សេចក្តីប្រកាសព័ត៌មាន ស្តីពីលទ្ធផលសម័យប្រជុំរដ្ឋសភាលើកទី៨ នីតិកាលទី៦ ថ្ងៃចន្ទ ទី៣ ខែតុលា ឆ្នាំ២០២២__ បើកសម័យប្រជុំរដ្ឋសភាលើកទី៨ នីតិកាលទី៦៖ ព្រះមហាក្សត្រកោតសរសើរ និងអរគុណរដ្ឋសភា ដែលបានអនុម័តច្បាប់នានា ដើម្បីឱ្យមានសង្គតិភាពទៅនឹងបរិយាកាសនយោបាយ ស្ថានភាពសង្គម ស្របតាមរដ្ឋធម្មនុញ្ញ__ របាយការណ៍សង្ខេប ស្តីពីសកម្មភាពការងាររបស់រដ្ឋសភា នាចន្លោះសម័យប្រជុំរដ្ឋសភាលើកទី៧ និងលើកទី៨ នីតិកាលទី៦__ ព្រះរាជសារ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជូនសម័យប្រជុំរដ្ឋសភាលើកទី៨ នីតិកាលទី៦__ ឯកឧត្តម កែប ជុតិមា អញ្ជើញបិទសិក្ខាសាលាស្តីពី «ស័្វយភាពសេដ្ឋកិច្ចរបស់ស្ត្រីនៅតំបន់ជនបទ និងវិធីសាស្ត្រនៃការចរចា និងសន្ធានកម្មប្រើប្រាស់ក្នុងក្របខណ្ឌ័សភា» ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » ឯកឧត្តម សួស យ៉ារ៉ា ជួបពិភាក្សាការងារជាមួយប្រធានគណៈកម្មការកិច្ចការបរទេសរដ្ឋសភាឡាវ
ឯកឧត្តម សួស យ៉ារ៉ា ជួបពិភាក្សាការងារជាមួយប្រធានគណៈកម្មការកិច្ចការបរទេសរដ្ឋសភាឡាវ
រៀបរៀងដោយ ៖​ NA1472 ​ នៅថ្ងៃទី (9/14/2022 7:58:35 PM )

នៅក្នុងឱកាសអមដំណើរ សម្តេចប្រធានរដ្ឋសភា បំពេញទស្សនកិច្ចជាផ្លូវការ និងមិត្តភាព នៅប្រទេសឡាវ ឯកឧត្តម សួស យ៉ារ៉ា ប្រធានគណៈកម្មការកិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃរដ្ឋសភា បានជួបពិភាក្សាការងារជាមួយ ឯកឧត្តម Sanya Praseuth ប្រធានគណៈកម្មការកិច្ចបរទេស នៃរដ្ឋសភាឡាវ ដើម្បីចែករំលែកផ្លាស់ប្តូរបទពិសោធន៍ នៅក្នុងការពង្រឹង ពង្រីកកិច្ចសហប្រតិបត្តិការរវាងគ្នា នារសៀលថ្ងៃទី១៤ ខែកញ្ញា ឆ្នាំ២០២២។

ឯកឧត្តម សួស យ៉ារ៉ា បានថ្លែងអំណរគុណចំពោះរដ្ឋសភាឡាវ ដែលបានរៀបចំទទួលស្វាគមន៍យ៉ាងកក់ក្តៅជាទីបំផុតជូនដល់គណៈ- ប្រតិភូជាន់ខ្ពស់រដ្ឋសភាកម្ពុជា ដែលដឹកនាំដោយ សម្តេចអគ្គមហាពញាចក្រី ហេង សំរិន ប្រធានរដ្ឋសភា នាឱកាសនេះ។

នៅក្នុងជំនួបពិភាក្សាការងារនេះ ភាគីទំាងពីរបានពិភាក្សាគ្នាលើបញ្ហាមួយចំនួនដូចជា ការរៀបចំទទួលស្វាគមន៍របស់ភាគីកម្ពុជា ចំពោះ ដំណើរទស្សនកិច្ចរបស់គណៈប្រតិភូជាន់ខ្ពស់រដ្ឋសភាឡាវ ដឹកនាំដោយឯកឧត្តមប្រធានរដ្ឋសភា ដែលនឹងអញ្ជើញទៅបំពេញទស្សនកិច្ច នៅព្រះរាជាណាចក្រកម្ពុជា នាខែវិច្ឆិកាខាងមុខ និងការពិភាក្សាលើគម្រោង រៀបចំកម្មវិធីកិច្ចប្រជុំប្រធានរដ្ឋសភា CLV លើកដំបូងនៅ ប្រទេសឡាវ ក្នុងឆ្នាំ២០២៣ និងកិច្ចសហប្រតិបត្តិការលើការងារទំនាក់ទំនងអន្តរជាតិមួយចំនួនទៀត។

ឆ្លៀតនៅក្នុងឱកាសនេះ ភាគីឡាវបានស្នើសុំភាគីកម្ពុជា បណ្តុះបណ្តាលមន្រ្តីរដ្ឋសភារបស់ខ្លួនប្រមាណជាង២០នាក់ លើការងាររៀបចំ មហាសន្និបាតអន្តរសភាអាស៊ាន (AIPA) ផងដែរ៕

អត្ថបទ និងរូបភាព ដោយនាយកដ្ឋានព័ត៌មាន