នាថ្ងៃពុធ ១០រោច ខែមិគសិរ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី២៥ ខែធ្នូ ឆ្នាំ២០២៤ ឯកឧត្តមបណ្ឌិត ហ៊ឺ វីរៈ អ្នកតំណាងរាស្ត្រមណ្ឌលខេត្តកំពង់ឆ្នាំង អមដំណើរដោយក្រុមការងារឃុំលង្វែក ក្រុមការងារភូមិបឹងកក់ និងភូមិអន្លង់ត្នោត បានអញ្ជើញចុះជួបសំណេះសំណាលជាមួយ បងប្អូនប្រជាពលរដ្ឋដែលប្រកបមុខរបរធ្វើនំក្រឡានចំនួន ៦គ្រួសារ នៅភូមិអន្លង់ត្នោត និងភូមិបឹងកក់ ឃុំលង្វែក ស្រុកកំពង់ត្រឡាច ខេត្តកំពង់ឆ្នាំង។
ក្នុងឱកាសនោះ ឯកឧត្តមបណ្ឌិត បានភ្លក់នំក្រឡាន ដែលធ្វើដោយប្រជាពលរដ្ឋនៅក្នុងភូមិ បន្ទាប់មក ឯកឧត្តមបណ្ឌិតបានមានប្រសាសន៍ផ្ដាំផ្ញើដល់ក្រុមការងារភូមិ-ឃុំ និងប្រជាពលរដ្ឋដែលប្រកបមុខរបរនេះ ត្រូវប្រមូលផ្ដុំគ្នាបង្កើតជាសហគមន៍មួយដោយបង្កេីតនូវនិមិត្តសញ្ញា (លោហ្គោ) ឱ្យបានត្រឹមត្រូវ ធ្វើទៅតាមលំនាំបែបបុរាណ មានអនាម័យ ជ្រើសរើសវត្ថុធាតុដើមដែលមានគុណភាពល្អ និងមិនប្រើប្រាស់សារធាតុគីមី ដែលធ្វើឱ្យប៉ះពាល់ដល់សុខភាពអ្នកទទួលទាន ជាពិសេសរកឈ្មួញកណ្ដាលដើម្បីជួយទិញផលិតផលក្រឡានដោយមិចចាំបាច់យកទៅលក់ផ្ទាល់ដល់រាជធានីភ្នំពេញដូចកាលពីមុន និងដើម្បីធានាបាននូវតម្លៃសមរម្យ។
ឯកឧត្តមបណ្ឌិត ក៏បានឧបត្ថម្ភថវិកាមួយចំនួនដល់គ្រួសារធ្វើនំក្រឡានទាំង ៦គ្រួសារ ចាស់ជរា និងក្មេងៗជាច្រេីនទៀតផងដែរ៕
