Home » បណ្ណសារដ្ឋាន » បណ្ណាល័យវីដេអូ » «មន្ត្រីត្រូវតែមានឧត្តមគតិ និងចេះស្រឡាញ់អាណិតជាតិ! ជាតិមិនមែនជាប្រភពផលប្រយោជន៍ដែលយើងអាចទាញយកមិនចេះរីងស្ងួត ដោយមិនចូលរួមចំណែកកសាងនោះឡើយ។»

«មន្ត្រីត្រូវតែមានឧត្តមគតិ និងចេះស្រឡាញ់អាណិតជាតិ! ជាតិមិនមែនជាប្រភពផលប្រយោជន៍ដែលយើងអាចទាញយកមិនចេះរីងស្ងួត ដោយមិនចូលរួមចំណែកកសាងនោះឡើយ។» Prepaired By: NARA1472 ​ Date: (10/14/2026 12:50:06 AM ) សូមស្វាគមន៍សារជាថ្មីមកកាន់កិច្ចសម្ភាសន៍ពិសេសនៃកម្មវិធី «មរតកចំណេះ»! យើងខ្ញុំពិតជាមានកិត្តិយសយ៉ាងក្រៃលែង ដែលទទួលបានការផ្តល់កិត្តិយសសារជាថ្មី ចូលរួមបទសម្ភាសន៍ពី ឯកឧត្តម សាស្ត្រាចារ្យ បណ្ឌិត​សភាចារ្យ សុក ស៊ីផាន់ណា។ តាមរយៈកិច្ចសម្ភាសន៍ដ៏មានអត្ថន័យនេះ ឯកឧត្តមបានចែករំលែកនូវទស្សនទាន និងអនុសាសន៍គន្លឹះសំខាន់ៗជាច្រើន ពាក់ព័ន្ធនឹងការអភិវឌ្ឍសមត្ថភាពបុគ្គល និងការកសាងជាតិប្រកបដោយប្រសិទ្ធភាព ដើម្បីរួមចំណែកឈានឆ្ពោះទៅសម្រេចឱ្យបាននូវ «ចក្ខុវិស័យកម្ពុជា ឆ្នាំ២០៥០»។ ចំណុចគន្លឹះសំខាន់ៗក្នុងកិច្ចសម្ភាសន៍រួមមាន៖ ការប្រើប្រាស់បណ្តាញសង្គម៖ របៀបទាញយកផលប្រយោជន៍ជាអតិបរមាពីបណ្តាញសង្គម (Social Media) ប្រកបដោយភាពឆ្លាតវៃ និងប្រសិទ្ធភាពខ្ពស់។ ការវិនិយោគខ្នាតធំប្រកបដោយគុណភាព៖ រាជរដ្ឋាភិបាលគប្បីបង្កើនការយកចិត្តទុកដាក់ និងជំរុញការវិនិយោគលើវិស័យអាទិភាពរបស់ជាតិ ដែលជាការវិនិយោគខ្នាតធំ និងប្រកបដោយគុណភាពខ្ពស់។ ការធ្វើកំណែទម្រង់រដ្ឋបាលសាធារណៈ៖ ជាកិច្ចការចាំបាច់ដែលមិនអាចមើលរំលងបាន! ប្រសិទ្ធភាពនៃអំណាចរដ្ឋ គឺពឹងផ្អែកលើរដ្ឋបាល​សាធារណៈ។ រដ្ឋបាលដែលមានរចនាសម្ព័ន្ធរឹងមាំ និងដំណើរការល្អ ទើបអាចផ្តល់សេវាសាធារណៈជូនប្រជាពលរដ្ឋបានល្អប្រសើរ។ សូមចូលរួមទស្សនា និងស្វែងយល់បន្ថែមពីទស្សនទានស៊ីជម្រៅទាំងនេះក្នុងវីដេអូពេញ!