វិមានរដ្ឋសភា៖ ដើម្បីត្រៀមលក្ខណៈសម្បត្តិផ្នែកច្បាប់ឱ្យបានគ្រប់ជ្រុងជ្រោយ ឆ្លើយតបទៅនឹងការកំណត់កាលបរិច្ឆេទនៃការបោះឆ្នោតជ្រើស រើសក្រុមប្រឹក្សាឃុំ-សង្កាត់ អាណត្តិទី៧ នាពេលខាងមុខ ឯកឧត្តម ឡេង ប៉េងឡុង អគ្គលេខាធិការរដ្ឋសភា និងជាប្រធានក្រុមប្រឹក្សាអ្នកច្បាប់នៃរដ្ឋសភា នាព្រឹកថ្ងៃទី២០ ខែកក្កដា ឆ្នាំ២០២៦ នេះ បានអញ្ជើញដឹកនាំកិច្ចប្រជុំពិនិត្យ សិក្សា និងផ្តល់យោបល់លើ «សេចក្តីព្រាងបទបញ្ជា និងនីតិវិធីសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់»។
កិច្ចប្រជុំពិភាក្សា និងផ្តល់យោបល់ផ្នែកច្បាប់នាពេលនេះ គឺជាជំហានការងារយុទ្ធសាស្ត្រយ៉ាងសំខាន់ ក្នុងការចូលរួមចំណែកធានាឱ្យដំណើរការរៀបចំការបោះឆ្នោតជ្រើសរើសក្រុមប្រឹក្សាឃុំ-សង្កាត់ ដែលជាការបោះឆ្នោតថ្នាក់ក្រោមជាតិ ប្រព្រឹត្តទៅដោយរលូន ត្រឹមត្រូវ តម្លាភាព គ្មានចន្លោះប្រហោង និងស្របតាមបទដ្ឋានច្បាប់ជាធរមាននៃព្រះរាជាណាចក្រកម្ពុជា។
គួររំលឹកផងដែរថា រាជរដ្ឋាភិបាលកម្ពុជា បានកំណត់យក ថ្ងៃអាទិត្យ ទី៦ ខែមិថុនា ឆ្នាំ២០២៧ ខាងមុខ ជាកាលបរិច្ឆេទផ្លូវការ សម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ អាណត្តិទី៧ ៕