សេចក្តីជូនដំណឹង ស្តីពីគណៈប្រតិភូជាន់ខ្ពស់រដ្ឋសភានៃព្រះរាជាណាចក្រកម្ពុជា អញ្ជើញទៅបំពេញទស្សនកិច្ចជាផ្លូវការ និងមិត្តភាព នៅសាធារណរដ្ឋសង្គមនិយមវៀតណាម សាធារណរដ្ឋប្រជាធិបតេយ្យប្រជាមានិតឡាវ និងចូលរួមកិច្ចប្រជុំកំពូល សភាកម្ពុជា-ឡាវ-វៀតណាម(CLV) លើកទី១ នៅទីក្រុងវៀងចន្ទន៍__ សម្តេចមហារដ្ឋសភាធិការធិបតី ឃួន សុដារី អញ្ជើញដង្ហែព្រះករុណាជាអម្ចាស់ស្តេចយាងទត និងបិទបញ្ចប់នូវព្រះរាជពិធីបុណ្យអុំទូក បណ្តែតប្រទីប សំពះព្រះខែ និងអកអំបុក គម្រប់បីថ្ងៃ ដោយបរិបូរណ៍__ សម្តេចមហារដ្ឋសភាធិការធិបតី ឃួន សុដារី អញ្ជើញចូលរួមព្រះរាជពិធីបុណ្យ អុំទូក បណ្តែតប្រទីប និងសំពះព្រះខែ អកអំបុក ថ្ងៃទី១ ក្រោមព្រះរាជាធិបតីដ៏ខ្ពង់ខ្ពស់បំផុតនៃព្រះមហាក្សត្រ__ សេចក្តីប្រកាសព័ត៌មាន​ ស្តីពីលទ្ធផលនៃការចូលរួមរបស់គណៈប្រតិភូជាន់ខ្ពស់សភាកម្ពុជា ក្នុងកិច្ចប្រជុំប្រចំាឆ្នាំ​ នៃវេទិកាសភាអាស៊ី-ប៉ាស៊ីហ្វិក លើកទី៣១ (APPF-31) នៅទីក្រុងម៉ានីល សាធារណរដ្ឋហ្វីលីពីន__​ ឯកឧត្តមកិត្តិសេដ្ឋាបណ្ឌិត ជាម យៀប ទទួលជួបសម្តែងការគួរសមជាមួយ ឯកឧត្តម Ferdinand Martin G. Romualdez ប្រធានរដ្ឋសភាហ្វីលីពីន ក្នុងគោលបំណងពង្រឹងទំនាក់ទំនងរវាងសភា និងប្រទេសទាំងពីរកម្ពុជា និងហ្វីលីពីន ៕


ទំព័រមុខ » គណៈកម្មការទី៧ » សកម្មភាព » ឯកឧត្តម ហ៊ុន ម៉ានី ៖ បេសកកម្មគណៈកម្មការជំនាញរដ្ឋសភាតាមខេត្ត​ ដើម្បីរួមគ្នាដោះស្រាយបញ្ហាមិនមែនជាការដេញដោលរកហេតុផលខុសត្រូវអ្វីនោះទេ
ឯកឧត្តម ហ៊ុន ម៉ានី ៖ បេសកកម្មគណៈកម្មការជំនាញរដ្ឋសភាតាមខេត្ត​ ដើម្បីរួមគ្នាដោះស្រាយបញ្ហាមិនមែនជាការដេញដោលរកហេតុផលខុសត្រូវអ្វីនោះទេ
រៀបរៀងដោយ ៖​ NA1472 ​ នៅថ្ងៃទី (3/7/2019 2:00:36 AM )

ឯកឧត្តម​ ហ៊ុន ម៉ានី ប្រធានគណ:កម្មការអប់រំ យុវជន កីឡា ធម្មការ កិច្ចការសាសនា វប្បធម៌ និងទេសចរណ៍ នៃរដ្ឋសភា នៅព្រឹកថ្ងៃទី២០ ខែកុម្ភ: ឆ្នាំ២០១៩ បានដឹកនាំសមាជិកសមាជិកាគណៈកម្មការ ចុះសិក្សាស្វែងយល់ការងារ ដែលគណៈកម្មការទទួលបន្ទុក នៅខេត្តកំពង់ចាម។

នៅក្នុងជំនួបពិភាក្សាការងារជាមួយ ឯកឧត្តម គួច ចំរើន អភិបាលនៃគណៈអភិបាលខេត្តកំពង់ចាម ឯកឧត្តម​ ហ៊ុន ម៉ានី បានគូសបញ្ជាក់ថា បេសកកម្មរបស់គណៈកម្មការនាពេលនេះ ដើម្បីសិក្សាស្វែងយល់លទ្ធផលការងារ ដែលខេត្តសម្រេចបាន លើវិស័យអប់រំ យុវជន កីឡា កិច្ចការសាសនា វប្បធម៌ និងទេសចរណ៍ជាដើម។ បេសកកម្ម របស់គណៈកម្មការជំនាញរដ្ឋសភា ដើម្បីពិភាក្សា ពិនិត្យមើលលទ្ធផលការងារ និងបញ្ហាប្រឈម ដើម្បីរួមគ្នារកដំណោះស្រាយ មិនមែនមកដេញដោលផ្ចាញ់ផ្ចាលនោះទេ។

ឯកឧត្តមអភិបាលខេត្តកំពង់ចាម បានជម្រាបប្រតិភូរដ្ឋសភាថា ដោយសារប្រទេសជាតិមានសុខសន្តិភាព​ ក្រោមការដឹកនាំរបស់​ សម្តេចអគ្គមហា​សេនាបតីតេជោ​ ហ៊ុន សែន នាយករដ្ឋមន្ត្រី ខេត្តកំពង់ចាមក៏ដូចជាខេត្តដ៏ទៃទៀត បានអភិវឌ្ឍន៍រីកចម្រើនគួរឲ្យកត់សម្គាល់។ ខេត្តកំពង់ចាមបាន ទាក់ទាញភ្ញៀវទេសចរជាតិ​ និងអន្តរជាតិ មកទស្សនាជាហូរហែ។ នៅក្នុងឆ្នាំ២០១៨​ មានភ្ញៀវទេសចរសរុប៥២ម៉ឺននាក់​ ក្នុងនោះភ្ញៀវអន្តរជាតិចំនួន ជាង១៥ពាន់នាក់ បានមកកម្សាន្តនៅខេត្តកំពង់ចាម។ ចំនួននេះមានការកើនឡើង៥%ពីឆ្នាំ២០១៧។

ឯកឧត្តម គួច ចំរើន បានលើកឡើងបន្តថា វិស័យអប់រំវិញ នៅឆ្នាំសិក្សា២០១៧-២០១៨​ បេក្ខជនប្រឡងមធ្យមសិក្សាទុតិយភូមិ មានសរុប​៧​៧៣៦នាក់ ស្រី៤២៧៨នាក់ បានប្រឡងជាប់ចំនួន​៤៤៣២នាក់ ស្រី២៥៦៨នាក់​ ក្នុងនោះសិស្សជាប់និទ្ទេសA ចំនួន២២នាក់ ស្រី១១នាក់។ ខេត្តបាន យកចិត្តទុកដាក់ជាខ្លាំងផងដែរ លើវិស័យធម្មការ កិច្ចការសាសនា​ និងវប្បធម៌។

ឯកឧត្តម​ ហ៊ុន ម៉ានី បានវាយតម្លៃខ្ពស់ចំពោះកិច្ចខិតខំប្រឹងប្រែងបំពេញភារកិច្ចយ៉ាងសកម្មរបស់ថា្នក់ដឹកនាំខេត្ត មន្ទីរ អង្គភាពពាក់ព័ន្ធ ដែលបាន សម្រេចលទ្ធផលគួរអោយកោតសរសើរ ជាប្រយោជន៍ជូនប្រជាពលរដ្ឋក្នុងខេត្តទាំងមូល។

ឯកឧត្តមប្រធានគណៈកម្មការជំនាញរដ្ឋសភា​ ក៏បានកត់សម្គាល់នូវបញ្ហាប្រឈមដែលខេត្តនេះបានជួបប្រទះ និងបានលើកទឹកចិត្ត និងជំរុញដល់ ថ្នាក់ដឹកនាំខេត្ត និងសហការីទាំងអស់ រួមគ្នាខិតខំបំពេញការងារបន្ថែមទៀតក្នុងការដោះស្រាយរាល់បញ្ហាប្រឈមដែលជួបប្រទះ។

បន្ទាប់ពីបានជួបពិភាក្សាការងារ ជាមួយថ្នាក់ដឹកនាំខេត្តកំពង់ចាមរួចមក​ នៅរសៀលថ្ងៃដដែល ឯកឧត្តម​ ហ៊ុន ម៉ានី បានអញ្ជើញជួប​សំណេះសំណាលជាមួយគណ:គ្រប់គ្រង លោកគ្រូ អ្នកគ្រូ និងគរុសិស្សនៅមជ្ឈមណ្ឌលគរុកោសល្យភូមិភាគខេត្តកំពង់ចាម និងសាលាគរុកោសល្យ និងវិក្រឹតការខេត្តកំពង់ចាមផងដែរ៕

អត្ថបទ​ និងរូបភាព​ ដោយនាយកដ្ឋានព័ត៌មាន