ឯកឧត្តម ឈាង វុន ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា នារសៀលថ្ងៃទី១ ខែកញ្ញា ឆ្នាំ២០២៥ នៅវិមានរដ្ឋសភា បានដឹកនាំកិច្ចប្រជុំត្រៀមរបស់គណៈកម្មាធិការសេដ្ឋកិច្ច (Committee on Economic Matters) នៃមហាសនិ្នបាតអន្តរសភាអាស៊ាន (AIPA) លើកទី៤៦។

កិច្ចប្រជុំនេះ មានការចូលរួមពីឯកឧត្តម លោកជំទាវ សមាជិកសមាជិការដ្ឋសភា និងព្រឹទ្ធសភា នៃគណៈកម្មាធិការសេដ្ឋកិច្ច នៃអន្តរសភាអាស៊ាន ដើម្បីពិនិត្យ និងបញ្ចូលធាតុចូលទៅក្នុងសេចក្តីព្រាងសេចក្តីសម្រេច (Draft Resolutions) ទាំង៧ ដែលនឹងត្រូវជជែកពិភាក្សានៅក្នុងមហាសន្និបាតអន្តរសភាអាស៊ាន លើកទី៤៦ នៅប្រទេសម៉ាឡេស៊ី។

មហាសន្និបាតអន្តរសភាអាស៊ាន ជាព្រឹត្តការណ៍ដ៏សំខាន់ដែលប្រមុខដឹកនាំអង្គនីតិប្បញ្ញត្តិនៃប្រទេសជាសមាជិកអាស៊ាន មកជួបប្រជុំគ្នាជារៀងរាល់ឆ្នាំ។ មហាសន្និបាតអន្តរសភាអាស៊ាន លើកទី៤៦នេះ នឹងប្រារព្ធឡើងពីថ្ងៃ១៦ ដល់ថ្ងៃទី២២ ខែកញ្ញា ខាងមុខនេះ នៅប្រទេសម៉ាឡេស៊ី៕