ឯកឧត្តម ព្រហ្ម វិរៈ អគ្គនាយកទំនាក់ទំនងអន្តរជាតិពិធីការ និងព័ត៌មាន នៃរដ្ឋសភា នាព្រឹកថ្ងៃទី២៥ ខែវិច្ឆិកា ឆ្នាំ២០២៥ នៅវិមានរដ្ឋសភា បានអញ្ជើញដឹកនាំកិច្ចប្រជុំពិភាក្សាលើលក្ខខណ្ឌជ្រើសរើស និងភារកិច្ចមន្រ្តី កាន់កម្មវិធី (ពិធីករ/ពិធីការិនី-MC)នៃអគ្គលេខាធិការដ្ឋានរដ្ឋសភា ។

ក្នុងឱកាសនេះដែរឯកឧត្តម ព្រហ្ម វិរៈ បានមានប្រសាសន៍ថាការជ្រើសរើសមន្ត្រីកាន់កម្មវិធី(ពិធីករ/ពិធីការិនី - MC) ក្នុងគោលបំណងលើកកម្ពស់សមត្ថភាពសម្រាប់អគ្គលេខាធិការដ្ឋានរដ្ឋសភា និងចូលរួម ធានាសម្រេច បាននូវការរៀបចំកម្មវិធីដែលមានកម្រិតស្តង់ដារខ្ពស់ បានតាមពេលវេលា និងផែនការគ្រោងទុក។ 

ឯកឧត្តម បានលើកឡើងថា៖មន្ត្រីកាន់កម្មវិធី ដែលមានតួនាទី និងជំនាញច្បាស់លាស់ នឹងចូលរួមធ្វើឱ្យ ដំណើរការនៃកម្មវិធី ប្រព្រឹត្តទៅបានរលូន និងទាន់ពេលវេលាកំណត់ដែលមាននៅតាមបណ្តាវគ្គនីមួយៗ ដូចមាននៅក្នុងរបៀបវារៈនៃកម្មវិធីទាំងមូលដែលជាកត្តាចូលរួមធានាបាននូវជោគជ័យនៃការរៀបចំ កម្មវិធី ប្រកបដោយកម្រិតស្តង់ដារខ្ពស់។

កិច្ចប្រជុំនេះមានការចូលរួមពី ឯកឧត្តម លោក លោកស្រីជា អគ្គនាយករង ប្រធាននាយកដ្ឋាន អនុ ប្រធាន នាយកដ្ឋាន និងមន្រ្តីពាក់ព័ន្ធមួយចំនួនផងដែរ៕