ខេត្តស្វាយរៀង៖ ឯកឧត្តមបណ្ឌិត សម តារា អនុប្រធានគណៈកម្មការសិទ្ធិមនុស្ស ទទួលពាក្យបណ្តឹងនិងអង្កេត និងអធិការកិច្ច នៃរដ្ឋសភា និងជាតំណាងរាស្ត្រមណ្ឌលខេត្តស្វាយរៀង នាថ្ងៃទី១៧ ខែសីហា ឆ្នាំ២០២៦ នេះ បានដឹកនាំក្រុមការងារចុះជួបសំណេះសំណាល សួរសុខទុក្ខ និងស្វែងយល់ពីជីវភាពជាក់ស្តែងរបស់អាជីវករលក់សាច់គោ និងសាច់ជ្រូក នៅភូមិបាក់រនាស់ សង្កាត់សង្ឃ័រ ក្រុងស្វាយរៀង។
សកម្មភាពចុះជួបផ្ទាល់ដល់មូលដ្ឋាននេះ ឆ្លុះបញ្ចាំងពីការយកចិត្តទុកដាក់ខ្ពស់របស់តំណាងរាស្ត្រចំពោះសុខទុក្ខប្រជាពលរដ្ឋ ដើម្បីក្តាប់ឱ្យបានច្បាស់ពីស្ថានភាពជីវភាពជាក់ស្តែង សំដៅចូលរួមដោះស្រាយកង្វល់ និងពង្រឹងភាពស្និទ្ធស្នាលរវាងតំណាងរាស្ត្រ និងម្ចាស់ឆ្នោតឱ្យកាន់តែរឹងមាំ ថែមទៀត៕
