នាព្រឹកថ្ងៃទី១៨ ខែមីនា ឆ្នាំ២០២៤ ឯកឧត្តម វ៉ាន់ ដារ៉ា សមាជិកគណៈកម្មការផែនការ វិនិយោគ កសិកម្ម រុក្ខាប្រមាញ់ នេសាទ អភិវឌ្ឍន៍ជនបទ បរិស្ថាន ធនធានទឹក និងឧតុនិយម នៃរដ្ឋសភា តំណាង ឯកឧត្តមសន្តិបណ្ឌិត ឡូយ សុផាត ប្រធានគណៈកម្មការទី៣ នៃរដ្ឋសភា បានអញ្ជើញជាអធិបតីក្នុងពិធីសិក្ខាសាលាពិគ្រោះយោបល់ការសិក្សាលើកទី៤ ស្តីពីការស្វែងយល់ទស្សនៈសាធារណជនចំពោះការប្រែប្រួលអាកាសធាតុនៅកម្ពុជា៖ ចំណេះដឹង ឥរិយាបថ និងការអនុវត្ត (KAP4) នៅសណ្ឋាគារកាំបូឌីយ៉ាណា រាជធានីភ្នំពេញ។
សូមជម្រាបថា សិក្ខាសាលានេះមានគោលបំណង បង្ហាញលទ្ធផលនៃការសិក្សា KAP4 និងប្រមូលធាតុចូលពីក្រសួងស្ថាប័ន វិស័យឯកជន និងអ្នកពាក់ព័ន្ធ ដើម្បីឱ្យការរៀបចំរបាយការណ៍ KAP4 មានលក្ខណៈពេញលេញ និងគ្រប់ជ្រុងជ្រោយ។