រដ្ឋសភាកម្ពុជា​ នឹងបន្តសម្របសម្រួលពង្រឹងកិច្ចសហប្រតិបត្តិការក្នុងស្មារតីនៃវិបុលភាព និងការប្រើប្រាស់ទឹកប្រកបដោយចីរភាព__ ឯកឧត្តមកិត្តិសេដ្ឋាបណ្ឌិត ជាម យៀប អញ្ជើញជាអធិបតីភាពបើកសិក្ខាសាលា​ ស្តីពីចក្ខុវិស័យទឹក៖​ ទស្សនវិស័យពីកម្ពុជា__ សេចក្តីជូនដំណឹង​ អគ្គលេខាធិការដ្ឋានរដ្ឋសភា__ សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំគណៈកម្មាធិការអចិន្ត្រៃយ៍រដ្ឋសភា នាព្រឹកថ្ងៃព្រហស្បតិ៍ ទី១៨ ខែមេសា ឆ្នាំ២០២៤ ៕ សម្តេចរដ្ឋសភាធិការធិបតី ឃួន សុដារី ដឹកនាំគណៈប្រតិភូរដ្ឋសភាកម្ពុជា ចូលរួមពិធីបើកកិច្ចប្រជុំកំពូលប្រធានសភាជាស្រ្តីពិភពលោកជាផ្លូវការនៅវិមានរដ្ឋសភាបារាំង__ តំណាងរាស្រ្តនៃប្រទេសទាំងពីរគាំទ្រក្នុងការជំរុញទំនាក់ទំនងរវាងប្រជាជននិងប្រជាជនពិតជាសំខាន់ណាស់ ៕

ទំព័រមុខ » ព័ត៌មាន » ព័ត៌មានប្រចាំថ្ងៃ » សម្តេច ម៉ែន សំអន ផ្តល់អនុសាសន៍​ ៥ចំណុច ដល់សាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ រាជធានី-ខេត្ត និងគណៈចលនាស្ត្រី សម្រាប់បន្តអនុវត្តក្នុងឆ្នាំ២០២៤
សម្តេច ម៉ែន សំអន ផ្តល់អនុសាសន៍​ ៥ចំណុច ដល់សាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍ រាជធានី-ខេត្ត និងគណៈចលនាស្ត្រី សម្រាប់បន្តអនុវត្តក្នុងឆ្នាំ២០២៤
រៀបរៀងដោយ ៖​ NA002 ​ នៅថ្ងៃទី (4/2/2024 7:34:26 PM )
សម្តេចកិត្តិសង្គហបណ្ឌិត ម៉ែន សំអន​ តំណាងរាស្រ្តមណ្ឌខេត្តស្វាយរៀង និងជាប្រធានសមាគមនារីកម្ពុជា ដើម្បីសន្តិភាព និងអភិវឌ្ឍន៍​ បានអញ្ជើញជាអធិបតីក្នុងពិធីសន្និបាតបូកសរុបលទ្ធផលការងាររបស់សមាគមនារីកម្ពុជា ដើម្បីសន្តិភាព និងអភិវឌ្ឍន៍ និងគណៈចលនាស្ត្រីប្រចាំឆ្នាំ២០២៣ និងលើកទិសដៅអនុវត្តឆ្នាំ២០២៤ ដែលមានសមាសភាពចូលរួមចំនួនជាង ២០០នាក់ តាមរយៈប្រព័ន្ធ ZOOM នារសៀលថ្ងៃអង្គារ ៩រោច ខែផល្គុន ឆ្នាំថោះ បញ្ចស័ក ព.ស.២៥៦៧ ត្រូវនឹងថ្ងៃទី២ ខែមេសា ឆ្នាំ២០២៤។
 
សម្តេចកិត្តិសង្គហបណ្ឌិត ក៏បានថ្លែងនូវការកោតសរសើរដល់ថ្នាក់ដឹកនាំនារីនៅគ្រប់លំដាប់ថ្នាក់ និងគណៈចលនាស្ត្រី ដែលបានចូលរួមយ៉ាងសកម្មជាមួយរាជរដ្ឋាភិបាល ក្រោមការដឹកនាំរបស់ សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី ក្នុងអាណត្តិទី៦ និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នីតិកាលទី៧ នៃព្រះរាជាណាចក្រកម្ពុជា ដោយបានសហការជាមួយថ្នាកដឹកនាំគ្រប់លំដាប់ថ្នាក់ និងសប្បុរសជន ដើម្បីកៀរគរប្រមូលផ្តុំកម្លាំងធនធាន ថវិកា សម្ភារៈ និងមធ្យោបាយ ដើម្បីធ្វើការងារសង្គម មនុស្សធម៌ ការងារអភិវឌ្ឍន៍សហគមន៍ និងការងារជំនាញនៅតាមមូលដ្ឋាន ព្រមទាំង​មុខសញ្ញាដែលត្រូវទទួលខុសត្រូវ ដោយមិនខ្លាចការលំបាក នឿយហត់ ដើម្បីដោះស្រាយនូវបញ្ហាលំបាកផ្សេងៗ ផ្នែកសុខភាព​ ជីវភាព និងសិតអារម្មណ៍របស់ប្រជាពលរដ្ឋ។
 
សម្តេចកិត្តិសង្គហបណ្ឌិត ក៏បានផ្តាំផ្ញើដល់សាខាសមាគមនារីកម្ពុជា ដើម្បីសន្តិភាព និងអភិវឌ្ឍន៍​ រាជធានី​ ខេត្ត ក្រសួង ស្ថាប័ន ត្រូវ៖
 
១.ចូលរួមអនុវត្តឲ្យទទួលបានជោគជ័យនូវយុទ្ធសាស្ត្របញ្ចកោណដំណាក់កាលទី១ របស់រាជរដ្ឋាភិបាល
 
២.ចូលរួមពង្រឹងនូវរចនាសម្ព័ន្ធសមាគមនារី និងក្រុមការងារចលនាស្ត្រីនៅគ្រប់លំដាប់ថ្នាក់ គ្រប់វិស័យ និងពង្រីកសមាជិកភាពសមាគម អនុវត្តឲ្យបានជោគជ័យនូវផែនការសកម្មភាពរបស់សមាគមនារី និងគណៈចលនាស្ត្រីឆ្នាំ២០២៤ ពង្រឹងប្រសិទ្ធិភាពដឹកនាំ និងកិច្ចសហប្រតិបត្តិការពីថ្នាក់កណ្តាលដល់ថ្នាក់មូលដ្ឋាន
 
៣.ពង្រឹងសមត្ថភាពដល់ថ្នាក់ដឹកនាំជាស្ត្រីតាមរយៈការបណ្តុះបណ្តាលជំនាញ ជាពិសេស ការប្រើប្រាស់ប្រព័ន្ធព័ត៌មានវិទ្យា ដើម្បីមានលទ្ធភាពបំពេញការងារប្រកបដោយគុណភាព និងប្រសិទ្ធភាពក្នុងយុគសម័យឌីជីថល
 
៤.បន្តពង្រឹង និងពង្រីកកិច្ចសហប្រតិបត្តិការជាមួយនារីបណ្តាប្រទេសជាមិត្តនៅក្នុងតំបន់ និងអន្តរជាតិ និងកិច្ចសហប្រតិបត្តិការជាមួយស្ថាប័នពាក់ព័ន្ធ ម្ចាស់មូលនិធិ សប្បុរសជន​ ក្នុង និងក្រៅប្រទេស ដើម្បីអនុវត្តគម្រោងអភិវឌ្ឍន៍ជាផលប្រយោជន៍ប្រជាពលរដ្ឋ ពិសេសស្ត្រី និងកុមារ។
 
៥.ស្នើដល់ស្រ្តីទាំងអស់គ្នាប្រុងប្រយ័ត្ននូវការបម្រែបម្រួលអាកាសធាតុ និងការកើនឡើងនូវកំដៅនៃផែនដី ដែលអាចធ្វើឲ្យប៉ះពាល់ដល់ជីវភាពរស់នៅប្រចាំថ្ងៃ​ ៕