សេចក្តីថ្លែងការណ៍របស់រដ្ឋសភាកម្ពុជា និងសុន្ទរកថាទាំងស្រុងរបស់ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា ក្នុងសន្និសីទប្រធានសភាពិភពលោកលើកទី៦ នៅប្រទេសស្វីស__ សេចក្តីប្រកាសព័ត៌មាន ស្តីពីលទ្ធផលនៃកិច្ចប្រជុំគណៈកម្មាធិការអចិន្ត្រៃយ៍រដ្ឋសភា នាព្រឹកថ្ងៃអង្គារ ទី២៩ ខែកក្កដា ឆ្នាំ២០២៥__ សេចក្តីប្រកាសព័ត៌មាន «កម្មវិធីអ្នកតំណាងរាស្ត្រដើម្បីសុខភាពប្រជាជន» ពិនិត្យ និងព្យាបាលជំងឺដោយឥតគិតថ្លៃជូនប្រជាពលរដ្ឋខេត្តកំពង់ធំ ថ្ងៃទី២៥-២៧ ខែកក្កដា ឆ្នាំ២០២៥__ សេចក្តីអំពាវនាវ ស្តីពីការជួយឧបត្ថម្ភគាំទ្រដល់កងទ័ពជួរមុខ និងជនភៀសសឹក នៅតំបន់ជម្លោះព្រំដែនកម្ពុជា-ថៃ__ សេចក្តីជូនដំណឹង សម្តេចមហារដ្ឋសភាធិការធិបតី ឃួន សុដារី អញ្ជើញដឹកនាំគណៈប្រតិភូជាន់ខ្ពស់សភាកម្ពុជា ចូលរួមកិច្ចប្រជុំកំពូលប្រធានសភាស្រ្តីលើកទី១៥ និងសន្និសីទប្រធានសភាពិភពលោកលើកទី៦ នៅទីក្រុងហ្សឺណែវ ប្រទេសស្វីស__ សេចក្ដីថ្លែងការណ៍របស់រដ្ឋសភានៃព្រះរាជាណាចក្រកម្ពុជា ថ្កោលទោសចំពោះទង្វើឈ្លានពានរបស់កងកម្លាំងប្រដាប់អាវុធថៃ មកលើអធិបតេយ្យ និងបូរណភាពទឹកដីកម្ពុជា__ សេចក្តីប្រកាសព័ត៌មាន ស្តីពី លទ្ធផលនៃកិច្ចប្រជុំក្រុមអ្នកនយោបាយអាយប៉ាលើកទី១៦ (The 16th AIPA Caucus Meeting)__ សេចក្តីជូនដំណឹង ស្តីពី សភានៃព្រះរាជាណាចក្រកម្ពុជា នឹងធ្វើជាម្ចាស់ផ្ទះរៀបចំកិច្ចប្រជុំក្រុមអ្នកនយោបាយអាយប៉ា លើកទី១៦ ចាប់ពីថ្ងៃទី១៤ ដល់ថ្ងៃទី១៧ ខែកក្កដា ឆ្នាំ២០២៥ នៅរាជធានីភ្នំពេញ ៕

Home » គណៈកម្មការទី៣ » សកម្មភាព » គណៈកម្មការរដ្ឋសភាទទួលបន្ទុកវិស័យវិនិយោគជួបពិភាក្សាការងារជាមួយ គណៈប្រតិភូសភាសហព័ន្ធអាល្លឺម៉ង់ទាក់ទងនឹង «ច្បាប់វិនិយោគនៅកម្ពុជា»
គណៈកម្មការរដ្ឋសភាទទួលបន្ទុកវិស័យវិនិយោគជួបពិភាក្សាការងារជាមួយ គណៈប្រតិភូសភាសហព័ន្ធអាល្លឺម៉ង់ទាក់ទងនឹង «ច្បាប់វិនិយោគនៅកម្ពុជា»
Prepaired By: NARA1472 ​ Date: (1/18/2024 12:49:43 AM )
ឯកឧត្តមបណ្ឌិត ម៉ា ឈឿន អនុប្រធានគណៈកម្មការផែនការ វិនិយោគ កសិកម្ម រុក្ខាប្រមាញ់ នេសាទ អភិវឌ្ឍន៍ជនបទ បរិស្ថាន ធនធានទឹក និងឧតុនិយម នៃរដ្ឋសភា និងសហការី បានទទួលជួបពិភាក្សាការងារជាមួយគណៈប្រតិភូសភាសហព័ន្ធអាល្លឺម៉ង់ ដឹកនាំដោយ ឯកឧត្តម Tino CHRUPALLA ប្រធានក្រុមសភាគណបក្ស AfD នៃសហព័ន្ធអាល្លឺម៉ង់ នៅរសៀលថ្ងៃទី៨ ខែមករា ឆ្នាំ២០២៤ នៅវិមានរដ្ឋសភា ដោយផ្ដោតការពិភាក្សាទាក់ទងនឹង «ច្បាប់វិនិយោគនៅកម្ពុជា»។

ឯកឧត្តមបណ្ឌិត ម៉ា ឈឿន បានជម្រាបជូនគណៈប្រតិភូថា ច្បាប់វិនិយោគកម្ពុជា គឺត្រូវបានប្រកាសឱ្យប្រើនៅថ្ងៃទី១៥ ខែតុលា ឆ្នាំ២០២១ ក្នុងគោលបំណងបង្កើតក្របខណ្ឌគតិយុត្តិដែលបើកចំហមានតម្លាភាព អាចប៉ាន់ប្រមាណជាមុនបាន ប្រកបដោយអំណោយផលសម្រាប់ការវិនិយោគដើម្បីទាក់ទាញ និងលើកកម្ពស់គុណភាព ប្រសិទ្ធភាព និងប្រសិទ្ធផល នៃការវិនិយោគដោយបុគ្គលដែលមានសញ្ជាតិខ្មែរ ឬបរទេស នៅក្នុងប្រទេសកម្ពុជា តាមរយៈការបង្កើនភាពប្រកួតប្រជែង ការធ្វើទំនើបកម្ម ការលើកទឹកចិត្តវិនិយោគ ផ្តល់ការការពារសិទ្ធិនិងផលប្រយោជន៍ស្របច្បាប់របស់វិនិយោគិននៅក្នុងព្រះរាជាណាចក្រកម្ពុជា។

ឯកឧត្ដមបានបន្ថែមថា ច្បាប់នេះបានផ្តល់ការលើកទឹកចិត្តដល់ការវិនិយោគលើគ្រប់វិស័យ មានដូចជា យន្តការនៃការលើកទឹកចិត្តផ្នែកពន្ធជាមូលដ្ឋាន ការលើកទឹកចិត្តបន្ថែម និងការលើកទឹកចិត្តពិសេស។

ឯកឧត្តម Tino CHRUPALLA ប្រធានក្រុមសភាគណបក្ស AfD សហព័ន្ធអាល្លឺម៉ង់ មានចំណាប់អារម្មណ៍ទៅលើតួលេខសេដ្ឋកិច្ចនៅក្នុងប្រទេសកម្ពុជា ក្នុងដំណាក់កាលកូវីដ១៩ ដែលបង្ហាញថាសេដ្ឋកិច្ចក្នុងប្រទេសកម្ពុជាមានដំណើរការល្អដោយមានកិច្ចសហប្រតិបត្តិការសេដ្ឋកិច្ចល្អផងដែរជាមួយដៃគូអភិវឌ្ឍន៍។ ឯកឧត្តមប្រធានគណៈប្រតិភូសភាអាល្លឺម៉ង់ បានកត់សម្គាល់ថា បច្ចុប្បន្នប្រជាជនកម្ពុជា៨០%មានការងារធ្វើ ដែលបញ្ជាក់ឱ្យឃើញថា កម្ពុជាមានការទាក់ទាញអ្នកវិនិយោគមកបណ្តាក់ទុនបានច្រើន ទាំងនេះគឺដោយសារប្រទេសកម្ពុជាមានច្បាប់វិនិយោគល្អ ដែលជាទំនុកចិត្តសម្រាប់អ្នកវិយោគ។ ឯកឧត្តម Tino CHRUPALLA បានសន្យាថា និងជួយជំរុញកៀរគរអ្នកវិនិយោគទុនជន​ជាតិអាល្លឺម៉ង់ ឱ្យមកសិក្សាស្វែងយល់ដោយផ្ទាល់នៅព្រះរាជាណាចក្រកម្ពុជា ដើម្បីធ្វើការសិក្សាបណ្តាក់ទុនឱ្យបានកាន់តែច្រើនឡើងនៅកម្ពុជា ជាពិសេសគឺការវិនិយោគលើការកែឆ្នៃគ្រាប់ស្វាយចន្ទីដើម្បីធ្វើការនាំចេញទៅតំបន់អឺរ៉ុប។

ឯកឧត្តមបណ្ឌិត ម៉ា ឈឿន បានថ្លែងអំណរគុណ ឯកឧត្តម Tino CHRUPALLA ប្រធានក្រុមសភាគណបក្ស AfD សហព័ន្ធអាល្លឺម៉ង់ ដែលបានគាំទ្រដល់ការងារវិនិយោគនៅកម្ពុជា ជាពិសេសការសម្របសម្រួល ដើម្បីជំរុញលើកទឹកចិត្តវិនិយោគិនអាល្លឺម៉ង់មកកម្ពុជា។ ឯកឧត្តមបណ្ឌិត ក៏បានថ្លែងអំណរគុណដល់ទីភ្នាក់ងារជំនួយសហព័ន្ធអាល្លឺម៉ង់ ដែលបានគាំទ្រដល់គម្រោងការកសាងសមត្ថភាព និងកិច្ចអភិវឌ្ឍនានានៅកម្ពុជាផងដែរ ៕
 
អត្ថបទ និងរូបភាព ដោយនាយកដ្ឋានព័ត៌មាន