លោកជំទាវ កុល ធារិន សមាជិកាគណៈកម្មការសេដ្ឋកិច្ច ហិរញ្ញវត្ថុ ធនាគារ និងសវនកម្ម (គណៈ​កម្មការទី២) នៃរដ្ឋសភា និងជាតំណាងរាស្រ្តមណ្ឌលខេត្តកំពង់ចាម នាព្រឹកថ្ងៃទី២២ ខែតុលា ឆ្នាំ​២០២៥ បានអញ្ជើញចូលរួមក្នុងពិធីសំណេះសំណាលរបស់ថ្នាក់ដឹកនាំ  គណៈកម្មាធិការកណ្ដាល​សមាគមនារីកម្ពុជាដើម្បីសន្តិភាព និងអភិវឌ្ឍន៍ ជាមួយថ្នាក់ដឹកនាំសមាគមនារីក្រសួង ស្ថាប័ន រាជធានី ខេត្ត តាមរយ:ប្រព័ន្ធវីដេអូអនឡាញ (Zoom) ក្រោមអធិបតីភាព សម្ដេចកិត្តិសង្គហបណ្ឌិត ម៉ែន សំអន ឧត្ដមប្រឹក្សាផ្ទាល់ព្រះមហាក្សត្រ ប្រធានសមាគមនារីកម្ពុជាដើម្បីសន្តិភាព និងអភិវឌ្ឍន៍ នៅសាលតូច​សាលាខេត្តកំពង់ចាម។

នាឱកាសនោះ សម្តេចកិត្តិសង្គហបណ្ឌិត បានគាំទ្រ ជំរុញ និងលើកទឹកចិត្តដល់ពលរដ្ឋខ្មែរទាំងអស់គ្នា ពិសេស រាល់សកម្មភាពរបស់ស្រ្តី ដើម្បីចូលរួមលើកកម្ពស់ការប្រើប្រាស់ផលិតផលខ្មែរ ដែលជាផលិត​ក្នុង​ស្រុក បញ្ឈប់ការប្រើប្រាស់ទំនិញថៃ ដើម្បីស្ថិរភាព និងវឌ្ឍនភាពនៃសេដ្ឋកិច្ចកម្ពុជា​ប្រកបដោយ​និរន្តរភាពផង និងជាការប្រុងប្រយ័ត្នចំពោះទង្វើអគតិដោយការប្រើប្រាស់សារជាតិបំផ្លាញសុខភាពផង។