ខេត្តកំពត៖ ឯកឧត្តមបណ្ឌិត ប៉ែន ស៊ីម៉ន តំណាងរាស្រ្តមណ្ឌលខេត្តកំពត និងជាប្រធានគណៈកម្មការទី១០ នៃរដ្ឋសភា នារសៀលថ្ងៃអង្គារ ១រោច ខែអស្សុជ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី ២៧ ខែតុលា ឆ្នាំ២០២៦ បានដឹកនាំគណៈប្រតិភូខេត្តកំពត អញ្ជើញគោរពវិញ្ញាណក្ខន្ធសព លោក ចាន់ ធូ ជំទប់ទី១ ឃុំដានគោម ស្រុកអង្គរជ័យ ខេត្តកំពត និងចូលរួមរំលែកទុក្ខប្រកបដោយមនោសញ្ចេតនាសោកស្ដាយ អាឡោះអាល័យជាទីបំផុតជាមួយក្រុមគ្រួសារនៃសព នៅគេហដ្ឋាន ស្ថិតនៅឃុំដានគោម ស្រុកអង្គរជ័យ ខេត្តកំពត។
ក្នុងវេលាប្រកបដោយសមានទុក្ខដ៏ក្រៀមក្រំបំផុតនេះ ឯកឧត្តមបណ្ឌិត បានឧទ្ទិសបួងសួងដល់ដួងវិញ្ញាណក្ខន្ធសព លោក ចាន់ ធូ បានទៅកាន់សុគតិភព កុំបីឃ្លៀងឃ្លាតឡើយ។
