សេចក្តីប្រកាសព័ត៌មាន ស្តីពីលទ្ធផលសម័យប្រជុំរដ្ឋសភាលើកទី៨ នីតិកាលទី៦ ថ្ងៃចន្ទ ទី៣ ខែតុលា ឆ្នាំ២០២២__ បើកសម័យប្រជុំរដ្ឋសភាលើកទី៨ នីតិកាលទី៦៖ ព្រះមហាក្សត្រកោតសរសើរ និងអរគុណរដ្ឋសភា ដែលបានអនុម័តច្បាប់នានា ដើម្បីឱ្យមានសង្គតិភាពទៅនឹងបរិយាកាសនយោបាយ ស្ថានភាពសង្គម ស្របតាមរដ្ឋធម្មនុញ្ញ__ របាយការណ៍សង្ខេប ស្តីពីសកម្មភាពការងាររបស់រដ្ឋសភា នាចន្លោះសម័យប្រជុំរដ្ឋសភាលើកទី៧ និងលើកទី៨ នីតិកាលទី៦__ ព្រះរាជសារ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជូនសម័យប្រជុំរដ្ឋសភាលើកទី៨ នីតិកាលទី៦__ ឯកឧត្តម កែប ជុតិមា អញ្ជើញបិទសិក្ខាសាលាស្តីពី «ស័្វយភាពសេដ្ឋកិច្ចរបស់ស្ត្រីនៅតំបន់ជនបទ និងវិធីសាស្ត្រនៃការចរចា និងសន្ធានកម្មប្រើប្រាស់ក្នុងក្របខណ្ឌ័សភា» ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » លោកជំទាវ កិត្តិសង្គហបណ្ឌិត ឃួន សុដារី តំណាងដ៏ខ្ពង់ខ្ពស់ សម្តេចប្រធានរដ្ឋសភា អនុញ្ញាតឱ្យសមាជិកសភាអាមេរិក ចូលជួបសម្តែងការគួរសម និងពិភាក្សាការងារ
លោកជំទាវ កិត្តិសង្គហបណ្ឌិត ឃួន សុដារី តំណាងដ៏ខ្ពង់ខ្ពស់ សម្តេចប្រធានរដ្ឋសភា អនុញ្ញាតឱ្យសមាជិកសភាអាមេរិក ចូលជួបសម្តែងការគួរសម និងពិភាក្សាការងារ
រៀបរៀងដោយ ៖​ NA1472 ​ នៅថ្ងៃទី (8/29/2022 4:58:31 AM )

នៅវិមានរដ្ឋសភា នារសៀលថ្ងៃចន្ទ ៣កើត ខែភទ្របទ ឆ្នាំខាល ចត្វាស័ក ព.ស. ២៥៦៦ ត្រូវនឹង ថ្ងៃទី២៩ ខែសីហា ឆ្នាំ២០២២នេះ លោកជំទាវ កិត្តិសង្គហបណ្ឌិត ឃួន សុដារី តំណាងដ៏ខ្ពង់ខ្ពស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានអនុញ្ញាតឱ្យ ឯកឧត្តម ស្តេហ្វិន កូហិន (Stephen Cohen) សមាជិកសភានៃគណបក្សប្រជាធិបតេយ្យមកពីរដ្ឋថេនណឺស៊ី និងគណៈប្រតិភូសមាជិក សភាអាមេរិកជាតំណាងរាស្ត្រគណបក្សសាធារណរដ្ឋនៃរដ្ឋវើជើនៀ រដ្ឋតិចសាស់ និងរដ្ឋខេនសាស់ ផងដែរ ចូលជួបសម្តែងការគួរសម និងពិភាក្សាលើការងារមួយចំនួន ដើម្បីពង្រឹងពង្រីកទំនាក់ទំនង និងកិច្ចសហប្រតិបត្តិការរវាងកម្ពុជា និងសហរដ្ឋអាមេរិក។

លោកជំទាវ បានរំលឹកឡើងវិញនូវដំណើរទស្សនកិច្ចដ៏ជោគជ័យរបស់ សម្តេចតេជោ ហ៊ុន សែន នៅទីក្រុងវ៉ាស៊ីនតោនឌីស៊ី នាឱកាស នៃការចូលរួមកិច្ចប្រជុំកំពូលពិសេសអាស៊ាន-សហរដ្ឋអាមេរិក កាលពីខែឧសភានេះ និងដំណើរទស្សនកិច្ចនៅកម្ពុជា នាពេលថ្មីៗនេះ របស់រដ្ឋមន្ត្រីការបរទេសអាមេរិក លោក Antony Blinken។ នេះជាព្រឹត្តិការណ៍ប្រវត្តិសាស្ត្រ មិនត្រឹមតែសម្រាប់ការលើកកម្ពស់ទំនាក់- ទំនងកិច្ចសន្ទនាអាស៊ាន-សហរដ្ឋអាមេរិកប៉ុណ្ណោះទេ ថែមទាំងទំនាក់ទំនងទ្វេភាគីរវាងកម្ពុជា-អាមេរិក ផងដែរ។ លោកជំទាវបានបង្ហាញ នូវក្តីសង្ឃឹមយ៉ាងមុតមាំថា ដំណើរទស្សនកិច្ចរបស់គណៈប្រតិភូសមាជិកសភាអាមេរិក នៅថ្ងៃនេះ នឹងរួមចំណែកបន្ថែមទៀតដល់ការ លើកកម្ពស់ការយល់ដឹងគ្នាទៅវិញទៅមក និងការពង្រឹងកិច្ចសហប្រតិបត្តិការរវាងប្រទេស និងស្ថាប័នទាំងពីរ។

លោកជំទាវក៏បានលើកឡើងអំពីការអភិវឌ្ឍជាវិជ្ជមានមួយចំនួន នៅក្នុងទំនាក់ទំនងទ្វេភាគីរបស់អាមេរិក-កម្ពុជា រួមមានទំហំពាណិជ្ជកម្ម ដែលក្នុងរយៈពេល៥ខែដំបូងនៃឆ្នាំ២០២២ បានកើនឡើង៥៦%។ លោកជំទាវក៏បានថ្លែងអំណរគុណចំពោះជំនួយរបស់សហរដ្ឋអាមេរិក សម្រាប់ជួយដោះស្រាយវិបត្តិ Covid-19 ដែលមានទំហំទឹកប្រាក់សរុប ១៦លានដុល្លារ ជាមួយនឹងការផ្តល់វ៉ាក់សាំងអោយកម្ពុជាជាង ៣លានដូស ព្រមទាំងកម្មវិធីអភិវឌ្ឍន៍ផ្សេងៗទៀត ក្នុងវិស័យអប់រំ កសិកម្ម ដោះគ្រាប់មីន ។ល។

ក្នុងជំនួបនាពេលនេះផងដែរ ឯកឧត្តម សួស យ៉ារ៉ា ប្រធានគណៈកម្មការទី៥ នៃរដ្ឋសភា លោកជំទាវ និន សាផុន ប្រធានគណៈកម្មការ ទី៩ នៃរដ្ឋសភា​ ព្រមទាំងតំណាងគណៈកម្មការទី១ និងទី៧ នៃរដ្ឋសភា ក៏បានធ្វើការពិភាក្សាផ្លាស់ប្តូរយោបល់គ្នាជាមួយគណៈប្រតិភូ សភាអាមេរិកមកពីបណ្តារដ្ឋផ្សេងៗ ក៏ដូចជាអ្នកជំនាញផងដែរ អំពីកិច្ចការពាក់ព័ន្ធនឹងស្ថាប័ននីតិប្បញ្ញតិ្ត។

ថ្លែងក្នុងជំនួបនាពេលនេះ ឯកឧត្តម ស្តេហ្វិន កូហិន បានសម្ដែងនូវការពេញចិត្ត និងពិតជាមានកិត្តិយសយ៉ាងក្រៃលែងចំពោះបដិ- សណ្ឋារកិច្ចដ៏កក់ក្តៅ និងសូមថ្លែងអំណរគុណដល់ថ្នាក់ដឹកនាំរដ្ឋសភា ក៏ដូចជាថ្នាក់ដឹកនាំរាជរដ្ឋាភិបាលកម្ពុជា ដែលបានចំណាយពេល វេលាដ៏មមាញឹកទទួលជួបគណៈប្រតិភូសភាអាមេរិកនាពេលនេះ។ ឯកឧត្តម បានលើកឡើងថា នេះជាលើកទីមួយ ដែលឯកឧត្តមមក បំពេញទស្សនកិច្ចនៅព្រះរាជាណាចក្រកម្ពុជា និងបានឃើញការអភិវឌ្ឍជាច្រើននៅកម្ពុជា។ ជាងនេះទៅទៀត ឯកឧត្តមបានលើក- សរសើរពីប្រាសាទអង្គរវត្តនៅខេត្តសៀមរាប​ដ៏អស្ចារ្យរបស់កម្ពុជា។

ជាការឆ្លើយតប លោកជំទាវ កិត្តិសង្គហបណ្ឌិត បានសម្តែងនូវការអរគុណចំពោះគណៈប្រតិភូសភាអាមេរិកនាពេលនេះ ដែលបានមក ទស្សនកិច្ច និងមើលឃើញដោយផ្ទាល់ នូវសមិទ្ធផល និងសម្រស់ នៃទឹកដីដ៏ល្អផូរផង់របស់កម្ពុជា។ លោកជំទាវ បានសង្កត់ធ្ងន់ថា ការអភិវឌ្ឍ សេចក្តីសុខ ជីវរភាពរស់នៅដែលយើងកំពុងមាន គឺបានមកពីសន្តិភាព និងស្ថិរភាពនយោបាយ សង្គម ក្រោមការដឹកនាំ ប្រកបដោយគតិបណ្ឌិតរបស់ សម្តេចតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា និងឥស្សរជនជាតិជាច្រើនរូប។ លោកជំទាវ បានលើកឡើងនូវប្រវត្តិដ៏ជូរចត់របស់កម្ពុជា ហើយដែលសន្តិភាពទទួលបាននាពេលនេះគឺបានមកដោយលំបាក។ ដូចនេះ បំណងប្រាថ្នារបស់ប្រជាជនកម្ពុជាគឺសន្តិភាព សម្រាប់ការអភិវឌ្ឍ សុខមាលភាព ជីវភាពនិងផលប្រយោជន៍របស់ប្រជាជន។ លោកជំទាវ ក៏បានសម្តែងនូវសេចក្តីត្រេកអរ និងរង់ចាំទទួលស្វាគមន៍គណៈប្រតិភូសភាអាមេរិក មកចូលរួមមហាសន្និបាតអន្តរសភាអាស៊ានលើកទី- ៤៣ ដែលសភាកម្ពុជានឹងធ្វើជាម្ចាស់ផ្ទះក្នុងខែវិច្ឆិកានេះ។

មុននឹងបញ្ចប់ គណៈប្រតិសភាទាំងពីរបានឯកភាពគ្នា និងនាំគ្នាសម្លឹងទៅមុខ ព្រមទាំងក្ដាប់ឱកាសដែលកំពុងមាននាពេលបច្ចុប្បន្នធ្វើជា មូលដ្ឋាន ដើម្បីពង្រឹងទំនាក់ទំនងរវាងប្រទេសទាំងពីរឲ្យកាន់តែខ្លាំងឡើង ៕

អត្ថបទ និងរូបភាព ដោយនាយកដ្ឋានព័ត៌មាន