ខេត្តស្វាយរៀង៖ ឯកឧត្តមបណ្ឌិត សម តារា តំណាងរាស្ត្រមណ្ឌល ស្វាយរៀង និងជាអនុប្រធានគណៈកម្មការទី១ នៃរដ្ឋសភា នៅព្រឹកថ្ងៃទី២៦ ខែកញ្ញា ឆ្នាំ២០២៦ បានអញ្ជើញដឹកនាំក្រុមការងារ ចុះពិនិត្យស្ថានភាពទឹក នៅចំណុចដៃទន្លេវ៉ៃគោ ដើម្បីវាយតម្លៃពីស្ថានភាពជាក់ស្តែង និងត្រៀមលក្ខណៈឆ្លើយតបចំពោះផលប៉ះពាល់ផ្សេងៗដែលជះឥទ្ធិពលដល់ការបង្កបង្កើនផល និងជីវភាពរស់នៅរបស់ប្រជាពលរដ្ឋក្នុងតំបន់ ស្ថិតក្នុងឃុំបាយ៉ាប ស្រុកកំពង់រោទិ៍ ខេត្ត ស្វាយរៀង។

បន្ទាប់មក ឯកឧត្តមបណ្ឌិត សម តារា បានបន្តដំណើរចុះជួបសំណេះសំណាលជាមួយបងប្អូនអាជីវករលក់ដូរតាមបណ្តាផ្សារដើម្បីស្វែងយល់ពីស្ថានភាព លក់ដូរ បញ្ហាប្រឈម និងជីវភាព រស់នៅប្រចាំថ្ងៃជាក់ស្តែងក្នុងតំបន់ព្រមទាំងសំណូមពរផ្សេងៗរបស់ប្រជាពលរដ្ឋ ដើម្បីប្រមូលព័ត៌មានយកទៅសម្របសម្រួល និងស្វែងរកដំណោះស្រាយ សមស្របតាមនីតិវិធី ក្នុងក្រុងស្វាយរៀង៕