នៅថ្ងៃទី៤ ខែមីនា ឆ្នាំ២០២៤ គណៈប្រតិភូគណៈកម្មការមហាផ្ទៃ ការពារជាតិ មុខងារសាធារណៈ និងកិច្ចការព្រំដែន និងគណៈកម្មការកិច្ចការបរទេស សហប្រតិបត្តិការអន្តរជាតិ និងព័ត៌មាន នៃរដ្ឋសភា ដឹកនាំដោយ ឯកឧត្តម កែប ជុតិមា និងឯកឧត្តម សួស យ៉ារ៉ា ក្នុងដំណើរបេសកកម្មចុះតាមខេត្តតាមបណ្ដោយព្រំដែន បានចុះទស្សនកិច្ចសារៈមន្ទីរធម្មជាតិសកលតេជោ ហ៊ុន សែន ខេត្តព្រះវិហារ។

សារៈមន្ទីរត្រូវបានកសាងឡើងនៅឆ្នាំ២០០៩ និងបញ្ចប់ការសាងសង់នៅឆ្នាំ២០១៣ ក្រោមគំនិតផ្តួចផ្តើមរបស់សម្តេចតេជោ ហ៊ុន សែន ដើម្បីបង្ហាញអំពីការតស៊ូរបស់កម្ពុជាក្នុងបុព្វហេតុការពារសម្បត្តិបេកភណ្ឌវប្បធម៌មនុស្សជាតិ ក្នុងពេលដែលតំបន់នេះកំពុងត្រូវបានយ៉ាយឺដោយជម្លោះប្រដាប់អាវុធ។ ដូច្នេះ ការកសាងសារៈមន្ទីរនេះគឺដើម្បីសុខុដុមនីយកម្មនៃប្រាសាទ ធម្មជាតិ និងមនុស្ស សម្រាប់ជាប្រយោជន៍ដល់ការសិក្សាស្រាវជ្រាវអំពីប្រវត្តិសាស្ត្រ សីល្បះ វប្បធម៌រស់នៅនៃជនជាតិដើមភាគតិច ប្រភេទសត្វនិងរុក្ខជាតិនៅក្នុងតំបន់ ហើយក៏ជាសក្ខីភាពនៃការតភ្ជាប់នៃរបៀងវប្បធម៌នៃបណ្ដាលប្រទេសដងទន្លេមេគង្គ។

ក្នុងឱកាសនេះផងដែរ គណៈប្រតិភូក៏បានសំណេះសំណាលជាមួយនឹងមន្ត្រីអភិរក្ស និងពាំនាំពាក្យផ្តាំផ្ញើសួរសុខទុក្ខរបស់ សម្តេចអគ្គមហាសេនាបតីតេជោ ហ៊ុន សែន ស្ថាបនិកនៃសារមន្ទី និងស្ថាបនិកនៃសន្តិភាព ៕