គណៈកម្មការនីតិកម្មរដ្ឋសភា ផ្តើមសិក្សាសេចក្តីព្រាងច្បាប់ស្តីពីការគ្រប់គ្រងប្រទេសជាតិស្ថិតក្នុងភាពអាសន្ន__ សេចក្តីព្រាងច្បាប់ស្តីពីការគ្រប់គ្រងប្រទេសជាតិស្ថិតក្នុងភាពអាសន្ន ត្រូវបានប្រគល់ជូនគណៈកម្មការជំនាញពិនិត្យ និងសិក្សា__ ឯកឧត្តមបណ្ឌិត ងួន ញ៉ិល អនុប្រធានទី១រដ្ឋសភា ផ្តល់អំណោយស្បៀង និងសំភារៈ សម្រាប់ការពារវីរុសកូវីដ១៩ដល់២៧គោលដៅ ក្នុងខេត្តកំពង់ធំ__ អនុប្រធានទី២ នៃរដ្ឋសភា ចូលរួមផ្សព្វផ្សាយដើម្បីទប់ស្កាត់ជំងឺ COVID-19 ព្រមទាំងចែកម៉ាស និងទឹកអាល់កុល ជូនប្រជាពលរដ្ឋ ក្នុងស្រុកលើកដែក ខេត្តកណ្តាល__ លិខិតជូនពររបស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា ផ្ញើជូនចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា__ របាយការណ៍សង្ខេប ស្តីពីសកម្មភាពរបស់រដ្ឋសភា នាចន្លោះសម័យប្រជុំរដ្ឋសភាលើកទី៣ និងលើកទី៤ នីតិកាលទី៦ របស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា ជូនរដ្ឋសភា និងជនរួមជាតិ__ ព្រះរាជសារ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា__ សេចក្តីជូនដំណឹង ស្តីពីការប្រកាសបេីកសម័យប្រជុំរដ្ឋសភា លេីកទី៤ នីតិកាលទី៦ ចាប់ពីថ្ងៃទី២ ខែមេសា ឆ្នាំ២០២០__ រដ្ឋសភាបានបោះឆ្នោតគំាទ្រលើការតែងតំាង និងកែសម្រួលសមាសភាពរាជរដ្ឋាភិបាល__ សេចក្តីជូនដំណឹង រដ្ឋសភានៃព្រះរាជាណាចក្រកម្ពុជា នឹងបេីកសម័យប្រជុំជាវិសាមញ្ញ​ នីតិកាលទី៦ នាថ្ងៃចន្ទ​ ទី៣០​ ខែមីនា​ ឆ្នាំ២០២០__ រដ្ឋសភានឹងកោះប្រជុំរដ្ឋសភាជាវិសាមញ្ញនីតិកាលទី៦ម្ដងទៀត ដើម្បីបោះឆ្នោតផ្តល់សេចក្តីទុកចិត្តលើការតែងតាំង និងកែសម្រួលសមាសភាពរាជរដ្ឋាភិបាល__ សេចក្តីប្រកាសព័ត៌មាន ស្តីពីលទ្ធផលសម័យប្រជុំរដ្ឋសភាជាវិសាមញ្ញ នីតិកាលទី៦ ថ្ងៃព្រហស្បតិ៍ ទី២៦ ខែមីនា ឆ្នាំ២០២០__ រដ្ឋសភាប្រជុំអនុម័តសេចក្តីព្រាងច្បាប់ចំនួន៣ ដែលធានាដល់ការទូទាត់របស់រដ្ឋ ដល់ក្រុមហ៊ុនវិនិយោគថាមពលអគ្គិសនី__ ក្រុមគ្រូពេទ្យជំនាញមកបាញ់ថ្នាំសម្លាប់មេរោគនៅក្នុងបរិវេណវិមានរដ្ឋសភា__ សេចក្តីជូនដំណឹង ស្តីពីការបាញ់ថ្នាំសម្លាប់មេរោគនៅគ្រប់សាលប្រជុំ​ និងក្នុងបរិវេណវិមានរដ្ឋសភា__ សេចក្តីជូនដំណឹង រដ្ឋសភានៃព្រះរាជាណាចក្រកម្ពុជា នឹងបើកសម័យប្រជុំជាវិសាមញ្ញ នីតិកាលទី៦ នាថ្ងៃព្រហស្បតិ៍ ទី២៦ ខែមីនា ឆ្នាំ២០២០__ សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំគណៈកម្មាធិការអចិន្រ្តៃយ៍នៃរដ្ឋសភា ថ្ងៃអង្គារ ទី២៤ ខែមីនា ឆ្នាំ២០២០__ គណៈកម្មាធិការអចិន្ត្រៃយ៍រដ្ឋសភា បានអនុម័តកាលបរិច្ឆេទបើកសម័យប្រជុំរដ្ឋសភាជាវិសាមញ្ញ នីតិកាលទី៦ នៅព្រឹកថ្ងៃទី២៦ ខែមីនា ឆ្នាំ២០២០ខាងមុខ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » គណៈកម្មការទទួលបន្ទុកវិស័យវិនិយោគនៃរដ្ឋសភា អញ្ជើញទៅសិក្សាស្វែងយល់ពីការងារវិនិយោគ និងវិស័យពាក់ព័ន្ធនៅខេត្តស្វាយរៀង
គណៈកម្មការទទួលបន្ទុកវិស័យវិនិយោគនៃរដ្ឋសភា អញ្ជើញទៅសិក្សាស្វែងយល់ពីការងារវិនិយោគ និងវិស័យពាក់ព័ន្ធនៅខេត្តស្វាយរៀង
រៀបរៀងដោយ ៖​ NA1472 ​ នៅថ្ងៃទី (3/17/2020 9:50:45 PM )

ឯកឧត្តម ជា វ៉ាន់ដេត ប្រធានគណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក នៃរដ្ឋសភា បានដឹកនាំសហការី អញ្ជើញទៅសិក្សាស្វែងយល់ពីការងារវិនិយោគ ក៏ដូចជាវិស័យមួយចំនួនទៀតនៅខេត្តស្វាយរៀង និងបានជួបប្រជុំ ពិភាក្សាការងារជាមួយ ឯកឧត្តម ម៉ែន វិបុល អភិបាលនៃគណៈអភិបាលខេត្តស្វាយរៀង ព្រមទាំងមន្ទីរពាក់ព័ន្ធនឹងវិស័យទទួលបន្ទុក របស់គណៈកម្មការ នៅរសៀលថ្ងៃទី១៦ ខែមីនា ឆ្នាំ២០២០ នៅក្នុងសាលប្រជុំរបស់សាលាខេត្ត។

បន្ទាប់ពី ឯកឧត្តម ជា វ៉ាន់ដេត បានជម្រាបជូនពីគោលបំណងបេសកកម្មរបស់គណៈកម្មការរួចមក ឯកឧត្តម ម៉ែន វិបុល អភិបាលខេត្ត ស្វាយរៀង មានប្រសាសន៍ជម្រាបជូន គណៈកម្មការផែនការ វិនិយោគ កសិកម្ម អភិវឌ្ឍន៍ជនបទ បរិស្ថាន និងធនធានទឹក នៃរដ្ឋសភា អំពីសមិទ្ធផលទាំងឡាយដែលខេត្តសម្រេចបាន ពិសេសសមិទ្ធផលទាក់ទងនឹងវិស័យទទួលខុសត្រូវរបស់គណៈកម្មការ។

ឯកឧត្តមអភិបាលខេត្ត បានបន្តថា បច្ចុប្បន្ន នៅទូទាំងខេត្តស្វាយរៀង មានតំបន់សេដ្ឋកិច្ចពិសេសចំនួន១១កន្លែង កំពុងដំណើរការ ៨កន្លែងគឺ តំបន់សេដ្ឋកិច្ចពិសេស មេនហាតធេន តាយសេង សានដុងសាន់សែល ដ្រេហ្គនឃីង ឈីលូ ហាយផាក អ៊ីនធើវៀ អូតូម៉ូបាល និងតំបន់សេដ្ឋកិច្ចពិសេសស្វាយរៀងហ្គីហ្គារីសស៍ មានរោងចក្រ សហគ្រាសធនាគារ គ្រឹះស្ថានមេក្រូហិរញ្ញវត្ថុ ក្រុមហ៊ុនឯកជន ចំនួន ២០៨កន្លែង ក្នុងនោះក្រុមហ៊ុនវិនិយោគដែលអនុញ្ញាតដោយក្រុមប្រឹក្សាអភិវឌ្ឍន៍កម្ពុជា មានចំនួន១៤១ក្រុមហ៊ុន និងអនុគណៈកម្មា- ធិការវិនិយោគខេត្តចំនួន ៣ក្រុមហ៊ុន ដោយបានផ្ដល់ការងារធ្វើជូនប្រជាពលរដ្ឋប្រមាណ ៨ម៉ឺននាក់។

ឯកឧត្តម ម៉ែន វិបុល បានបន្ថែមថា ក្រៅពីការវិនិយោគបង្កើតតំបន់សេដ្ឋកិច្ចពិសេស នៅក្នុងខេត្តស្វាយរៀង ក៏មានការវិនិយោគលើ ការដាំដុះដំណាំកសិឧស្សាហកម្ម ដូចជាដំណាំអំពៅ ដំឡូងមី និងឪឡឹកនៅលើផ្ទៃដីសរុប ៦៧១៨ហិកតា ស្ថិតក្នុងស្រុកស្វាយទាប ស្រុករំដួល និងស្រុករមាសហែក ផងដែរ។

អភិបាលខេត្តបានលើកឡើងទៀតថា ដោយសារតែប្រទេសជាតិ មានសុខសន្តិភាព បានធ្វើឲ្យមានការអភិវឌ្ឍន៍លើគ្រប់វិស័យ។ ក្រោម ការដឹកនាំរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា បានខិតខំទាក់ទាញវិនិយោគទុន ដើម្បីមក វិនិយោគទុននៅទូទាំងប្រទេស ជាពិសេសនៅក្រុងបាវិត ខេត្តស្វាយរៀង ទើបធ្វើឲ្យខេត្តទទួលបាននូវសមិទ្ធផលជាច្រើនដូចសព្វថ្ងៃ នេះ។

ទន្ទឹមនឹងភាពរីកចម្រើនដូចខាងលើ ឯកឧត្តម ម៉ែន វិបុល ក៏បានលើកឡើងនូវបញ្ហាប្រឈមមួយចំនួនដែរ ដូចជា ការខ្វះខាត បច្ចេកទេសឡដុតសំរាម ខ្វះប្រព័ន្ធបង្ហូរទឹកកខ្វក់និងកាកសំណល់ចេញពីរោងចក្រជាដើម។

ក្នុងនាមគណៈកម្មការទី៣នៃរដ្ឋសភា ឯកឧត្តម ជា វ៉ាន់ដេត បានមានប្រសាសន៍កោតសរសើរ និងជំរុញដល់ថ្នាក់ដឹកនាំខេត្ត ព្រមទាំង សហការីទាំងអស់ រួមគ្នាខិតខំបំពេញការងារបម្រើប្រជាពលរដ្ឋឲ្យកាន់តែសកម្មថែមទៀត។ ឯកឧត្តម បានធ្វើការកត់សម្គាល់នូវបញ្ហា ប្រឈមដែលខេត្តបានជួបប្រទះ ដោយបានលើកទឹកចិត្តឱ្យអាជ្ញាធរខេត្ត ក្រសួងបរិស្ថាន និងក្រុមប្រឹក្សាអភិវឌ្ឍន៍កម្ពុជា រួមសហការគ្នា ដោះស្រាយជាបណ្ដើរៗ ហើយគណៈកម្មការនឹងនាំយកបញ្ហាប្រឈមដែលខេត្ត និងមន្ទីរបានលើកឡើង ទាំងអស់ទៅជម្រាបជូនសម្តេច ប្រធានរដ្ឋសភា ដើម្បីធ្វើអន្តរាគមន៍ទៅរាជរដ្ឋាភិបាល ជួយដោះស្រាយឲ្យបានទាន់ពេលវេលា ដើម្បីឲ្យខេត្តមានលទ្ធភាពពេញលេញ ក្នុងការបំពេញភារកិច្ចបម្រើផលប្រយោជន៍របស់ប្រទេសជាតិ៕

អត្ថបទ និងរូបភាព ដោយនាយកដ្ឋានព័ត៌មាន