សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំគណៈកម្មាធិការអចិន្រ្តៃយ៍នៃរដ្ឋសភា ថ្ងៃអង្គារ ទី២២ ខែតុលា ឆ្នាំ២០១៩__ សម្តេចអគ្គមហាពញាចក្រី ហេង សំរិន អញ្ជើញថ្វាយព្រះរាជដំណើរព្រះមហាក្សត្រ យាងទៅចូលរួមពិធីរាជាភិសេកគ្រងរាជព្រះចៅអធិរាជថ្មីនៃប្រទេសជប៉ុន__ តំណាងរាស្រ្តមណ្ឌលខេត្តព្រៃវែង ជំរុញអាជ្ញាធរ ស្រុក ឃុំ បម្រើពលរដ្ឋ ឲ្យមានប្រសិទ្ធភាពខ្ពស់__ អនុប្រធានសភាស៊ែប៊ី សរសើរកម្ពុជាក្នុងការគោរពគោលការណ៍ និងច្បាប់អន្តរជាតិ និងស្នើបន្តពង្រឹងទំនាក់ទំនង និងបង្កើនកិច្ចសហប្រតិបត្តិឱ្យកាន់តែរឹងមាំជាមួយសភាកម្ពុជា__ លោកជំទាវ ឃួន សុដារី បានលើកឡើងពីសារៈសំខាន់នៃប្រព័ន្ធពហុភាគីនិយម ដោយផ្អែកលើវិធានច្បាប់ ក្នុងការកសាងសណ្តាប់ធា្នប់អន្តរជាតិ និងតម្លៃនៃសន្តិភាព និងស្ថិរភាព ដែលកម្ពុជាកំពុងមានសព្វថ្ងៃ__ សភាកម្ពុជាបានចូលរួមមតិក្នុងវេទិកាសមាជិកសភាជាស្រ្តីដោយលើកពីសមិទ្ធផលរបស់កម្ពុជា ជាពិសេសការសម្រេចបានកំណើនសេដ្ឋកិច្ច៧%ក្នុងមួយឆ្នាំ ក្នុងរយៈពេល២០ឆ្នាំចុងក្រោយ ៕


ទំព័រមុខ » គណៈកម្មការទី៤ » សកម្មភាព » ក្រសួងមុខងារសាធារណៈ ជម្រាបរដ្ឋសភាថាកំណែទម្រង់ប្រាក់បៀវត្សរ៍មន្រ្តីរាជការ ជាសមិទ្ធផលមួយក្នុងចំណោមសមិទ្ធផលជាច្រើនរបស់ក្រសួង
ក្រសួងមុខងារសាធារណៈ ជម្រាបរដ្ឋសភាថាកំណែទម្រង់ប្រាក់បៀវត្សរ៍មន្រ្តីរាជការ ជាសមិទ្ធផលមួយក្នុងចំណោមសមិទ្ធផលជាច្រើនរបស់ក្រសួង
រៀបរៀងដោយ ៖​ NA1472 ​ នៅថ្ងៃទី (2/26/2019 8:26:15 PM )

ក្នុងជំនួបពិភាក្សាការងារជាមួយ ឯកឧត្តម ហ៊ុន ណេង ប្រធានគណៈកម្មការមហាផ្ទៃ ការពារជាតិ និងមុខងារសាធារណ: នៃរដ្ឋសភា នៅទីស្តីការ ក្រសួង ឯកឧត្តមកិត្តិបណ្ឌិត ពេជ្រ ប៊ុនធិន រដ្ឋមន្ត្រីក្រសួងមុខងារសាធារណៈ បានលើកឡើងពីសមិទ្ធផលការងារធំៗជាច្រើន ដែលក្រសួងសម្រេច បាននៅក្នុងអាណត្តិទី៥ នៃរដ្ឋសភា។

សមិទ្ធផលធំៗដែល ឯកឧត្តមរដ្ឋមន្រ្តី បានលើកឡើងនោះ មានដូចជា ការគ្រប់គ្រងមុខងារសាធារណៈ ការអនុវត្តកម្មវិធីជាតិកំណែទម្រង់រដ្ឋបាល សាធារណៈ ការអភិវឌ្ឍធនធានមនុស្សក្នុងក្របខណ្ឌ នៃការបណ្តុះបណ្តាលនៅសាលាភូមិន្ទរដ្ឋបាល ការអភិវឌ្ឍស្ថាប័នក្នុងក្របខណ្ឌក្រសួងមុខងារ សាធារណៈ ការត្រួតពិនិត្យ និងការគាំទ្រការអនុវត្តកម្មវិធីគោលនយោបាយជាដើម។

ឯកឧត្តមកិត្តិបណ្ឌិត ពេជ្រ ប៊ុនធិន បានសង្កត់ធ្ងន់ថា អ្វីដែលជាសមិទ្ធផលនោះ គឺក្រសួងបានអនុវត្តដោយជោគជ័យ នូវយុទ្ធសាស្រ្តចតុកោណ ដំណាក់កាលទី៣របស់រាជរដ្ឋាភិបាលកម្ពុជា គឺការដំឡើងប្រាក់បៀវត្សរ៍ដល់មន្រ្តីរាជការ ស្របតាមស្ថានភាពកំណើនសេដ្ឋកិច្ច និងលទ្ធភាពទ្រទ្រង់ បានថវិកាជាតិក្នុងន័យធានាឱ្យបាននូវស្ថិរភាពម៉ាក្រូសេដ្ឋកិច្ច សមធម៌ ការបង្កើនផលិតភាព និងប្រសិទ្ធភាពការងាររដ្ឋបាលសាធារណៈ ការធានា សង្គតិភាពរវាងក្របខណ្ឌមន្ត្រីរាជការស៊ីវិល​ និងកងកម្លាំងប្រដាប់អាវុធក្នុងដំណើរការនៃការកែទម្រង់ប្រព័ន្ធបៀវត្សរ៍។

សូមជម្រាបថា ដើម្បីសិក្សាស្វែងយល់ពីការអនុវត្តច្បាប់ នៅក្នុងវិស័យដែលគណៈកម្មការទទួលបន្ទុក ឯកឧត្តម ហ៊ុន ណេង ប្រធានគណៈកម្មការ មហាផ្ទៃ ការពារជាតិ និងមុខងារសាធារណ: នៃរដ្ឋសភា នៅរសៀលថ្ងៃទី១៦ ខែតុលា ឆ្នាំ២០១៨ នេះបានដឹកនាំ សមាជិកគណៈកម្មការចុះសិក្សា ស្វែងយល់ពីការងាររបស់ក្រសួងមុខងារសាធារណៈនៅទីស្តីការក្រសួងផ្ទាល់តែម្តង។

នៅក្នុងជំនួបដដែលនោះ ឯកឧត្តមរដ្ឋមន្ត្រីបានជម្រាបគណៈកម្មការរដ្ឋសភាបន្តទៀតថា ក្រសួងមុខងារសាធារណៈ និងក្រុមការងារកែទម្រង់ប្រព័ន្ធ បៀវត្សរ៍បានសហការជាមួយក្រសួង ស្ថាប័នថ្នាក់ជាតិ​ និងថ្នាក់ក្រោមជាតិពាក់ព័ន្ធរៀបចំនូវលិខិតបទដ្ឋានសំខាន់ៗ ដូចជា ព្រះរាជក្រឹត្យ អនុក្រឹត្យ និងសារាចរ ដើម្បីរៀបចំក្របខណ្ឌមន្ត្រីរាជការ ដំឡើងប្រាក់បំណាច់មុខងារ ដំឡើងប្រាក់បៀវត្សរ៍មូលដ្ឋាន ក្នុងការពង្រឹងប្រសិទ្ធភាពការងារ បង្កើន ផលិតភាព និងបង្កើនប្រាក់ចំណូលដល់មន្ត្រីរាជការ។

ឯកឧត្តមរដ្ឋមន្រ្តី បានមានប្រសាសន៍បន្តថា ក្រុមការងារក៏បានរៀបចំបង្កើនប្រាក់បំណាច់មុខងារជូនមន្ត្រីនគរបាលជាតិ យោធិននៃកងយោធពល ខេមរភូមិន្ទ និងមន្ត្រីអនុរក្សពន្ធនាគារជាតិ ដើម្បីឱ្យសង្គតិភាពជាមួយមន្ត្រីរាជការស៊ីវិល។ ឯកឧត្តមបានបញ្ជាក់ថា នៅខែមករា ឆ្នាំ២០១៩ខាងមុខនេះ មន្ត្រីរាជការទាំងអស់នឹងបើកប្រាក់បៀវត្សរ៍២សប្តាហ៍ម្តង ក្នុងមួយខែ។

ឯកឧត្តម ហ៊ុន ណេង បានកោតសរសើរ និងវាយតម្លៃខ្ពស់ចំពោះសមិទ្ធផលដែលក្រសួងសម្រេចបាន។ ប្រធានគណៈកម្មការជំនាញរដ្ឋសភាបាន ថ្លែងអំណរគុណចំពោះកិច្ចសហការដ៏ល្អរវាងក្រសួងមុខងារសាធារណៈ និងគណៈកម្មការរដ្ឋសភា ក្នុងអាណត្តិទី៥ កន្លងមក ហើយឯកឧត្តមសង្ឃឹមថា ក្នុងអាណត្តិថ្មីទី៦នេះ ក្រសួងនឹងសម្រេចបានលទ្ធផលបន្តបន្ទាប់ទៀតជូនជាតិ និងប្រជាពលរដ្ឋ៕

អត្ថបទ និងរូបភាព ដោយនាយកដ្ឋានព័ត៌មាន