សេចក្តីជូនដំណឹង ​ស្តីពីកាតព្វកិច្ចក្នុងការទទួលការចាក់វ៉ាក់សាំងការពារជំងឺកូវីដ-១៩__ អគ្គលេខាធិការដ្ឋានរដ្ឋសភា បានបញ្ចប់យុទ្ធនាការចាក់វ៉ាក់សំាងកូវីដ-១៩ សម្រាប់ដូសទី១__ សារលិខិតជូនពរ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា ផ្ញើជូន បងប្អូនជនរួមជាតិ ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ__ លិខិតថ្វាយព្រះពរ របស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា សូមក្រាបបង្គំទូលថ្វាយ សម្តេចព្រះបរមនាថ នរោត្តម សីហមុនី__ លិខិតថ្វាយព្រះពរ របស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា សូមក្រាបបង្គំទូលថ្វាយ សម្តេចព្រះមហាក្សត្រី នរោត្តម មុនិនាថ សីហនុ__ សារលិខិតជូនពរ របស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា ជូនចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា__ សារលិខិតជូនពរ របស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា នៃព្រះរាជាណាចក្រកម្ពុជា ជូនចំពោះ សម្តេចវិបុលសេនាភក្តី សាយ ឈុំ ប្រធានព្រឹទ្ធសភា នៃព្រះរាជាណាចក្រកម្ពុជា__ លោកជំទាវ ឡោក ខេង ចូលរួមសិក្ខាសាលាអនឡាញស្តីពី "ផលប៉ះពាល់ នៃរោគរាតត្បាតកូវីដ១៩ លើសមភាពយេនឌ័រ"__ មន្រ្តីអគ្គលេខាធិការដ្ឋានរដ្ឋសភាចូលរួមយុទ្ធនាការចាក់វ៉ាក់សំាងកូវីដ-១៩__ សម្តេចអគ្គមហាពញាចក្រី​ ហេង​ សំរិន​ ប្រធានរដ្ឋសភា នៃព្រះរាជាណាចក្រកម្ពុជា​ បានផ្ញេីលិខិតជូនពរ​សម្តែងនូវអំណរសាទរ​យ៉ាង​​​​​​​កក់ក្តៅបំផុតជូនចំពោះ ឯកឧត្ដម វឿង ឌិញហ៊ុយ (Vương Đình Huệ)​ ប្រធានរដ្ឋសភា នៃសាធារណរដ្ឋសង្គមនិយមវៀតណាម​ ដែលត្រូវបានបោះឆ្នោតជ្រើសតាំង​ ជាប្រធានរដ្ឋសភា នៃសាធារណរដ្ឋសង្គមនិយមវៀតណាម នាពេលកន្លងទៅថ្មីៗនេះ​ សម្រាប់នីតិកាលទី១៤__ សារលិខិតជូនពរ របស់ ឯកឧត្តមកិត្តិនីតិកោសលបណ្ឌិត ងួន ញ៉ិល អនុប្រធានទី១រដ្ឋសភា សូមគោរពជូន សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា__ លិខិតជូនពរ របស់ សម្តេចអគ្គមហាពញាចក្រី ហេង សំរិន ប្រធានរដ្ឋសភា ជូនចំពោះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា__ គណៈកម្មការជំនាញរដ្ឋសភា ប្រជុំពិនិត្យសិក្សាសេចក្តីព្រាងច្បាប់ចំនួន៤ ពាក់ព័ន្ធនឹងវិស័យអគ្គិសនីជាមួយក្រសួងរ៉ែ និងថាមពល តាមប្រព័ន្ធវីដេអូ ៕


ទំព័រមុខ » ព័ត៌មាន » ព័ត៌មានប្រចាំថ្ងៃ » គណៈប្រតិភូសភាកម្ពុជាអញ្ជើញចូលរួមកិច្ចប្រជុំស្តីពី "ស្ត្រី និងសេដ្ឋកិច្ចគ្រួសារជាស្នូល" តាមប្រព័ន្ធវីដេអូអនឡាញ ភ្ជាប់ពីវិមានរដ្ឋសភាទៅកាន់ទីក្រុង Tehran ក្នុងប្រទេស Iran
គណៈប្រតិភូសភាកម្ពុជាអញ្ជើញចូលរួមកិច្ចប្រជុំស្តីពី "ស្ត្រី និងសេដ្ឋកិច្ចគ្រួសារជាស្នូល" តាមប្រព័ន្ធវីដេអូអនឡាញ ភ្ជាប់ពីវិមានរដ្ឋសភាទៅកាន់ទីក្រុង Tehran ក្នុងប្រទេស Iran
រៀបរៀងដោយ ៖​ NA1472 ​ នៅថ្ងៃទី (3/10/2021 6:10:25 PM )

គណៈប្រតិភូសភាកម្ពុជា ដឹកនាំដោយ លោកជំទាវ ឡោក ខេង ប្រធានគណៈកម្មការសុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ បណ្តុះបណ្តាលវិជ្ជាជីវៈ និងកិច្ចការនារី នៃរដ្ឋសភា បានអញ្ជើញចូលរួមកិច្ចប្រជុំស្តីពី "ស្ត្រី និងសេដ្ឋកិច្ចគ្រួសារ ជាស្នូល" (គោលនយោបាយ កម្មវិធី និងបទពិសោធន៍ជោគជ័យ៖ ការត្រួតពិនិត្យច្បាប់ ការផ្តល់សិទ្ធិអំណាចដល់គ្រួសារ និងសក្តានុពល ចលនាសេដ្ឋកិច្ច) តាមរយៈប្រព័ន្ធវីដេអូអនឡាញ ដែលភ្ជាប់ពីវិមានរដ្ឋសភានៃព្រះរាជាណាចក្រកម្ពុជា ទៅកាន់ទីក្រុងតេអុីរ៉ង់ (Tehran) នៃប្រទេសអុីរ៉ង់ (Iran) នៅរសៀលថ្ងៃទី៩ ខែមីនា ឆ្នាំ២០២១។

សមាសភាពគណៈប្រតិភូសភាកម្ពុជា ដែលបានចូលរួមក្នុងកិច្ចប្រជុំនេះ ដែរមាន លោកជំទាវ កុប ម៉ារីយ៉ាស សមាជិកាគណៈកម្មការ កិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃរដ្ឋសភា និង ឯកឧត្តម ងួន សុជាតិ សមាជិកគណៈកម្មការ កិច្ចការបរទេស សហប្រតិបត្តិការអន្តរជាតិ ឃោសនាការ និងព័ត៌មាន នៃរដ្ឋសភា ព្រមទាំងមន្ត្រីជំនាញនៃអគ្គលេខាធិការដ្ឋានរដ្ឋសភា កម្ពុជាមួយចំនួនទៀត។

ចំណែកសមាសភាពគណៈប្រតិភូបរទេសគឺមាន ក្រុមសមាជិកសភាស្ត្រី និងគ្រួសារ (Woman and Family Faction) នៃសភាអុីស្លាម និងក្រុមសមាជិកសភា នៃសាធារណរដ្ឋអុីស្លាមអុីរ៉ង់ ក្នុងសន្និបាតសភាតំបន់អាស៊ី (APA) ព្រមទាំងតំណាង នៃបណ្តាសភាតំបន់អាស៊ី អង្គការ និងមជ្ឈមណ្ឌលទាក់ទងនឹងស្ត្រី និងគ្រួសារ ដែលជាតំណាងមកពី២៤ប្រទេស បានចុះឈ្មោះ ប៉ុន្តែបានចូលរួមជាក់ស្តែងចំនួន ១៧ប្រទេស។

កិច្ចប្រជុំនេះ មានគោលបំណងស្វែងរកសក្តានុពលរបស់ស្ត្រី និងគ្រួសារ និងប្រសិទ្ធភាព នៃវដ្តសេដ្ឋកិច្ច ដើម្បីធ្វើការសម្របសម្រួល ការបែងចែកធនធាន មធ្យោបាយ និងសេវាកម្មនៅក្នុងសហគមន៍។

លោកជំទាវ ឡោក ខេង បានមានប្រសាសន៍ថា រាជរដ្ឋាភិបាលកម្ពុជាបានចាត់ទុកថា ស្ត្រីគឺជាឆ្អឹងខ្នងនៃសេដ្ឋកិច្ចជាតិ និងជារតន សម្បត្តិដ៏មានតម្លៃ។ ការការពារស្ត្រី គឺការពារខ្លួនឯង ដែលសព្វថ្ងៃនេះធនធានមនុស្សពាក់កណ្តាលក្នុងប្រទេស គឺជាស្ត្រី និងមានសារៈ- សំខាន់ក្នុងការអភិវឌ្ឍសេដ្ឋកិច្ច សង្គម និងទាមទារឲ្យមានច្បាប់ ទម្លាប់ ដែលជាការបែងចែកអន្តរកម្មនៅក្នុងស្ថានភាពសង្គម។

លោកជំទាវប្រធានគណៈប្រតិភូ បានបន្ថែមថា នៅក្នុងដំណើរការនៃ "ស្ត្រី និងសេដ្ឋកិច្ចគ្រួសារ" ត្រូវមានធាតុផ្សំចំនួន៤ ដែលមាន សារៈសំខាន់គឺមានដូចជាៈ ១/ការផ្តល់សិទ្ធិអំណាចដល់ស្ត្រី និងក្រុមគ្រួសារ ២/ការត្រួតពិនិត្យ និងវាយតម្លៃលើធនធាន មធ្យោបាយ និង សមត្ថភាព ៣/ស្ថានភាពសេដ្ឋកិច្ចរបស់ប្រទេស (សក្តានុពលនៃវដ្ដសេដ្ឋកិច្ច ក្នុងកម្រិតមីក្រូ និងម៉ាក្រូ) ៤/ការត្រួតពិនិត្យនៃគោលនយោ- បាយ និងបកស្រាយទិដ្ឋភាពច្បាប់។

លោកជំទាវ ឡោក ខេង បានបញ្ជាក់ថា សភាកម្ពុជាក៏បានចូលរួមចំណែកលើកតម្កើងក្មេងស្រី ក្នុងគោលបំណងឱ្យថ្ងៃអនាគត យើងនឹង មានអ្នកដឹកនាំជាស្រ្តីកាន់តែច្រើន នោះសង្គមនឹងកាន់តែរឹងមាំ ហើយគម្លាតយេនឌ័រកាន់តែរួញតូច។ ស្ត្រីកម្ពុជាប្តេជ្ញាធ្វើជាដៃគូរបស់ បុរស មិនមែនជាបន្ទុករបស់បុរសឡើយ។

លោកជំទាវបានបន្តទៀតថា នៅកម្ពុជា ក្រុមប្រឹក្សាជាតិដើម្បីស្ត្រី បានបង្កើតគោលនយោបាយជាច្រើន ដើម្បីទប់ស្កាត់ការរើសអើងស្ត្រី និងបានលើកកម្ពស់ស្ត្រីនៅគ្រប់កម្រិតតាំងពីថ្នាក់មូលដ្ឋាន រហូតដល់ថ្នាក់ធ្វើការសម្រេចចិត្ត ដែលមានការកើនឡើងគួរជាទីមោទនៈ និង បានផ្តល់ឱកាសដល់ស្ត្រីក្នុងមុខងារសាធារណៈ និងដាក់គោលដៅឲ្យដល់៥០%។ ការលើកកម្ពស់សុខភាព និងជីវភាពរបស់ស្ត្រីក៏កំពុង ប្រឈមនឹងការបន្តរងសម្ពាធ នៃការឆ្លងរាលដាលពីជំងឺកូវីដ-១៩ ដែលរាជរដ្ឋាភិបាលកម្ពុជា បានដាក់ចេញនូវកម្មវិធីឧបត្ថម្ភសាច់ប្រាក់ ដល់ស្ត្រីក្រីក្រ មានផ្ទៃពោះ ទាំងនៅក្នុងអំឡុងពេលពិនិត្យផ្ទៃពោះ ពេលសម្រាល និងក្រោយសម្រាល។ ទន្ទឹមនឹងនេះដែរ រាជរដ្ឋាភិបាល ក៏បានឧបត្ថម្ភសាច់ប្រាក់ និងបង្កើនការផ្តល់ប័ណ្ណសមធម៌បន្ថែម ដល់គ្រួសារដែលរងផលប៉ះពាល់ ក្នុងកំឡុងពេល នៃជំងឺកូវីដ-១៩។ ចំណែកកម្មករ កម្មការិនី ដែលត្រូវបានព្យួរកិច្ចសន្យា ឬបញ្ឈប់ពីការងារ ក៏ទទួលបានការបណ្តុះបណ្តាលជំនាញវិជ្ជាជីវៈបន្ថែមផងដែរ ៕

អត្ថបទ និងរូបភាព ដោយនាយកដ្ឋានព័ត៌មាន