ទំព័រមុខ » ព័ត៌មាន » ព័ត៌មានប្រចាំថ្ងៃ » ឯកឧត្តម ឈាង វុន អញ្ជើញចូលរួមកិច្ចប្រជុំគណៈកម្មការសេដ្ឋកិច្ច និងពាណិជ្ជកម្ម APPF
ឯកឧត្តម ឈាង វុន អញ្ជើញចូលរួមកិច្ចប្រជុំគណៈកម្មការសេដ្ឋកិច្ច និងពាណិជ្ជកម្ម APPF
រៀបរៀងដោយ ៖​ NA1472 ​ នៅថ្ងៃទី (10/27/2022 6:41:31 AM )

ឯកឧត្តម ឈាង វុន ប្រធានគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម នៃរដ្ឋសភា នារសៀលថ្ងៃព្រហស្បតិ៍ ទី២៧ ខែតុលា ឆ្នាំ២០២២នេះ បានអញ្ជើញចូលរួមកិច្ចប្រជុំគណៈកម្មការសេដ្ឋកិច្ច និងពាណិជ្ជកម្ម នៃកិច្ចប្រជុំប្រចាំឆ្នាំលើកទី៣០ នៃវេទិកា សភាអាស៊ី-ប៉ាស៊ីហ្វិក ដែលសភាប្រទេសថៃធ្វើជាម្ចាស់ផ្ទះនាទីក្រុងបាងកក ប្រទេសថៃ។

កិច្ចប្រជុំគណៈកម្មការសេដ្ឋកិច្ច និងពាណិជ្ជកម្ម បានពិភាក្សាលើសេចក្តីព្រាងសេចក្តីសម្រេចចំនួនពីរ រួមមាន ការជំរុញជីវចម្រុះ និង សេដ្ឋកិច្ចប៉ៃតង សម្រាប់ការអភិវឌ្ឍរួមគ្នា និងសេចក្តីព្រាងសេចក្តីសម្រេចស្តីពី ពង្រឹងការតភ្ជាប់ និងការធ្វើឲ្យកាន់តែប្រសើរឡើងនូវ សេដ្ឋកិច្ចឌីជីថលនៅក្នុងតំបន់អាស៊ីប៉ា-ស៊ីហ្វិក។

នៅក្នុងកិច្ចប្រជុំនេះ ឯកឧត្តម ឈាង វុន និងគណៈប្រតិភូប្រទេសជាច្រើនទៀត បានអញ្ជើញថ្លែងបទអន្តរាគមន៍លើសេចក្តីព្រាងសេចក្តី- សម្រេចខាងលើ នៅក្នុងការជំរុញ និងលើកកម្ពស់វប្បធម៌សន្ទនា ដែលជាតួនាទីរបស់សភាដើម្បីលើកកម្ពស់ការអភិវឌ្ឍសេដ្ឋកិច្ចប៉ៃតង និងសេដ្ឋកិច្ចឌីជីថលជូនប្រជាពលរដ្ឋ ក្រោយពីការរាតត្បាតជំងឺកូវីដ១៩ ៕

អត្ថបទ និងរូបភាព ដោយនាយកដ្ឋានព័ត៌មាន