ឯកឧត្តម ឡេង ប៉េងឡុង អគ្គលេខាធិការដ្ឋានរដ្ឋសភា ឯកឧត្តមបណ្ឌិត កែវ ពិសិដ្ឋ អគ្គលេខាធិការរងរដ្ឋសភាប្រចាំការ និងជានាយកខុទ្ទកាល័យសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា និងឯកឧត្តម ឃួន ដាវិត អគ្គលេខាធិការរងរដ្ឋសភា នាព្រឹកថ្ងៃទី០៣ ខែកញ្ញា ឆ្នាំ២០២៥ បានអញ្ជើញជួបប្រជុំពិភាក្សាការងារនៅសេសសល់មួយចំនួន ជាមួយក្រុមហ៊ុន TCV Engineering co., Ltd. ដែលជាក្រុមហ៊ុនសាងសង់អគារដ្ឋបាលថ្មីនៃរដ្ឋសភា និង Archetype Cambodia ដែលជាក្រុមប្រឹក្សាបច្ចេកទេស ។

កិច្ចប្រជុំដែលធ្វើឡើងនៅវិមានរដ្ឋសភានេះ បានពិភាក្សានិងដោះស្រាយបញ្ហាមួយចំនួន ពាក់ព័ន្ធ ប្រព័ន្ធបច្ចេកទេសមួយចំនួន នៃអគាររដ្ឋបាលថ្មីដើម្បីធ្វើយ៉ាងឱ្យ ការប្រើប្រាស់ និងគ្រប់គ្រងអគាររដ្ឋបាលថ្មី នៃរដ្ឋសភាដំណើរការទៅដោយរលួន មានសុវត្ថិភាពខ្ពស់ ក្រោយកិច្ចសន្យាសាងសង់បានបញ្ចប់ទៅ។ 

កិច្ចប្រជុំនេះ មានការចូលរួមពីសំណាក់ ឯកឧត្តម លោក លោកស្រី ថ្នាក់ដឹកនាំអង្គភាពពាក់ព័ន្ធនៃអគ្គលេខាធិការដ្ឋានរដ្ឋសភាមួយចំនួន ចូលរួមផងដែរ។