ឯកឧត្តម ហ៊ុន ណេង ប្រធានគណៈកម្មការមហាផ្ទៃ ការពារជាតិ និងមុខងារសាធារណៈនៃរដ្ឋសភា និងជាប្រធានអនុគណៈកម្មការទី៥ សន្តិសុខ សណ្តាប់ធ្នាប់ និងសង្ក្រោះបឋម នៃកិច្ចប្រជុំភាពជាដៃគូសភាអាស៊ី-អឺរ៉ុប លើកទី១១ (ASEP-11) បានដឹកនាំឯកឧត្តម លោកជំទាវ ជាសមាជិក សមាជិកា នៃអនុគណៈកម្មការទី៥ ប្រជុំដើម្បីពិនិត្យលើការងារ ត្រៀមរៀបចំផែនការការពារ ជូនដល់គណៈប្រតិភូ ដែលអញ្ជើញមកចូលរួម កិច្ចប្រជុំនេះនាពេល ខាងនេះ។
កិច្ចប្រជុំនេះធ្វើឡើង នៅរសៀលថ្ងៃច័ន្ទ ១៣កើត ខែមិគសិរ ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី៩ ខែធ្នូ ឆ្នាំ២០១៩ នៅវិមានរដ្ឋសភា។
សូមជម្រាបថា សភាកម្ពុជានឹងត្រូវធ្វើជាម្ចាស់ផ្ទះនាចុងឆ្នាំ២០២០ ដែលប្រារព្ធធ្វើឡើងនៅសណ្ឋាគាររ៉េស៊ីដង់សុខាភ្នំពេញ។ មានគណៈប្រតិភូចំនួន ៥៣ ប្រទេសដែលនិងត្រូវអញ្ជើញចូលរួមក្នុងកិច្ចប្រជុំនេះ៕