឯកឧត្តម សុខ ផេង ជំនួស ឯកឧត្តម ច័ន្ទ សារុន ដែលបានទទួលមរណភា និងពិភាក្សាអនុម័តសេចក្តីព្រាងច្បាប់ ចំនួន ៤__ ឯកឧត្តម ព្រហ្ម វិរៈ ដឹកនាំកិច្ចប្រជុំត្រៀមចូលរួមមហាសន្និបាត AIPA លើកទី៤៧ នៅហ្វីលីពីន និងការសហការធ្វើជាម្ចាស់ផ្ទះកិច្ចប្រជុំ APF__ រដ្ឋសភាចែករំលែកចំណេះដឹងពាក់ព័ន្ធនឹងស្ថាប័ននីតិប្បញ្ញត្តិ និងយន្តការសមាជរដ្ឋសភា-ព្រឹទ្ធសភា ដល់និស្សិតខ្មែរនៅបរទេស__ ឯកឧត្តម ឃួន ដាវិត ដឹកនាំកិច្ចប្រជុំពិនិត្យការងារត្រៀមដាក់ឲ្យដំណើរការសាកល្បងប្រព័ន្ធ សភាអេឡិចត្រូនិច E-Parliament__ លោកជំទាវ កុល ធារិន អញ្ជើញចូលរួមពិធីបុណ្យសលាកភត្ត នៅវត្តសុទស្សនារាម ជ្រោយថ្ម ខេត្តកំពង់ចាម__ ឯកឧត្តមបណ្ឌិត ហ៊ឺ វីរៈ អញ្ជើញសំណេះសំណាលជាមួយសិល្បករ សិល្បការិនីរបាំ និងចុះពិនិត្យការសិក្សារបស់សមណសិស្ស នៅខេត្តកំពង់ឆ្នាំង__ លោកជំទាវ ឡោក ខេង អញ្ជើញចូលរួមនៅក្នុងពិធីសម្ពោធលេខាធិការដ្ឋាន AFPPD ដែលបានដាក់ទីតាំងថ្មីនៅទីក្រុងគូឡាឡាំពួរ__ ឯកឧត្តម វ៉ាន់ ដារ៉ា សំណេះសំណាល និងចែកអំណោយជូនប្រជាពលរដ្ឋមានជីវភាពខ្វះខាត នៅខេត្តកំពត__ តំណាងរាស្ត្រមណ្ឌលខេត្តស្វាយរៀង អញ្ជើញចុះសួរសុខទុក្ខ និងនាំយកអំណោយចែកជូនចាស់ជរា នៅស្រុកកំពង់រោទិ៍__ ឯកឧត្តម គិត ទ្រី អញ្ជើញចុះពិនិត្យស្ថានភាពទឹកទន្លេស្រែពក ដែលកំពុងជន់ឡើងខ្លាំង__ គណៈប្រតិភូរដ្ឋសភាកម្ពុជា ចូលរួមវេទិកាអភិវឌ្ឍន៍ថាមពលកាបូនទាបតៃយាន ឆ្នាំ២០២៦ នៅខេត្តសានស៊ី ប្រទេសចិន)__ លោកជំទាវ ឡោក ខេង អញ្ជើញចូលរួមកិច្ចប្រជុំថ្នាក់តំបន់អាស៊ី-ប៉ាស៊ីហ៊្វិក ដើម្បីសង្កត់ធ្ងន់លើការកសាង «ភាពធន់នៃប្រជាសាស្ត្រ»__ ឯកឧត្តមសន្តិបណ្ឌិត ឡូយ សុផាត ដឹកនាំគណៈប្រតិភូរដ្ឋសភា អញ្ជើញចូលជួបសម្ដែងការគួរសមជាមួយប្រធានគណៈកម្មាធិការប្រឹក្សានយោបាយប្រជាជនខេត្តសានស៊ី ៕

Home » គណៈកម្មការទី៥ » សកម្មភាព » រដ្ឋសភាកម្ពុជា បានជម្រាបអង្គទូតនានានៅភ្នំពេញពីការទទួលធ្វើជាម្ចាស់ផ្ទះកិច្ចប្រជុំប្រចំាឆ្នាំលើកទី២៧ APPF របស់សភាកម្ពុជា
រដ្ឋសភាកម្ពុជា បានជម្រាបអង្គទូតនានានៅភ្នំពេញពីការទទួលធ្វើជាម្ចាស់ផ្ទះកិច្ចប្រជុំប្រចំាឆ្នាំលើកទី២៧ APPF របស់សភាកម្ពុជា
Prepaired By: NA1472 ​ Date: (3/7/2019 1:11:17 AM )

ឯកឧត្ដម ឈាង វុន ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាននៃរដ្ឋសភា និងជាអនុប្រធាន អចិន្ត្រៃយ៍គណៈកម្មការរៀបចំកិច្ចប្រជុំលើកទី២៧ នៃវេទិកាសភាអាស៊ី-ប៉ាស៊ីហ្វិក បានជម្រាបអង្គទូតនានាដែលប្រចំានៅព្រះរាជាណាចក្រកម្ពុជា ពីការទទួលធ្វើជាម្ចាស់ផ្ទះកិច្ចប្រជុំប្រចំាឆ្នាំលើកទី២៧ នៃវេទិកាសភាអាស៊ី-ប៉ាស៊ីហ្វិក របស់សភាកម្ពុជា។

ការជម្រាបដល់អង្គទូតនានាពីព្រឹត្តិការណ៍ដ៏សំខាន់នេះ បានធ្វើឡើងនៅវិមានរដ្ឋសភា នាព្រឹកថ្ងៃទី១១ ខែមករា ឆ្នាំ២០១៩ ខណៈដែលកិច្ចប្រជុំ លើកទី២៧ នៃវេទិកាសភាអាស៊ី-ប៉ាស៊ីហ្វិក នឹងចាប់ផ្តើមនៅថ្ងៃទី១៤​ ខែមករាខាងមុខនេះ។ នៅក្នុងជំនួបជាមួយអង្គទូតនានានោះ ឯកឧត្ដម ឈាង វុន​ បានគូសបញ្ជាក់ថា កិច្ចប្រជុំលើកទី២៧ នៃវេទិកាសភាអាស៊ី-ប៉ាស៊ីហ្វិក នឹងប្រារព្ធធ្វើឡើងនៅលើទឹកដីអង្គរ នាខេត្តសៀមរាប ចាប់ពីថ្ងៃទី១៤​ ដល់ថ្ងៃទី១៧​ ខែមករា​ ឆ្នាំ២០១៩។

ឯកឧត្តមបានបន្តថា​ ការទទួលធ្វើជាម្ចាស់ផ្ទះរៀបចំកិច្ចប្រជុំដ៏សំខាន់របស់អង្គការសភាដ៏ធំមួយនេះ គឺជាការចូលរួមចំណែករបស់សភាកម្ពុជាក្នុងការ កសាងសុខសន្តិភាព និងការអភិវឌ្ឍប្រកបដោយចីរភាពរបស់តំបន់ និងពិភពលោក តាមរយៈយន្តការសភា ដែលយកការជជែក ការចចារជាធំ។ ឯកឧត្តម ឈាង វុន បានគូសបញ្ជាក់បន្ថែមថា ការរៀបចំព្រឹត្តិការណ៍ដ៏សំខាន់នេះទៅកើត​ ក៏ដោយសារប្រទេសកម្ពុជាមានសុខសន្តិភាព ស្ថេរភាព នយោបាយ និងការអភិវឌ្ឍផងដែរ។

វេទិកាសភាអាស៊ី-ប៉ាស៊ីហ្វិក​ ដែលហៅកាត់ថាAPPF មានសមាជិកចំនួន២៧ប្រទេស។ គណៈប្រតិភូសភា២១ប្រទេស​ គ្រោងនឹងអញ្ជើញមកចូលរួម កិច្ចប្រជុំប្រចំាឆ្នាំនៅកម្ពុជានាពេលនេះ ដោយសរុបគណៈប្រតិភូបរទេសប្រមាណ៣០០នាក់។

សូមជម្រាបថា​ សភាកម្ពុជាចូលជាសមាជិកវេទិកា​ ឬអង្គការសភាជាច្រើននៅក្នុងតំបន់ និងសកលលោក មានដូចជា សហភាពអន្តរសភា(IPU) អន្តរសភាអាស៊ាន(AIPA) សភាតំបន់អាស៊ី(APA) សភានិយាភាសាបារំាង(APF) និងវេទិកាសភាអាស៊ី-ប៉ាស៊ីហ្វិកនេះជាដើម។ ជាសមាជិកវេទិកា អង្គការសភាទំាងនោះ សភាកម្ពុជាបានចូលរួមយ៉ាងសកម្ម និងបានទទួលធ្វើម្ចាស់ផ្ទះរៀបចំកិច្ចប្រជុំ មហាសន្និបាត ជាបន្តបន្ទាប់។

ដោយឡែក កម្ពុជាក្នុងនាមជាម្ចាស់ផ្ទះនៃវេទិកាកិច្ចប្រជុំសភាអាស៊ី-ប៉ាស៊ីហ្វិក លើកទី២៧ នាពេលនេះ ត្រូវបាន ឯកឧត្តម ឈាង វុន គូសបញ្ជាក់ថា បានលើកយកប្រធានបទសំខាន់​ គឺការពង្រឹងតួនាទីសភាដើម្បីជំរុញសន្តិភាព សន្តិសុខ និងការអភិវឌ្ឍដោយចីរភាពគឺក្នុងគោលបំណងចែករំលែក បណ្តាសមាជិកសភា នៃវេទិកាកិច្ចប្រជុំសភាអាស៊ី-ប៉ាស៊ីហ្វិក ពីសន្តិភាពដែលព្រះរាជាណាចក្រកម្ពុជា ទទួលបានពីនយោបាយឈ្នះ-ឈ្នះរបស់ សម្តេចអគ្គមហាសេនាបតីតេជោ ហ៊ុន សែន ដែលបានផ្សះផ្សាបញ្ចប់សង្គ្រាមរាំរៃនៅកម្ពុជា កាលពីឆ្នាំ១៩៩៨៕

អត្ថបទ​ និងរូបភាព​ ដោយនាយកដ្ឋានព័ត៌មាន