ឯកឧត្តមបណ្ឌិត កែវ ពិសិដ្ឋ អគ្គលេខាធិការរងប្រចាំការរដ្ឋសភា និងជានាយកខុទ្ទកាល័យ សម្តេចប្រធានរដ្ឋសភា នារសៀលថ្ងៃទី២០ ខែវិច្ឆិកា ឆ្នាំ២០២៥ បានអញ្ជើញដឹកនាំកិច្ចប្រជុំ ពិនិត្យវឌ្ឍនភាពការងារ ក្នុងការរៀបចំកម្រងឯកសារនៃកិច្ចប្រជុំសមាជរដ្ឋសភា និងព្រឹទ្ធសភា នៃព្រះរាជាណាចក្រកម្ពុជា   នៅវិមានរដ្ឋសភា។

ក្នុងកិច្ចប្រជុំនេះ ឯកឧត្តមបណ្ឌិត បានទទួលស្តាប់ និងពិនិត្យយ៉ាងយកចិត្តទុកដាក់នូវ របាយការណ៍សង្ខេប ដែលបានរាយការណ៍ជូនដោយក្រុមការងារនីមួយៗ ស្តីពីការរៀបចំកម្រងឯកសារ សម្រាប់កិច្ចប្រជុំ សមាជរដ្ឋសភា និងព្រឹទ្ធសភា នៃព្រះរាជាណាចក្រកម្ពុជា ដែលបានប្រព្រឹត្តទៅកាលពីថ្ងៃទី២-៣ ខែមិថុនា ឆ្នាំ២០២៥ កន្លងទៅនេះ។