ឯកឧត្តមបណ្ឌិត ហ៊ឺ វីរ: តំណាងរាស្ត្រមណ្ឌលខេត្តកំពង់ឆ្នាំង អមដំណើរដោយលោក យ៉ែម លក្ខិណា អភិបាល នៃគណៈអភិបាលស្រុកកំពង់លែង និងរដ្ឋបាលឃុំច្រណូក នៅរសៀលថ្ងៃទី១៨ ខែមករា ឆ្នាំ២០២៥ បានអញ្ជើញចុះជួបសំណេះសំណាល និងសួរសុខទុក្ខ ប្រជាពលរដ្ឋចំនួន ៤គ្រួសារ ដែលមានសមាជិកក្នុងគ្រួសារមានអ្នកមានជំងឺប្រចាំកាយ និងមានជីវភាពលំបាកខ្វះខាត  ស្ថិតនៅឃុំច្រណូក ស្រុកកំពង់លែង ខេត្តកំពង់ឆ្នាំង។

ឆ្លៀតក្នុងឱកាសនោះ ឯកឧត្តមបណ្ឌិត បាននាំនូវការផ្តាំផ្ញើសួរសុខទុក្ខពី  ឯកឧត្តម លោកជំទាវ ជាតំណាងរាស្ត្រម ណ្ឌលខេត្តកំពង់ឆ្នាំង ទាំងអស់ជម្រាបជូនប្រជាពលរដ្ឋនៅទីនោះផងដែរ។  ក្នុងនោះដែរ ឯកឧត្ដមបណ្ឌិត ក៏បានឧបត្ថម្ភថវិកាមួយចំនួនជូនដល់ក្រុមគ្រួសារទាំង ៤ ដើម្បីជួយសម្រាលបន្ទុកដោះស្រាយជីវភាពប្រចាំថ្ងៃ៕