ឯកឧត្តម ព្រហ្ម វិរ: អគ្គនាយកទំនាក់ទំនងអន្តរជាតិ ពិធីការ និងព័ត៌មាននៃអគ្គលេខាធិការដ្ឋានរដ្ឋសភា នាព្រឹកថ្ងៃទី៨ ខែកញ្ញា ឆ្នាំ២០២៥ បានអញ្ជើញ ដឹកនាំកិច្ចប្រជុំជាមួយលោក លោកស្រី មន្រ្តីជំនាញ នាយកដ្ឋានទំនាក់ទំនងអន្តរជាតិដើម្បីពិនិត្យឡើង វិញនូវខ្លឹមសារឯកសារនៃមហាសនិ្នបាតអន្តរសភាអាស៊ាន (AIPA) លើកទី៤៦ នៅវិមានរដ្ឋសភា រាជធានីភ្នំពេញ។
សូមបញ្ជាក់ថា មហាសន្និបាតអន្តរសភាអាស៊ាន ជាព្រឹត្តិការណ៍ដ៏សំខាន់ដែលប្រមុខដឹកនាំអង្គនីតិប្បញ្ញត្តិនៃប្រទេសជាសមាជិកអាស៊ាន មកជួបប្រជុំគ្នាជារៀងរាល់ឆ្នាំ។
មហាសន្និបាតអន្តរសភាអាស៊ាន លើកទី៤៦នេះ នឹងប្រារព្ធឡើងពីថ្ងៃ១៦ ដល់ថ្ងៃទី២២ ខែកញ្ញា ឆ្នាំ២០២៥ ខាងមុខនេះ នៅប្រទេសម៉ាឡេស៊ី។
គណៈប្រតិភូជាន់ខ្ពស់សភាកម្ពុជា ដែលនឹងត្រូវចូលរួមមហាសន្និបាតនេះ ដឹកនាំដោយ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា៕
