សាធារណរដ្ឋតាជីគីស្ថាន៖ ឯកឧត្តម អង្គ វង្ស វឌ្ឍានា ប្រធានគណៈកម្មការនីតិកម្ម និងយុត្តិធម៌ នៃរដ្ឋសភា (គណៈកម្មការទី៦) រួមជាមួយ ឯកឧត្តម ងី ច័ន្ទ្រផល ប្រធានគណៈកម្មការទី១ នៃព្រឹទ្ធសភា និងជាប្រធានគណៈប្រតិភូសភាកម្ពុជា នៅថ្ងៃទី២៥ ខែកញ្ញា ឆ្នាំ២០២៦ បានអញ្ជើញចូលរួមពិធីបើកកិច្ចប្រជុំគណៈកម្មាធិការអចិន្ត្រៃយ៍ទទួលបន្ទុកកិច្ចការសង្គម និងវប្បធម៌ នៃសភាតំបន់អាស៊ី (APA) នៅទីក្រុងឌូសានបេ សាធារណរដ្ឋតាជីគីស្ថាន។

កិច្ចប្រជុំនេះ ប្រព្រឹត្តទៅក្នុងគោលបំណងពង្រឹងកិច្ចសហប្រតិបត្តិការផ្នែកសង្គម វប្បធម៌ និងមនុស្សធម៌រវាងបណ្តាប្រទេសនៅអាស៊ី តាមរយៈកិច្ចសន្ទនាអន្តរសភា និងជំរុញការអភិវឌ្ឍប្រកបដោយចីរភាព។

នាឱកាសនោះ គណៈប្រតិភូសភាកម្ពុជា ក៏បានចូលរួមក្នុងជំនួបពិភាក្សាការងារជាមួយប្រធានគណៈប្រតិភូសភាបារ៉ែន ក្នុងគោលបំណងផ្លាស់ប្ដូរមតិយោបល់ និងបទពិសោធន៍ល្អៗសម្រាប់សភាកម្ពុជា ក្នុងការត្រៀមធ្វើជាម្ចាស់ផ្ទះរៀបចំកិច្ចប្រជុំគណៈកម្មាធិការទទួលបន្ទុកកិច្ចការសង្គម និងវប្បធម៌ នៅឆ្នាំ២០២៧ ខាងមុខនេះផងដែរ៕