មន្ត្រីនៃអគ្គលេខាធិការដ្ឋានរដ្ឋសភា បានអញ្ជើញចូលរួមស្តាប់ការធ្វើបទបង្ហាញស្តីពី « ការចែករំលែកបទពិសោធន៍ពីការចូលរួមសិក្ខាសាលាអន្តរជាតិនៅប្រទេសកូរ៉េ » ក្រោមអធិបតីភាព ឯកឧត្តមបណ្ឌិត កែវ ពិសិដ្ឋ អគ្គលេខាធិការរងរដ្ឋសភា និងជានាយកខុទ្ទកាល័យសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា។
បទបង្ហាញដ៏មានសារៈសំខាន់នេះ បានរៀបចំធ្វើឡើងនៅវិមានរដ្ឋសភា នារសៀលថ្ងៃទី២៦ ខែធ្នូ ឆ្នាំ២០២៤។

សូមជម្រាបជូនថា បទបង្ហាញស្តីពី « ការចែករំលែកបទពិសោធន៍ពីការចូលរួមសិក្ខាសាលាអន្តរជាតិនៅប្រទេសកូរ៉េ » ធ្វើឡើងដោយមន្ត្រីអគ្គលេខាធិការដ្ឋានរដ្ឋសភាចំនួនពីររូប រួមមាន៖ លោក វង្ស វិសាល មន្ត្រីនាយកដ្ឋាននីតិវិធី និងកញ្ញា ហាស់ ឃុននារី អនុប្រធានការិយាល័យស្រាវជ្រាវកិច្ចទំនាក់ទំនងអន្តរជាតិនៃនាយកដ្ឋានស្រាវជ្រាវកិច្ចការអន្តរជាតិ ដែលបានអញ្ជើញចូលរួមក្នុងសិក្ខាសាលាអន្តរជាតិនៅប្រទេសកូរ៉េ ចាប់ពីថ្ងៃទី១៣ ខែតុលា ឆ្នាំ២០២៤ ដល់ថ្ងៃទី១៧ ខែតុលា ឆ្នាំ២០២៤ ដោយមានសមាជិក២២ ប្រទេសបានចូលរួម៕