គណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារបណ្តុះបណ្តាល វិជ្ជាជីវៈ និង កិច្ចការនារី នៃរដ្ឋសភា ដឹកនាំដោយ លោកជំទាវ ហូ ណូន ប្រធាន គណៈកម្មការ បានទទួលជួបពិភាក្សា ការងារ ជាមួយលោកស្រី វេជ្ជបណ្ឌិត សាលី ថូម៉ាស ( Sally Thomas ) នាយកផ្នែក សេវាអន្តរជាតិ នៃអង្គភាព សេវាផ្តល់ឈាម កាកបាទក្រហមអូស្ត្រាលី និង សហការី នៅវិមានរដ្ឋសភា នារសៀល ថ្ងៃទី០៦ ខែ វិច្ឆិកា ឆ្នំា២០១៣ ។
ក្នុងឱកាសនោះ លោកស្រីវេជ្ជបណ្ឌិត សាលី ថូម៉ាស់ បានមានប្រសាសន៍លើកឡើងពីបេសកកម្ម នៃកម្មវិធីក្នុងការផ្តល់ឈាមរបស់ អង្គការសុខភាពពិភពលោក ថាជាផ្នែកមួយ ដើម្បីជំរុញ ការផ្តល់ឈាម ដោយស្មគ្រ័ចិត្តនៅលើពិភពលោក ឲ្យមានចំនួនច្រើន ដើម្បីជួយ សង្រោ្គះ ជនរងគ្រោះ ដែលត្រូវការឈាមជាចំាបាច់នោះ។ ជាមួយគ្នានេះ លោកស្រី សាលី ថូម៉ាស់ ក៏បានវាយតម្លៃខ្ពស់ ចំពោះសកម្មភាព មនុស្សធម៌ ការបរិច្ចាកឈាម នៅក្នុងព្រះរាជាណាចក្រកម្ពុជា ថា កំពុងមានសកម្មភាពខ្លំាងក្លា គួរឲ្យកោតសរសើរ។
លោកស្រីវេជ្ជបណ្ឌិត សាលី ថូម៉ាស់ បានបន្តថា រាជរដ្ឋាភិបាលកម្ពុជា បានធ្វើការជាមួយម្ចាស់ជំនួយអន្តរជាតិ ជាច្រើនទាក់ទង ទៅនឹង កម្មវិធីឈាម ក្នុងនោះមានអង្គការសុខភាពពិភពលោក រដ្ឋាភិបាលសហរដ្ឋអាមេរិក មូលនិធិសកលរបស់អង្គការកាកបាទក្រហម អូស្រ្តាលី ដើម្បីជំរុញ និងលើកទឹកចិត្តប្រជាពលរដ្ឋកម្ពុជា ឲ្យយល់ដឹងពីសារៈសំខាន់ ក្នុងការបរិច្ចាកឈាម ដែលជាសកម្មភាពមនុស្សធម៌ ក្នុងសង្គម មិនអាចខ្វះបាន ទោះបីជានៅប្រទេសណាក៏ដោយ។ លោកស្រីវេជ្ជបណ្ឌិត បានឲ្យដឹងថា នៅក្នុងប្រទេសអូស្រ្តាលី សេវាផ្តល់ឈាម ទទួល បានពីការបរិច្ចាកឈាម ដោយស្ម័គ្រចិត្តជិត១លាន ប្លោកក្នុងមួយឆ្នាំៗ ដើម្បីធានាដល់ការផ្គត់ផ្គង់សេវាឈាមដល់អ្នកជំងឺ ឲ្យបាន១០០%។
ជាការឆ្លើយតប លោកជំទាវ ហូ ណូន បានមានប្រសាសន៍ថា គោលនយោបាយ និងយុទ្ធសាស្រ្តជាអាទិភាពរបស់ កម្មវិធីជាតិផ្តល់ឈាម របស់រាជរដ្ឋាភិបាលកម្ពុជា ដែលបានអនុម័ត ដោយក្រសួងសុខាភិបាលកាលពីឆ្នាំ ២០០៣ ហើយដែលមាន មជ្ឈមណ្ឌលជាតិផ្តល់ឈាម ជាស្ថាប័នដើរតួនាទី ស្នូលក្នុងការជំរុញឲ្យប្រជាពលរដ្ឋ ស្ម័គ្រចិត្តផ្តល់ឈាមនោះ ឃើញថាកំពុង ខិតខំប្រឹងប្រែងជាខ្លំាង ដើម្បីធានា នូវការផ្គត់ផ្គង់ឈាម ដល់អ្នកជំងឺ និងការសង្រ្គោះបន្ទាន់នានា ទំាងនៅក្នុងមន្ទីរពេទ្យរដ្ឋ និង ឯកជនទាំងអស់ ទូទំាងប្រទេសកម្ពុជា។
លោកជំទាវប្រធានគណៈកម្មការ បានជម្រាបជូន លោកស្រីប្រធានគណៈប្រតិភូថា ជាលទ្ធផលកាលពីឆ្នាំ ២០០៣ បរិមាណផ្តល់ឈាម មានតែក្នុងចំនួនប្រមាណ ២០.០០០ម៉ឺនប្លោកប៉ុណ្ណោះ ប៉ុន្តែនៅឆ្នាំ២០១២ បរិមាណផ្តល់ឈាម បានកើនឡើងដល់ ៥០.០០០ម៉ឺនប្លោក ហើយចំនួននេះ មិនបានរាប់បញ្ចូលចំនួនប្លោកឈាម ដែលទទួលបានចំនួនប្រមាណជា ១០.០០០ម៉ឺនប្លោកក្នុង១ឆ្នាំៗ ដោយមន្ទីរពេទ្យ គន្ធបុប្ជានោះទេ។
តែទោះជាយ៉ាងណាលោកជំទាវ ហូ ណូន បានកត់សម្គាល់ថាចំនួនអ្នកផ្តល់ឈាមដោយស្ម័គ្រចិត្ត នៅមានកំរិតទាបនៅឡើយ ដែលមិន ទាន់អាចឆ្លើយតប នឹងតម្រូវការបាននៅឡើយទេ ហេតុដូច្នេះហើយ នៅកម្ពុជាតម្រូវការឈាមមួយចំនួន ត្រូវពឹងផ្អែកលើការផ្តល់ឈាម ពីក្រុមគ្រួសារ អ្នកជំងឺដើម្បីបំពេញតម្រូវការ ។
លោកជំទាវ ហូ ណូន បានទាញការកត់សម្គាល់ថា ការបរិច្ចាកឈាមនៅកម្ពុជា មានសកម្មភាពផុសផុលឡើងក្រោយពី សម្តេចអគ្គមហា- សេនាបតីតេជោ ហ៊ុន សែន នាយករដ្ឋមន្រ្តីកម្ពុជា បានមានប្រសាសន៍ ណែនាំកាលពី ថ្ងៃទី ១៥ ខែមិថុនា ឆ្នាំ២០១១ ក្នុងទិវាពិភព នៃអ្នកបរិច្ចាកឈាម ដោយសម្តេច បានអំពាវនាវដល់ប្រជាពលរដ្ឋ មន្រ្តីរាជការទំាងអស់ សូមស្ម័គ្រចិត្តបរិច្ចាកឈាម ដើម្បីជួយសង្រ្គោះ ជីវិតមនុស្ស ជាតិទំាងមូល៕