សម្តេចអគ្គមហាពញាចក្រី ហេង សំរិន ជំរុញឯកអគ្គរាជទូតកម្ពុជា ប្រចំាប្រទេសនានា តម្កល់ផលប្រយោជន៍ជាតិជាធំ ពង្រីកកិច្ចសហប្រតិបត្តិការជាមួយប្រទេសជាមិត្ត__ សេចក្តីព្រាងច្បាប់ពីរ ទាក់ទងការប្រឆំាងការសម្អាតប្រាក់ត្រូវបានគណៈកម្មការជំនាញរដ្ឋសភា និងតំណាងរាជរដ្ឋាភិបាល បញ្ចប់ការពិនិត្យសិក្សា__ គណៈកម្មការទី៣នៃរដ្ឋសភា ប្រជុំពិនិត្យលើរបាយការណ៍បូកសរុបលទ្ធផលការងាររបស់ក្រសួងស្ថាប័ន ក្នុងសមត្ថកិច្ចរបស់ខ្លួន__ គណៈកម្មការជំនាញរដ្ឋសភា គំាទ្រសេចក្តីព្រាងច្បាប់ស្តីពីការអនុម័តយល់ព្រមឱ្យព្រះរាជាណាចក្រកម្ពុជា ចូលជាភាគីនៃអនុសញ្ញាទីក្រុងប៊ែន ស្តីពីកិច្ចការពារស្នាដៃអក្សរសាស្រ្ត និងសិល្បៈឆ្នាំ១៨៨៦ និង...__ គណៈកម្មការជំនាញរដ្ឋសភា ប្រជុំជាមួយតំណាងរាជរដ្ឋាភិបាលពិនិត្យសេចក្តីព្រាងច្បាប់ ស្តីពីការជួយគ្នាទៅវិញទៅមកផ្នែកច្បាប់ ក្នុងវិស័យព្រហ្មទណ្ឌ__ គណៈកម្មការរដ្ឋសភាពិនិត្យសេចក្តីព្រាងច្បាប់២ ទាក់ទងនឹងការប្រឆាំងហិរញ្ញប្បទាន ការរីកសាយភាយអាវុធមហាប្រល័យ និងការប្រឆាំងការសម្អាតប្រាក់ និងហិរញ្ញប្បទានភេរវកម្ម__ ឯកឧត្តម ឈាង វុន ចុះផ្សព្វផ្សាយ និងក្រើនរំលឹកប្រជាពលរដ្ឋ ឲ្យបន្តប្រុងប្រយ័ត្ន និងការពារខ្លួនពីវីរុសកូវីដ COVID-19__ អគ្គលេខាធិការដ្ឋានរដ្ឋសភា គោរពជូនពរ សម្ដេចចក្រី ហេង សំរិន ក្នុងឱកាសចម្រើនជន្មាយុ គម្រប់៨៦ ឈានចូល៨៧ឆ្នាំ ៕


ទំព័រមុខ » គណៈកម្មការទី៤ » សកម្មភាព » ឯកឧត្តម ហ៊ុន ណេង ផ្តាំផ្ញើកងកម្លាំងថា÷ កិច្ចប្រជុំលើកទី២៧ APPF ជាមុខមាត់កម្ពុជាទាំងមូល
ឯកឧត្តម ហ៊ុន ណេង ផ្តាំផ្ញើកងកម្លាំងថា÷ កិច្ចប្រជុំលើកទី២៧ APPF ជាមុខមាត់កម្ពុជាទាំងមូល
រៀបរៀងដោយ ៖​ NA1472 ​ នៅថ្ងៃទី (3/7/2019 12:39:57 AM )

ឯកឧត្តម ហ៊ុន ណេង ប្រធានគណៈកម្មការមហាផ្ទៃ ការពារជាតិ និងមុខងារសាធារណៈនៃរដ្ឋសភា និងជាប្រធានអនុគណៈកម្មការសន្តិសុខ នៃគណៈកម្មការរៀបចំកិច្ចប្រជុំប្រចាំឆ្នាំលើកទី២៧នៃវេទិកាសភាអាស៊ី-ប៉ាស៊ីហ្វិក បានអញ្ជើញចុះពិនិត្យដោយផ្ទាល់ទីតាំងរៀបចំកិច្ចប្រជុំលើកទី២៧ APPF ដែលសភាកម្ពុជាត្រូវធ្វើជាម្ចាស់ផ្ទះ នៅខេត្តសៀមរាប នាខែមករា​ ឆ្នាំ២០១៩ ខាងមុខនេះ។

នៅក្នុងដំណើរបំពេញបេសកកម្មនាថ្ងៃទី៨ ខែធ្នូ​ ឆ្នាំ២០១៨នេះ ឯកឧត្តម ហ៊ុន ណេង និងសហការី បានជួបពិភាក្សាការងារជាមួយអាជ្ញាធរ ខេត្តសៀមរាប កងកម្លាំងប្រដាប់អាវុធ ព្រមទាំងនាយកដ្ឋានអង្គរក្សនៃអគ្គស្នងការនគរបាលជាតិ ដើម្បីពិភាក្សាលើ កិច្ចការពារសន្តិសុខ សណ្តាប់ធ្នាប់ ដល់កិច្ចប្រជុំប្រចាំឆ្នាំលើកទី២៧ នៃវេទិកាសភាអាស៊ី-ប៉ាស៊ីហ្វិក អោយដំណើរការទៅដោយរលូន និងសុវត្ថិភាព។

សភាកម្ពុជានឹងធ្វើជាម្ចាស់ផ្ទះកិច្ចប្រជុំប្រចាំឆ្នាំលើកទី២៧ នៃវេទិកាសភាអាស៊ី-ប៉ាស៊ីហ្វិក នៅលើទឹកដីអង្គរខេត្តសៀមរាប ចាប់ពីថ្ងៃទី១៤ ដល់ថ្ងៃទី១៧ ខែមករា ឆ្នាំ២០១៩។ គណៈប្រតិភូដែលជាប្រធានសភា ឬតំណាងនៃប្រទេសជាសមាជិកAPPF នឹងអញ្ជើញមកចូលរួមកិច្ចប្រជុំនេះ។ វេទិកាសភា អាស៊ី-ប៉ាស៊ីហ្វិក ដែលហៅកាត់ថា APPF មានសមាជិក២៧ប្រទេស។

ឯកឧត្តម ហ៊ុន ណេង បានមានប្រសាសន៍ថា ដើម្បីរៀបចំកិច្ចប្រជុំប្រចាំឆ្នាំលើកទី២៧ នៃវេទិកាសភាអាស៊ី-ប៉ាស៊ីហ្វិក សភាកម្ពុជាបានបង្កើត គណៈកម្មការរៀបចំមួយ ដោយមានអនុគណៈកម្មការទទួលបន្ទុកតាមវិស័យផ្សេងៗគ្នាមួយចំនួន ដូចជា អនុគណៈកម្មការទទួលបន្ទុកសន្តិសុខ ជាដើម។

ជាអ្នកទទួលបន្ទុកកិច្ចការសន្តិសុខ ឯកឧត្តម ហ៊ុន ណេង បានស្នើសុំដល់អាជ្ញាធរពាក់ព័ន្ធ និងកងកម្លាំងមានសមត្ថកិច្ចទាំងអស់ យកចិត្តទុកដាក់ក្នុង ការផ្តល់សុវត្ថិភាពជូនគណៈប្រតិភូដែលនឹងចូលរួមកិច្ចប្រជុំនេះ ព្រមទាំងក្តាប់សភាពការណ៍ឱ្យបានច្បាស់លាស់ដូចមានក្នុងផែនការការពារ។

ឯកឧត្តម បានផ្តាំផ្ញើថាកម្លាំងមានសមត្ថកិច្ចទាំងអស់ត្រូវសហការគ្នាឱ្យបានល្អ ហើយដោះស្រាយរាល់បញ្ហាដែលកើតឡើង ត្រូវមានទំនាក់ទំនង ជាមួយគ្នាជាប្រចាំ។

ឯកឧត្តម ហ៊ុន ណេង បានលើកឡើងថា ព្រឹត្តិការណ៍នេះជាកិត្តិយស និងជាមុខមាត់របស់កម្ពុជាទាំងមូល។ បន្ទាប់ពីបានជួបពិភាក្សាការងារជាមួយ អាជ្ញាធរពាក់ព័ន្ធហើយ ឯកឧត្តម ហ៊ុន ណេង និងសហការី បានចុះទៅពិនិត្យទីតាំងរៀបចំកិច្ចប្រជុំលើកទី២៧ APPF ផងដែរ ៕

អត្ថបទ និងរូបភាព ដោយនាយកដ្ឋានព័ត៌មាន