Statement of the Spokesperson of the National Assembly of the Kingdom of Cambodia in response to the assertion made by a few US lawmakers on the situation of human rights and democracy in Cambodia__ សេចក្តីថ្លែងការណ៍ របស់អ្នកនាំពាក្យរដ្ឋសភាជាតិនៃព្រះរាជាណាចក្រកម្ពុជា ឆ្លើយតបទៅនឹងការលើកឡើងរបស់ សមាជិកសភាសហរដ្ឋអាមេរិកមួយចំនួនតូច ស្តីពីស្ថានភាពសិទ្ធិមនុស្ស និងប្រជាធិបតេយ្យនៅកម្ពុជា__ លិខិតជូនពរ របស់ ឯកឧត្តម ហ៊ុន ណេង សូមគោរពជូនពរ បវរសួស្តី សិរីមង្គល វិបុលសុខ មហាប្រសើរ ជូន លោកជំទាវកិត្តិសង្គហបណ្ឌិត ឃួន សុដារី អនុប្រធានទី២ រដ្ឋសភា នៃព្រះរាជាណាចក្រកម្ពុជា ក្នុងឱកាសចម្រើនជន្មាយុ__ សេចក្តីជូនដំណឹង រដ្ឋសភានៃព្រះរាជាណាចក្រកម្ពុជា នឹងបន្តសម័យប្រជុំរដ្ឋសភាលើកទី៥ នីតិកាលទី៦ នៅថ្ងៃពុធ ទី២៥ ខែវិច្ឆិកា ឆ្នាំ២០២០__ សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំគណៈកម្មាធិការអចិន្រ្តៃយ៍នៃរដ្ឋសភា ថ្ងៃព្រហស្បតិ៍ ទី១៩ ខែវិច្ឆិកា ឆ្នាំ២០២០__ រដ្ឋសភានឹងបន្តសម័យប្រជុំពេញអង្គនៅថ្ងៃទី២៥ វិច្ឆិកា ដើម្បីពិភាក្សាអនុម័តសេចក្តីព្រាងច្បាប់ចំនួន៧ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » រដ្ឋសភាប្រជុំពិភាក្សា អនុម័តសេចក្តីព្រាងច្បាប់ ចំនួន៦
រដ្ឋសភាប្រជុំពិភាក្សា អនុម័តសេចក្តីព្រាងច្បាប់ ចំនួន៦
រៀបរៀងដោយ ៖​ NA1472 ​ នៅថ្ងៃទី (11/1/2020 6:54:29 PM )

រដ្ឋសភានៃព្រះរាជាណាចក្រកម្ពុជា បានបន្តសម័យប្រជុំលើកទី៥ នីតិកាលទី៦ នាព្រឹកថ្ងៃចន្ទ ទី២ ខែវិច្ឆិកា ឆ្នាំ២០២០នេះ ក្រោមអធិបតី ភាពដ៏ខ្ពង់ខ្ពស់របស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា ដើម្បីពិភាក្សា និងអនុម័តសេចក្តីព្រាងច្បាប់ចំនួន៦។

សេចក្តីព្រាងច្បាប់ ដែលរដ្ឋសភាពិភាក្សា អនុម័តនាពេលនេះ នឹងក្លាយជាច្បាប់ សម្រាប់រាជរដ្ឋាភិបាលយកទៅអនុវត្ត ក្នុងការដឹកនាំ ប្រទេសជាតិ ទាំងកិច្ចការក្នុងប្រទេស និងដើម្បីបង្កើនកិច្ចសហប្រតិបត្តិការជាមួយប្រទេសជិតខាង ប្រទេសជាមិត្តក្នុងតំបន់ និងសកល លោក លើការងារកិច្ចការព្រំដែន ពាណិជ្ជកម្ម និងសន្តិសុខ ជាដើម។

សេចក្តីព្រាងច្បាប់ទាំង៦នោះ មាន៖

១-សេចក្តីព្រាងច្បាប់ ស្តីពីការអនុម័តយល់ព្រមលើពិធីសារខណ្ឌសីមា និងបោះបង្គោលព្រំដែនគោក រវាងព្រះរាជាណាចក្រកម្ពុជា និង សាធារណរដ្ឋសង្គមនិយមវៀតណាម។

២- សេចក្តីព្រាងច្បាប់ស្តីពីការអនុម័តយល់ព្រមលើសន្ធិសញ្ញាស្តីពីការហាមឃាត់អាវុធនុយក្លេអ៊ែរ។

៣-សេចក្តីព្រាងច្បាប់ស្តីពី ការអនុម័តយល់ព្រមលើពិធីសារទីមួយ ធ្វើវិសោធនកម្មកិច្ចព្រមព្រៀង ស្តីពីភាពជាដៃគូសេដ្ឋកិច្ចទូលំទូលាយ រវាងរដ្ឋជាសមាជិក សមាគមប្រជាជាតិអាស៊ីអាគ្នេយ៍ និងជប៉ុន។

៤-សេចក្តីព្រាងច្បាប់ស្តីពី ការអនុម័តយល់ព្រមលើពិធីសារអនុវត្តកញ្ចប់សន្យាទី១០ ក្រោមកិច្ចព្រមព្រៀងក្របខ័ណ្ឌអាស៊ាន ស្តីពីសេវា- កម្ម។

៥-សេចក្តីព្រាងច្បាប់ ស្តីពីការអនុម័តយល់ព្រមលើកិច្ចព្រមព្រៀង ស្តីពីការវិនិយោគក្រោមកិច្ចព្រមព្រៀងក្របខ័ណ្ឌ ស្តីពីកិច្ចសហប្រតិ- បត្តិការសេដ្ឋកិច្ចទូលំទូលាយ រវាងសមាគមប្រជាជាតិអាស៊ីអាគ្នេយ៍ និងសាធារណរដ្ឋឥណ្ឌា។

៦-សេចក្តីព្រាងច្បាប់ស្តីពី ការអនុម័តយល់ព្រមលើកិច្ចព្រមព្រៀង ស្តីពីការវិនិយោគរវាងបណ្តារដ្ឋសមាជិកនៃសមាគមប្រជាជាតិអាស៊ី- អាគ្នេយ៍ និងរដ្ឋាភិបាលនៃតំបន់រដ្ឋបាលពិសេសហុងកុង នៃសាធារណរដ្ឋប្រជាមានិតចិន។

រដ្ឋសភាបានពិភាក្សាអនុម័តលើរបៀបវារៈខាងលើតាមនីតិវីធី។ ចំពោះលទ្ធផលទាំងស្រុង នៃអង្គកិច្ចប្រជុំរដ្ឋសភា នាថ្ងៃនេះ អគ្គលេខា- ធិការដ្ឋានរដ្ឋសភានឹងចេញសេចក្តីប្រកាសព័ត៌មាន នៅក្រោយពេលអង្គប្រជុំបានបញ្ចប់ ៕

អត្ថបទ និងរូបភាព ដោយនាយកដ្ឋានព័ត៌មាន