លិខិតជូនពរ របស់ ឯកឧត្តម សរ ចំរុង ប្រធានគណៈកម្មការទី១ នៃរដ្ឋសភា សូមគោរពជូនពរ ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម ប្រធានក្រុមប្រឹក្សាធម្មនុញ្ញ នៃព្រះរាជាណាចក្រកម្ពុជា __ ឯកឧត្តម កែប ជុតិមា ប្រធានគណៈកម្មការទី៤ នៃរដ្ឋសភា ផ្ញើសារលិខិតជូនពរ ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម ប្រធានក្រុមប្រឹក្សាធម្មនុញ្ញ នៃព្រះរាជាណាចក្រកម្ពុជា __ ឯកឧត្តម វង សូត អនុប្រធានទី២ នៃរដ្ឋសភា ផ្ញើសារលិខិតជូនពរ គោរពជូន ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម ប្រធានក្រុមប្រឹក្សាធម្មនុញ្ញ នៃព្រះរាជាណាចក្រកម្ពុជា __ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៃព្រះរាជាណាចក្រកម្ពុជា ផ្ញើសារលិខិតជូនពរ ឯកឧត្តមកិត្តិនីតិកោសលបណ្ឌិត អ៊ឹម ឈុនលឹម ប្រធានក្រុមប្រឹក្សាធម្មនុញ្ញ នៃព្រះរាជាណាចក្រកម្ពុជា ៕

ទំព័រមុខ » ព័ត៌មាន » ព័ត៌មានប្រចាំថ្ងៃ » សម្តេចរដ្ឋសភាធិបតី លើកទឹកចិត្តឱ្យក្រុមហ៊ុនមិត្តហ្វូន បន្តពង្រឹងគុណភាពនិងសេវាកម្មក្នុងការប្រកួតប្រជែងលើទីផ្សារសេរីនៅកម្ពុជា
សម្តេចរដ្ឋសភាធិបតី លើកទឹកចិត្តឱ្យក្រុមហ៊ុនមិត្តហ្វូន បន្តពង្រឹងគុណភាពនិងសេវាកម្មក្នុងការប្រកួតប្រជែងលើទីផ្សារសេរីនៅកម្ពុជា
រៀបរៀងដោយ ៖​ NA002 ​ នៅថ្ងៃទី (2/8/2024 12:51:02 AM )

សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា នៅព្រឹកថ្ងៃទី៨ ខែកុម្ភៈ  ឆ្នាំ២០២៤ នៅវិមានរដ្ឋសភា បានអនុញ្ញាតឱ្យប្រតិភូថ្នាក់ដឹកនាំក្រុមហ៊ុនមិត្តហ្វូន(Metfone) ចូលជួបសម្តែងការគួរសម និងទទួលអនុសាសន៍ ដើម្បីបម្រើសេវាកម្មបច្ចេកវិទ្យាទូរគមនាគមន៍ជូនពលរដ្ឋកម្ពុជា ប្រកបដោយគុណភាពកាន់តែប្រសើរឡើង។

នៅក្នុងឱកាសនោះ លោក Cao Manh Duc អគ្គនាយកក្រុមហ៊ុន បានថ្លែងអំណរគុណយ៉ាងជ្រាលជ្រៅជូនសម្តេចរដ្ឋសភាធិបតី ដែលបានចំណាយពេលវេលាដ៏មានតម្លៃ អនុញ្ញាតឱ្យប្រតិភូក្រុមហ៊ុនបានចូលជួបសម្តែងការគួរសម និងទទួលអនុសាសន៍ នាឱកាសនេះ។ លោកអគ្គនាយកក្រុមហ៊ុន បានរាយការណ៍ជូនសម្តេចប្រធានរដ្ឋសភាថា រហូតមកដល់ពេលនេះ ក្រុមហ៊ុនបានធ្វើការវិនិយោគនៅកម្ពុជាបាន១៥ឆ្នាំហើយ។

នៅក្នុងរយៈពេល១៥ឆ្នាំនេះ ក្រុមហ៊ុនបានចូលរួមចំណែកក្នុងការផ្តល់សេវាកម្មទូរស័ព្ទដៃ  និងអុិនធឺណែតដល់ប្រជាពលរដ្ឋនៅទូទំាងប្រទេសនិងមានប្រជាជនប្រមាណ៩លាននាក់ជាអតិថិជន។ ក្រៅពីនេះ ក្រុមហ៊ុនបានចូលរួមការងារសង្គម សកម្មភាពមនុស្សធម៌ សុខមាលភាព និងការលើកកម្ពស់វិស័យកីឡាបាល់ទាត់នៅកម្ពុជាផងដែរ។ ក្រុមហ៊ុនបានបង្កើតកិច្ចសហប្រតិបត្តិការជាមួយក្រសួងស្ថាប័នរដ្ឋរបស់កម្ពុជា ជាច្រើននៅក្នុងផ្នែកបច្ចេកវិទ្យា ដោយបានខិតខំផ្តល់សេវាកម្មបច្ចេកវិទ្យាទូរគមនាគមន៍ដល់ស្ទើរតែគ្រប់ច្រកល្ហក និងតំបន់ដាច់ស្រយាលក្នុងប្រទេសកម្ពុជា។

លោកអគ្គនាយកបានកោតសរសើរនិងវាយតម្លៃខ្ពស់ ពីការរីកចម្រើនយ៉ាងឆាប់រហ័សរបស់ប្រទេសកម្ពុជា ហើយបានសម្តែងការពេញចិត្តដែលបានចូលរួមចំណែកដល់ការអភិវឌ្ឍតាមរយៈការផ្តល់ការងារជូនពលរដ្ឋខ្មែរបានជាច្រើនពាន់នាក់។

សម្តេចរដ្ឋសភាធិបតី បានវាយតម្លៃខ្ពស់ចំពោះការវិនិយោគរបស់ មិត្តហ្វូននៅកម្ពុជា។ វត្តមានក្រុមហ៊ុនមិត្តហ្វូននៅកម្ពុជា ជាការឆ្លុះបញ្ចំាងពីចំណងមិត្តភាព សាមគ្គីភាពជាប្រពៃណី រវាងប្រទេសទំាងពីរ ហើយបានផ្សារភ្ជាប់ចំណងមិត្តភាពប្រជាជននិងប្រជាជនឱ្យកាន់សកម្មឡើង។

សម្តេចប្រធានរដ្ឋសភា បានលើកឡើងថា  ក្រុមហ៊ុនវៀតណាមជាច្រើនបានមកបណ្តាក់ទុននៅកម្ពុជាក្នុងវិស័យផ្សេងៗគ្នា។ រីឯវិស័យទេសចរ ប្រជាជនវៀតណាមបានឈរក្នុងលេខរៀងទី២ ក្នុងការអញ្ជើញមកទស្សនាកម្ពុជា ដែលបង្ហាញពីរីកចម្រើនជាខ្លំាងនៃទំនាក់ទំនងប្រជាជននិងប្រជាជន ដែលមានតម្លៃ មិនត្រឹមផ្តល់មកនូវផលប្រយោជន៍ ការរីកចម្រើន និងសុខសន្តិភាពសម្រាប់ប្រទេសទំាងពីរប៉ុណ្ណោះទេ តែជាការធានាបាននូវសុខសន្តិភាព ស្ថិរភាពសង្គម និងការអភិវឌ្ឍក្នុងតំបន់និងអន្តរជាតិ ទៀតផង៕