លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច និងជាប្រធានសមាគមមិត្តភាពកម្ពុជា-វៀតណាម ជួបសម្តែងការគួរសមជាមួយឯកឧត្តម វឿង ឌីញហ្វេ (Voung Dinh Hue) ប្រធាន រដ្ឋសភាវៀតណាម នាព្រឹកថ្ងៃអាទិត្យ ១២រោច ខែកត្តិក ឆ្នាំខាល ចត្វាស័ក ព.ស. ២៥៦៦ ត្រូវនឹងថ្ងៃទី២០ ខែវិច្ឆិកា ឆ្នាំ២០២២ នៅ សណ្ឋាគារសុខាភ្នំពេញ។

ថ្លែងក្នុងឱកាសនោះ ឯកឧត្តម វឿង ឌីញហ្វេ (Voung Dinh Hue) បានសម្តែងនូវការរំភើបចិត្ត និងបានថ្លែងអំណរគុណដល់រាជរដ្ឋា- ភិបាល និងរដ្ឋសភា កម្ពុជា ក្នុងការទទួលបដិសណ្ឋារកិច្ចរបស់គណៈប្រតិភូយ៉ាងល្អប្រពៃ ប្រកបដោយមនោសញ្ចេតនាយ៉ាងកក់ក្តៅ។ ឯកឧត្តម ក៏បានវាយតម្លៃខ្ពស់ ចំពោះសហប្រតិបត្តិការ ក៏ដូចជាចំណងសាមគ្គីភាពរដ្ឋសភា រាជដ្ឋាភិបាល និងបក្ស ដែលមានទំនាក់- ទំនងល្អជាមួយគ្នាយ៉ាងជិតស្និទ្ធក្នុងការបំពេញការងារកន្លងមក។

លោកជំទាវបានសម្តែងការគួរសម និងស្វាគមន៍ចំពោះដំណើរទស្សនៈកិច្ចរបស់ ឯកឧត្តម វឿង ឌីញហ្វេ (Voung Dinh Hue) ដែលបាន មកបំពេញទស្សនៈកិច្ចជាផ្លូវការនៅព្រះរាជាណាចក្រកម្ពុជានាថ្ងៃនេះ។ លោកជំទាវក៏បានបន្តទៀតថា ឆ្នាំនេះជាឆ្នាំខួបលើកទី៥៥ឆ្នាំ នៃ ចំណងការទូត រវាងប្រទេសកម្ពុជា វៀតណាម និងខួបលើកទី៤៥ឆ្នាំ នៃដំណើរឆ្ពោះទៅរកសង្គ្រោះជាតិរបស់ សម្តេចតេជោ ហ៊ុន សែន និងខួប លើកទី៦៩ឆ្នាំ នៃពិធីបុណ្យឯករាជ្យជាតិកម្ពុជា។

ជាចុងក្រោយ លោកជំទាវក៏បានជូនពរឱ្យដំណើរទស្សនៈកិច្ចរបស់ប្រតិភូទទួលបានជោគជ័យក្នុងបេសកកម្មជាផ្លូវការនាពេលនេះ ៕

អត្ថបទ និងរូបភាព ដោយនាយកដ្ឋានព័ត៌មាន