អគ្គលេខាធិការដ្ឋានរដ្ឋសភា ជំរុញការងារកែទម្រង់រដ្ឋបាលសាធារណៈ ដើម្បីបង្កើនប្រសិទ្ធភាពបម្រើការងារជូនតំណាងរាស្ត្រ ដើម្បីផលប្រយោជន៍ប្រជាជន__ រដ្ឋសភានឹងបន្តសម័យប្រជុំពេញអង្គ នៅថ្ងៃទី២១កញ្ញា ដើម្បីសម្រេចសុពលភាពតំណាងរាស្ត្រថ្មី ឯកឧត្តម សុខ ផេង ជំនួស ឯកឧត្តម ច័ន្ទ សារុន ដែលបានទទួលមរណភា និងពិភាក្សាអនុម័តសេចក្តីព្រាងច្បាប់ ចំនួន ៤__ ឯកឧត្តម ព្រហ្ម វិរៈ ដឹកនាំកិច្ចប្រជុំត្រៀមចូលរួមមហាសន្និបាត AIPA លើកទី៤៧ នៅហ្វីលីពីន និងការសហការធ្វើជាម្ចាស់ផ្ទះកិច្ចប្រជុំ APF__ រដ្ឋសភាចែករំលែកចំណេះដឹងពាក់ព័ន្ធនឹងស្ថាប័ននីតិប្បញ្ញត្តិ និងយន្តការសមាជរដ្ឋសភា-ព្រឹទ្ធសភា ដល់និស្សិតខ្មែរនៅបរទេស__ ឯកឧត្តម ឃួន ដាវិត ដឹកនាំកិច្ចប្រជុំពិនិត្យការងារត្រៀមដាក់ឲ្យដំណើរការសាកល្បងប្រព័ន្ធ សភាអេឡិចត្រូនិច E-Parliament__ លោកជំទាវ កុល ធារិន អញ្ជើញចូលរួមពិធីបុណ្យសលាកភត្ត នៅវត្តសុទស្សនារាម ជ្រោយថ្ម ខេត្តកំពង់ចាម__ ឯកឧត្តមបណ្ឌិត ហ៊ឺ វីរៈ អញ្ជើញសំណេះសំណាលជាមួយសិល្បករ សិល្បការិនីរបាំ និងចុះពិនិត្យការសិក្សារបស់សមណសិស្ស នៅខេត្តកំពង់ឆ្នាំង__ លោកជំទាវ ឡោក ខេង អញ្ជើញចូលរួមនៅក្នុងពិធីសម្ពោធលេខាធិការដ្ឋាន AFPPD ដែលបានដាក់ទីតាំងថ្មីនៅទីក្រុងគូឡាឡាំពួរ__ ឯកឧត្តម វ៉ាន់ ដារ៉ា សំណេះសំណាល និងចែកអំណោយជូនប្រជាពលរដ្ឋមានជីវភាពខ្វះខាត នៅខេត្តកំពត__ តំណាងរាស្ត្រមណ្ឌលខេត្តស្វាយរៀង អញ្ជើញចុះសួរសុខទុក្ខ និងនាំយកអំណោយចែកជូនចាស់ជរា នៅស្រុកកំពង់រោទិ៍__ ឯកឧត្តម គិត ទ្រី អញ្ជើញចុះពិនិត្យស្ថានភាពទឹកទន្លេស្រែពក ដែលកំពុងជន់ឡើងខ្លាំង__ គណៈប្រតិភូរដ្ឋសភាកម្ពុជា ចូលរួមវេទិកាអភិវឌ្ឍន៍ថាមពលកាបូនទាបតៃយាន ឆ្នាំ២០២៦ នៅខេត្តសានស៊ី ប្រទេសចិន)__ លោកជំទាវ ឡោក ខេង អញ្ជើញចូលរួមកិច្ចប្រជុំថ្នាក់តំបន់អាស៊ី-ប៉ាស៊ីហ៊្វិក ដើម្បីសង្កត់ធ្ងន់លើការកសាង «ភាពធន់នៃប្រជាសាស្ត្រ»__ ឯកឧត្តមសន្តិបណ្ឌិត ឡូយ សុផាត ដឹកនាំគណៈប្រតិភូរដ្ឋសភា អញ្ជើញចូលជួបសម្ដែងការគួរសមជាមួយប្រធានគណៈកម្មាធិការប្រឹក្សានយោបាយប្រជាជនខេត្តសានស៊ី ៕
មាតិកា
បណ្ណាល័យច្បាប់
ព័ត៌មានវីដេអូ (Video News)

បណ្តាញសង្គមរដ្ឋសភា
Home » គណៈកម្មការទី៦ » សកម្មភាព » កិច្ចប្រជុំគណៈកម្មការកិច្ចសហប្រតិបត្តិការនិងអភិវឌ្ឍន៍ APF នឹងរៀបចំធ្វើនៅប្រទេសកម្ពុជាក្នុងអំឡុងខែឧសភា ឆ្នាំ២០១៩
កិច្ចប្រជុំគណៈកម្មការកិច្ចសហប្រតិបត្តិការនិងអភិវឌ្ឍន៍ APF នឹងរៀបចំធ្វើនៅប្រទេសកម្ពុជាក្នុងអំឡុងខែឧសភា ឆ្នាំ២០១៩
Prepaired By: NA1472 ​ Date: (3/19/2019 8:57:50 PM )

ឯកឧត្ដមបណ្ឌិត ប៉ែន បញ្ញា ប្រធានគណៈកម្មការនីតិកម្ម និងយុត្តិធម៌ នៃរដ្ឋសភា និងជាប្រធានក្រុមសភាជាតិកម្ពុជាAPF នៅព្រឹកថ្ងៃទី១១ ខែមីនា ឆ្នាំ២០១៩ បានដឹកនាំកិច្ចប្រជុំដើម្បីពិនិត្យការងារត្រៀមរៀបចំទទួលកិច្ចប្រជុំគណៈកម្មការកិច្ចសហប្រតិបត្តិការ និងអភិវឌ្ឍន៍APF ដែលនឹងត្រូវរៀបចំ ធ្វើនៅរាជធានីភ្នំពេញ នាដើមខែឧសភា ឆ្នាំ២០១៩ ខាងមុខ។

កិច្ចប្រជុំនាពេលនេះធ្វើឡើងនៅវិមានរដ្ឋសភា ដោយមានការចូលរួមពី ឯកឧត្ដមសមាជិករដ្ឋសភា និងជាសមាជិកនៃគណៈកម្មការ កិច្ចសហប្រតិ- បត្តិការ និងអភិវឌ្ឍន៍APF និងមន្ត្រីពាក់ព័ន្ធនៃអគ្គលេខាធិការដ្ឋានរដ្ឋសភាមួយចំនួនទៀត។

ឯកឧត្ដម ហេង រដ្ឋា ប្រធាននាយកដ្ឋានស្រាវជ្រាវកិច្ចការអន្តរជាតិនៃអគ្គលេខាធិការដ្ឋានរដ្ឋសភា និងជាប្រធានលេខាធិការដ្ឋានរដ្ឋបាល នៃក្រុមសភាជាតិកម្ពុជាAPF បានជម្រាបជូនដោយសង្ខេប អំពីប្រវត្តិ​ និងដំណើរការការងាររបស់APF  ជូនអង្គប្រជុំបានជ្រាប។ ឯកឧត្ដមក៏បាន ជម្រាបជូនអំពីនីតិវិធីការងារមួយចំនួនដែលក្រុមសភាជាតិកម្ពុជាAPF និងមន្ត្រីលេខាធិការដ្ឋានរដ្ឋបាលនៃក្រុមសភាជាតិកម្ពុជា APF ត្រូវបំពេញ ចាប់តាំងពីពេលនេះ រហូតដល់ពេលដំណើរការកិច្ចប្រជុំគណៈកម្មការកិច្ចសហប្រតិបត្តិការ និងអភិវឌ្ឍន៍ APF នាពេលខាងមុខផងដែរ។

ឯកឧត្ដមបណ្ឌិត ប៉ែន បញ្ញា ប្រធានក្រុមសភាជាតិកម្ពុជាAPF បានមានប្រសាសន៍ថា កិច្ចប្រជុំនាពេលនេះ ជាកិច្ចប្រជុំដើម្បីចែករំលែកព័ត៌មានបឋម អំពីការត្រៀមរៀបចំទទួលកិច្ចប្រជុំគណៈកម្មការកិច្ចសហប្រតិបត្តិការ និងអភិវឌ្ឍន៍APF។  ឯកឧត្ដមបណ្ឌិតសង្ឃឹមថា គ្រប់ផ្នែកពាក់ព័ន្ធទាំងអស់ នឹងរួមសហការគ្នាត្រៀមលក្ខណៈគ្រប់បែបយ៉ាង ដើម្បីធ្វើយ៉ាងណាឲ្យដំណើរការនៃកិច្ចប្រជុំគណៈកម្មការកិច្ចសហប្រតិបត្តិការ និងអភិវឌ្ឍន៍APFដែលរៀបចំធ្វើនៅកម្ពុជានាពេលខាងមុខទទួលបានជោគជ័យ។

សូមបញ្ជាក់ថា កម្ពុជា​បាន​ចូល​ជា​សមាជិកសភា​និយាយ​ភាសា​បារាំង​ APF​ ចាប់​តាំង​ពី​ឆ្នាំ១​៩៦៧​មក។ រហូត​មក​ទល់​នឹង​ពេលនេះ​APF មាន​សមាជិក​ជាង៤០​ប្រទេស​ក្នុង​ពិភព​លោក។ ដើម្បីរួមចំណែកក្នុងវេទិកាសភាអន្តរជាតិមួយនេះ សភាកម្ពុជាបានរៀបចំតែងតាំងក្រុមសភាជាតិកម្ពុជា នៃសភា និយាយភាសាបារាំង APFដោយមាន៖

ក-គណៈកម្មាធិការអចិន្ត្រៃយ៍

ខ-គណៈកម្មការជំនាញចំនួន៤ មាន ១-គណៈកម្មការនយោបាយ ២-គណៈកម្មការកិច្ចការសភា ៣-គណៈកម្មការអប់រំ ទំនាក់ទំនង និងវប្បធម៌ ៤-គណៈកម្មការកិច្ចសហប្រតិបត្តិការនិងអភិវឌ្ឍន៍។

គ- បណ្ដាញសមាជិកសភានៃសភានិយាយភាសាបារាំងចំនួន៣ មាន ១-បណ្ដាញសភាស្ត្រី ២-បណ្ដាញសមាជិកសភាប្រយុទ្ធនឹងមេរោគអេដស៍ និងជម្ងឺអេដស៍ ជម្ងឺរបេង និងជម្ងឺគ្រុនចាញ់ ៣-បណ្ដាញសមាជិកសភាវ័យក្មេង ឃ-លេខាធិការដ្ឋានរដ្ឋបាលនិងទីប្រឹក្សា។

អត្ថបទ និងរូបភាព ដោយនាយកដ្ឋានព័ត៌មាន
IPTP 11th (2024)
ព្រឹទ្ធសភា Senate
ក្រុមប្រឹក្សាធម្មនុញ្ញ CCC
ទីស្តីការគណៈរដ្ឋមន្រ្តី OCM
គ.ជ.ប NEC
អាស៊ាន ASEAN
អាយ.ភី.យូ IPU
អាយ.ប៉ា AIPA
អេ.ភី.អេ APA
អេ.ភី.អេហ្វ APF
អង្គការសហប្រជាជាតិ UNDP