ឯកឧត្តមបណ្ឌិត លី ឆេង តំណាងរាស្ត្រមណ្ឌលរាជធានីភ្នំពេញ និងជាអនុប្រធានគណៈកម្មការទី៩ នៃរដ្ឋសភា និងលោកជំទាវ កាលពី ថ្ងៃទី៧ ខែមេសា ឆ្នាំ២០២៦ ម្សិលមិញនេះ
 បានអញ្ជើញជាអធិបតីក្នុងពិធីសូត្រមន្ត និងរាប់បាត្រ ក្នុងឱកាសអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ ឆ្នាំមមី អដ្ឋស័ក ព.ស.២៥៧០ នៅវត្តទាំងបីក្នុងមូលដ្ឋានខណ្ឌ៧មករា រាជធានីភ្នំពេញ រួមមាន វត្តព្រះពុទ្ធមានបុណ្យ វត្តសំពៅមាស និងវត្តមង្គលវ័ន (ហៅវត្តស្វាយដង្គុំ)។ ពិធីនេះ ក៏មានការអញ្ជើញចូលរួមពី ឯកឧត្តម ឈា ប៊ុនរិទ្ធ អនុប្រធានក្រមការងារ និងជាប្រធានក្រុមការងាររាជរដ្ឋាភិបាលចុះមូលដ្ឋានខណ្ឌ៧មករា រួមជាមួយ ឯកឧត្តម លោកជំទាវ លោក លោកស្រី ជាអនុប្រធាន និងសមាជិក-សមាជិកាក្រុមការងារចុះមូលដ្ឋានថ្នាក់ខណ្ឌ-សង្កាត់ ព្រមទាំង លោក សោម សុវណ្ណ ប្រធានក្រុមប្រឹក្សាខណ្ឌ លោក ថេង សុថុល អភិបាលនៃគណៈអភិបាលខណ្ឌ និងលោកស្រី អភិបាលរងខណ្ឌ-មន្ត្រីខណ្ឌ ចៅសង្កាត់-ចៅសង្កាត់រង-សមាជិកក្រុមប្រឹក្សាសង្កាត់ទាំង៨ នៃខណ្ឌ៧មករា តាជីយាយជី បងប្អូនប្រជាជន និងពុទ្ធបរិស័ទ្ធចំណុះជើងវត្តទាំងបីយ៉ាងច្រើនកុះករ ផងដែរ។ជាមួយគ្នានេះដែរ ឯកឧត្តមបណ្ឌិត និងលោកជំទាវ ព្រមទាំងក្រុមការងារ ក៏បាននាំយកនូវបច្ច័យ និងគ្រឿងឧបភោគ បរិភោគមួយចំនួន វេរប្រគេនព្រះសង្ឃគ្រប់ព្រះអង្គ ដើម្បីឧទ្ទិសកុសលផលបុណ្យជូនទៅដល់វិញ្ញាណក្ខន្ធបុព្វការីជនមាន មាតាបិតា ជីដូនជីតា ញាតការទាំង៧សន្ដាន ព្រមទាំង ឥស្សរជន វីរកងកម្លាំងជួរមុខ និងប្រជាជនទាំងអស់ ដែលបានពលីជីវិត ដើម្បីការពារបូរណភាពទឹកដី និងប្រជាជន។ សូមឧទ្ទិសបួងសួងដល់ដួងវិញ្ញាណក្ខន្ធអស់លោកទាំងអស់ សូមបានទៅកាន់សុគតិភព កុំបីឃ្លៀងឃ្លាតឡើយ៕