តាមរយៈគណៈកម្មាធិការអចិន្ត្រៃយ៍រដ្ឋសភា ក្រោមអធិបតីភាពដ៏ខ្ពង់ខ្ពស់របស់ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា អង្គប្រជុំបានសម្រេចលទ្ធផលសំខាន់ៗរួមមាន៖
· អនុម័តទទួលស្គាល់តំណាងរាស្ត្រថ្មី៖ យល់ព្រមលើសំណើប្រកាសទទួលស្គាល់ ឯកឧត្តម សុខ ផេង ជាតំណាងរាស្ត្រមណ្ឌលខេត្តតាកែវ ជំនួស ឯកឧត្តម ច័ន្ទ សារុន ដែលបានទទួលមរណភាព ដើម្បីដាក់ជូនសម័យប្រជុំពេញអង្គសម្រេចសុពលភាព។
· បញ្ចូលសេចក្តីព្រាងច្បាប់សំខាន់ៗចំនួន ៤ ដាក់បញ្ចូលក្នុងរបៀបវារៈប្រជុំពេញអង្គ។
· កំណត់កាលបរិច្ឆេទប្រជុំពេញអង្គ៖ ឯកភាពបន្តសម័យប្រជុំរដ្ឋសភាលើកទី៦ នីតិកាលទី៧ នៅថ្ងៃចន្ទ ទី២១ ខែកញ្ញា ឆ្នាំ២០២៦ វេលាម៉ោង ៨:០០ ព្រឹក។