ស្វាយរៀង៖ លោកជំទាវ ឯក សុវណ្ណភារៈ តំណាងរាស្ត្រមណ្ឌលស្វាយរៀង និងជាសមាជិកាគណៈកម្មការទី៣ នៃរដ្ឋសភា និងលោកជំទាវ ឈុន សារឹម ទីប្រឹក្សាជាន់ខ្ពស់រដ្ឋសភា អមដំណើរដោយថ្នាក់ដឹកនាំរដ្ឋបាលខេត្តស្វាយរៀង នៅថ្ងៃទី២៣ ខែសីហា ឆ្នាំ២០២៦ បានអញ្ជើញចុះសួរសុខទុក្ខគ្រួសារវីរជនកងទ័ពជួរមុខ គ្រួសារជួបការលំបាកចំនួន ១៣គ្រួសារ សមាជិកាក្រុមប្រឹក្សាសង្កាត់ដែលមានជំងឺ ព្រមទាំងក្រុមប្រឹក្សាសង្កាត់ មេភូមិ និងប្រជាការពារ ចំនួន ១៥នាក់ នៅសង្កាត់ច្រកម្ទេស ក្រុងបាវិត ខេត្តស្វាយរៀង។
ក្នុងឱកាសនោះ លោកជំទាវ ឯក សុវណ្ណភារៈ បាននាំនូវប្រសាសន៍ ផ្ដាំផ្ញើសួរ សុខទុក្ខ ពីថ្នាក់ដឹកនាំកំពូលជាតិ ជូនចំពោះបងប្អូនប្រជាពលរដ្ឋ និងបានក្រើន រំឮកឱ្យប្រជា ពលរដ្ឋយកចិត្តទុកដាក់ថែរក្សាសុខភាព ព្រមទាំងត្រៀមខ្លួនពិនិត្យបញ្ជីឈ្មោះ និងចុះឈ្មោះបោះឆ្នោត ក្នុងអំឡុងខែតុលា-វិច្ឆិកា ឆ្នាំ២០២៦ ដើម្បីត្រៀមចូល រួមបោះឆ្នោត ជ្រើសរើសក្រុមប្រឹក្សាឃុំ-សង្កាត់ អាណត្តិទី៦ ឆ្នាំ២០២៧។
ជាមួយគ្នានេះ លោកជំទាវ ឯក សុវណ្ណភារៈ និងលោកជំទាវ ឈុន សារឹម បាននាំយក អំណោយ និងថវិកាឧបត្ថម្ភជូនគ្រួសារជួបការលំបាកចំនួន ១៣គ្រួសារ ក្នុងមួយ គ្រួសារ ទទួលបានអង្ករ មី ត្រីខ ទឹកបរិសុទ្ធ សម្លៀកបំពាក់ និងថវិកា ៤០,០០០រៀល។ ដោយ ឡែក គ្រួសារកងទ័ពទទួលបានថវិកា ១០០,០០០រៀលក្នុងមួយគ្រួសារ ព្រមទាំងមាន ការឧបត្ថម្ភដល់ក្រុមប្រឹក្សាសង្កាត់ មេភូមិ និងប្រជាការពារផងដែរ៕
