សេចក្តីជូនដំណឹង ស្តីពីគណៈប្រតិភូជាន់ខ្ពស់រដ្ឋសភានៃព្រះរាជាណាចក្រកម្ពុជា អញ្ជើញទៅបំពេញទស្សនកិច្ចជាផ្លូវការ និងមិត្តភាព នៅសាធារណរដ្ឋសង្គមនិយមវៀតណាម សាធារណរដ្ឋប្រជាធិបតេយ្យប្រជាមានិតឡាវ និងចូលរួមកិច្ចប្រជុំកំពូល សភាកម្ពុជា-ឡាវ-វៀតណាម(CLV) លើកទី១ នៅទីក្រុងវៀងចន្ទន៍__ សម្តេចមហារដ្ឋសភាធិការធិបតី ឃួន សុដារី អញ្ជើញដង្ហែព្រះករុណាជាអម្ចាស់ស្តេចយាងទត និងបិទបញ្ចប់នូវព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក គម្រប់បីថ្ងៃ ដោយបរិបូរណ៍__ សម្តេចមហារដ្ឋសភាធិការធិបតី ឃួន សុដារី អញ្ជើញចូលរួមព្រះរាជពិធីបុណ្យ អុំទូក បណ្តែតប្រទីប និងសំពះព្រះខែ អកអំបុក ថ្ងៃទី១ ក្រោមព្រះរាជាធិបតីដ៏ខ្ពង់ខ្ពស់បំផុតនៃព្រះមហាក្សត្រ__ សេចក្តីប្រកាសព័ត៌មាន​ ស្តីពីលទ្ធផលនៃការចូលរួមរបស់គណៈប្រតិភូជាន់ខ្ពស់សភាកម្ពុជា ក្នុងកិច្ចប្រជុំប្រចំាឆ្នាំ​ នៃវេទិកាសភាអាស៊ី-ប៉ាស៊ីហ្វិក លើកទី៣១ (APPF-31) នៅទីក្រុងម៉ានីល សាធារណរដ្ឋហ្វីលីពីន__​ ឯកឧត្តមកិត្តិសេដ្ឋាបណ្ឌិត ជាម យៀប ទទួលជួបសម្តែងការគួរសមជាមួយ ឯកឧត្តម Ferdinand Martin G. Romualdez ប្រធានរដ្ឋសភាហ្វីលីពីន ក្នុងគោលបំណងពង្រឹងទំនាក់ទំនងរវាងសភា និងប្រទេសទាំងពីរកម្ពុជា និងហ្វីលីពីន ៕


ទំព័រមុខ » គណៈកម្មការទី៣ » សកម្មភាព » គណៈកម្មការផែនការ វិនិយោគរដ្ឋសភា ជួបពិភាក្សាការងារជាមួយក្រសួងផែនការ
គណៈកម្មការផែនការ វិនិយោគរដ្ឋសភា ជួបពិភាក្សាការងារជាមួយក្រសួងផែនការ
រៀបរៀងដោយ ៖​ NA1472 ​ នៅថ្ងៃទី (3/19/2019 9:04:49 PM )

គណៈកម្មការផែនការ វិនិយោគ កសិកម្ម អភិវឌ្ឍន៍ ជនបទ បរិស្ថាន និងធនធានទឹក នៃរដ្ឋសភា ដឹកនាំដោយ ឯកឧត្តម ជា វ៉ាន់ដេត​បានជួបប្រជុំពិភាក្សាការងារជាមួយ ឯកឧត្តម ឆាយ ថន ទេសរដ្ឋមន្ត្រី រដ្ឋមន្ត្រីក្រសួងផែនការ នៅព្រឹកថ្ងៃទី១៨ ខែមីនា ឆ្នាំ២០១៩ នៅវិមានរដ្ឋសភា ដើម្បីសិក្សាស្វែងយល់ពីការងារដែលក្រសួងសម្រេចបាន និងទិសដៅការងារបន្ត។

នៅក្នុងជំនួបពិភាក្សាការងារនេះ ប្រធាន និងសមាជិក សមាជិកាគណៈកម្មការជំនាញរដ្ឋសភា បានលើកឡើងនូវសំណួរមួយចំនួន ដល់ឯកឧត្តម រដ្ឋមន្រ្តី និងសហការី ពន្យល់បកស្រាយ។

ឯកឧត្តម ឆាយ ថន បានមានប្រសាសន៍ថា ក្រសួងផែនការមានតួនាទីច្បាស់លាស់ ក្នុងបេសកកម្មដឹកនាំ និងគ្រប់គ្រងលើវិស័យផែនការ នៃការអភិវឌ្ឍសេដ្ឋកិច្ចសង្គម និងការអភិវឌ្ឍស្ថិតិជាតិ។ ឯកឧត្តមគូសបញ្ជាក់ថា  រាជរដ្ឋាភិបាលកម្ពុជា បានប្តេជ្ញាចិត្តក្នុងការធ្វើអោយសម្រេចបាន នូវគោលដៅអភិវឌ្ឍន៍សហស្សវត្សរ៍កម្ពុជា តាមរយៈការអនុវត្តផែនការយុទ្ធសាស្រ្តចតុកោណ និងផែនការយុទ្ធសាស្រ្តអភិវឌ្ឍន៍ជាតិ។ ផែនការ យុទ្ធសាស្រ្តអភិវឌ្ឍន៍ជាតិគឺជាការងារដ៏សំខាន់សម្រាប់ណែនាំ និងជាឯកសារយោងរបស់រាជរដ្ឋាភិបាលក្នុងការកសាងប្រទេសអោយរីកចម្រើន។

ឯកឧត្តមរដ្ឋមន្រ្តី បានលើកឡើងថា ក្រសួងផែនការក៏មានតួនាទីដឹកនាំ និងសម្របសម្រួលជាមួយស្ថាប័នផ្សេងៗ ក្នុងការត្រួតពិនិត្យនូវការអនុវត្ត ផែនការយុទ្ធសាស្រ្តអភិវឌ្ឍន៍ជាតិ រៀបចំវិធីសាស្រ្តធ្វើជំរឿនអង្កេត និងការអនុវត្តធ្វើជំរឿនប្រជារាស្រ្ត សេដ្ឋកិច្ច និងសង្គមកិច្ចផងដែរ។

ឯកឧត្តម ឆាយ ថន បានលើកឡើងពីបញ្ហាប្រឈម និងផលលំបាករបស់ក្រសួងក្នុងការអនុវត្តការងារផងដែរ។ ក្រសួងផែនការ ចង់បានការគាំទ្រពី រដ្ឋសភា ក្នុងការធ្វើវិសោធនកម្មច្បាប់ខ្លះ អោយស្របទៅនឹងសភាពការណ៍ជាក់ស្តែងរបស់សង្គមជាតិ។

ឯកឧត្តម ជា វ៉ាន់ដេត បានកោតសរសើររាល់សមិទ្ធផល ដែលក្រសួងផែនការសម្រេចបាន។ ប្រធានគណៈកម្មការជំនាញរដ្ឋសភា បានគូសបញ្ជាក់ពី ការត្រៀមសហការជាមួយក្រសួងជានិច្ច ប្រសិនមានសំណើសូមធ្វើវិសោធនកម្មច្បាប់នានា ដើម្បីប្រសិទ្ធភាពការងារ ក្នុងការបម្រើប្រទេសជាតិ និងប្រជាពលរដ្ឋនោះ៕

អត្ថបទ និងរូបភាព ដោយនាយកដ្ឋានព័ត៌មាន