នៅព្រឹកថ្ងៃទី០៣ ខែមេសា ឆ្នាំ២០២៤ ម៉ោងនៅទីក្រុង ប៊ុយការែស្ត ប្រទេសរូម៉ានី ឯកឧត្ដម កែប ជុតិម៉ា កំពុងដឹកនាំគណៈប្រតិភូសភាកម្ពុជាចូលរួមកិច្ចប្រជុំរបស់គណៈកម្មការអប់រំ វប្បធម៌ និងផ្សព្វផ្សាយនៃសភានិយាយភាសាបារាំង (APF) ដោយមានការចូលរួមពីសមាជិក APF ចំនួនប្រមាណជា៤០នាក់ ទាំងសមាជិកព្រឹទ្ធសភានិងរដ្ឋសភា មកពីក្រុមសភាជាតិចំនួន១៥ និងអង្គការអន្តរជាតិក្នុងទ្វីបចំនួន៤ ក្នុងនោះ កម្ពុជាជាប្រទេសតែមួយគត់ដែលមកពីទ្វីបអាស៊ី។ ក្រោយពីមតិស្វាគមន៍ឯកឧត្ដម Sorin-Mihai CIMPEANU ប្រធានក្រុមសភាជាតិរ៉ូមានី APF និងជាអនុប្រធានព្រឹទ្ធសភារ៉ូម៉ានី កិច្ចប្រជុំបានអនុម័តរបាយការណ៍និងសេចក្ដីសម្រេចនៃកិច្ចប្រជុំលើកចុងក្រោយនៅទីក្រុង បីលីស៊ី ប្រទេសហ្សេអ័រហ្ស៊ី កាលពីខែកក្កដា ឆ្នាំ២០២៣កន្លងទៅ។ កិច្ចប្រជុំនឹងបន្តរហូតដល់ថ្ងៃទី៥ ខែមេសា ឆ្នាំ២០២៤។