ឯកឧត្តម គឹម សាន្ត នាយករងខុទ្ទកាល័យសម្តេចរដ្ឋសភាធិការធិបតី ឃួន សុដារី ប្រធានរដ្ឋសភា  បានដឹកនាំកិច្ចប្រជុំដើម្បីពិនិត្យលើការបញ្ចប់គម្រោងសាងសង់អគាររដ្ឋបាលថ្មីរដ្ឋសភាកម្ពុជានាព្រឹកថ្ងៃទី១៥ ខែមករា ឆ្នាំ២០២៥នៅវិមានរដ្ឋសភា ។

សូមជម្រាបជូនថា៖សំណង់អគាររដ្ឋបាលថ្មីរបស់រដ្ឋសភា ជាជំនួយរបស់ប្រទេសវៀតណាម ក្នុងទំហំទឹកប្រាក់ ២៥លានដុល្លារអាមេរិក ដោយមានក្រុមហ៊ុនពីរជាអ្នកគ្រប់គ្រងត្រួតពិនិត្យ និងអនុវត្តគម្រោង គឺ ក្រុមហ៊ុនទីប្រឹក្សាអន្តរជាតិ អារឆេថាយ និងក្រុមហ៊ុនម៉ៅការសាងសង់ ធី ស៊ី វី។ ការដ្ឋានសាងសង់បានចាប់ផ្ដើមកាលពីចុងឆ្នាំ២០២១ និងបានកំណត់ទុកថានឹងបញ្ចប់ការសាងសង់ក្នុងឆ្នាំ២០២៤។

អគាររដ្ឋបាលរដ្ឋសភាថ្មីដែលមានកម្ពស់១២ជាន់និងមានចំណតរថយន្តចំនួនពីរជាន់នេះ នឹងក្លាយជានិមិត្តរូបនៃមិត្តភាពរវាងប្រជាជាតិកម្ពុជា និងប្រជាជាតិវៀតណាម៕