គណៈកម្មការសាធារណការ ដឹកជញ្ជូន អាកាសចរណ៍ស៊ីវិល ប្រៃសណីយ៍ ទូរគមនាគមន៍ ឧស្សាហកម្ម វិទ្យាសាស្ត្រ បច្ចេកវិទ្យា នវានុវត្តន៍ រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្មនិងសំណង់ (គណៈកម្មការទី៩) នៃរដ្ឋសភា បានអញ្ជើញជួបប្រជុំជាមួយ ឯកឧត្តម ចាន់ សាម៉េង សមាជិកក្រុមប្រឹក្សាខេត្ត លោកជំទាវ អ៊ុល ភីរុណ អភិបាលខេត្តស្តីទី នៃគណៈអភិបាលខេត្តកែប ដើម្បីពិនិត្យវឌ្ឍនភាពការងារ និងបញ្ហាប្រឈមនានារបស់ខេត្តកែប នារសៀល ថ្ងៃទី២៧ ខែមករា ឆ្នាំ២០២៥ នៅសាលាខេត្តកែប។
លោកជំទាវ និន សាផុន បានមានប្រសាសន៍ថា ការចុះបំពេញទស្សនកិច្ចនៅខេត្តកែបនាពេលនេះ ក្នុងគោលបំណងដើម្បីស្វែងយល់ពីប្រសិទ្ធភាពនៃការអនុវត្តន៍ច្បាប់ ការអនុវត្តន៍កម្មវិធីនយោបាយ និងយុទ្ធសាស្ត្របញ្ចកោណ របស់រដ្ឋាភិបាលនីតិកាលទី៧ នៃរដ្ឋសភា ព្រមទាំងបញ្ហាប្រឈមនានាក្នុងវង្វង់វិស័យការងារទាំង៧ ដែលពាក់ព័ន្ធនិងសមត្ថកិច្ចគណ:កម្មការទី៩ នៃរដ្ឋសភា។
