ឯកឧត្តម ទី សុគន្ធ លេខាធិការគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាននៃរដ្ឋសភា នៅព្រឹកថ្ងៃទី៨ ខែតុលា ឆ្នាំ២០២៥ បានអញ្ជើញជាអធិបតី និងថ្លែងសុន្ទរកថា បើកសិក្ខាសាលាថ្នាក់ជាតិស្តីពី ការប្រារព្ធទិវាសិទ្ធិដឹងជាសកល ក្រោមប្រធានបទ "ធានាឱ្យមានសិទ្ធិទទួលព័ត៌មានបរិស្ថាន និងការគ្រប់គ្រងហិរញ្ញវត្ថុសាធារណៈក្នុងយុគសម័យឌីជីថល" ដែលបានប្រារព្ធធ្វើឡើងនៅសណ្ឋាគារហ៊ីម៉ាវ៉ារី រាជធានីភ្នំពេញ។

ពិធីនេះមានមានការអញ្ជើញចូលរួមដោយផ្ទាល់ ពី ថ្នាក់ដឹកនាំ និងមន្ត្រីរដ្ឋាភិបាល មានមកពី (ទីស្តីការគណៈរដ្ឋមន្ត្រី ក្រសួងបរិស្ថាន (MoE) ក្រសួងព័ត៌មាន (Molnfo) ក្រសួងប្រៃសណីយ៍ និងទូរគមនាគមន៍ (MPTC) និងក្រសួងសេដ្ឋកិច្ច និងហិរញ្ញវត្ថុ (MEF) ព្រមទាំងអង្គការសង្គមស៊ីវិល វិស័យឯកជន និងមានអ្នកចូលរួមតាមរយៈអនឡាញមួយចំនួនទៀត។